ກົມ ວສ-ປສ ການທະຫານ ມອບຄອມພິວເຕີ ແລະ ໂຟນີໃຫ້ໂຮງຮຽນນາຍສິບເລກ I
ວັນທີ 2 ພຶດສະພາ 2017 ນີ້, ຢູ່ກົມວິທະຍາສາດ-ປະຫວັດສາດ ການທະຫານ ກະຊວງປ້ອງກັນປະເທດ ໄດ້ມີພິທີມອບ-ຮັບເຄື່ອງຮັບໃຊ້ຫ້ອງການຈຳ
ນວນໜຶ່ງໃຫ້ແກ່ໂຮງຮຽນນາຍສິບເລກ I ຂຶ້ນ ໂດຍພາຍໃຕ້ການເຂົ້າຮ່ວມເປັນສັກຄີພິຍານຂອງ ສະຫາຍ ພັນເອກ ວິຊຽນ ສີສະອາດ ຮອງຫົວໜ້າກົມວິ
ທະຍາສາດ-ປະຫວັດສາດ ການທະຫານ ມີສະຫາຍ ພັນເອກ ສີລາວົງ ບຸນມີໄຊ ຮອງອຳນວຍການໂຮງຮຽນ ມີພາກສ່ວນກ່ຽວຂ້ອງເຂົ້າຮ່ວມ.
ພິທີ ມອບ-ຮັບ ຄອມພິວເຕີ ແລະ ໂຟນີ ໃຫ້ໂຮງຮຽນນາຍສິບເລກ I
ພັນໂທ ສັນຕິ ຫຼ່ຽມຜີ ຮອງຫົວໜ້າພະແນກວິທະຍາສາດເຕັກໂນໂລຢີ ແລະສິ່ງແວດລ້ອມ ຕ່າງໜ້າກົມວິທະຍາສາດ-ປະຫວັດສາດ ການທະຫານ ໄດ້
ກ່າວມອບຢ່າງເປັນທາງການ ເຄື່ອງທີ່ມອບຄັ້ງນີ້ປະກອບດ້ວຍ ຄອມພິວເຕີຕັ້ງໂຕະ 1 ຊຸດ, ເຄື່ອງໂຟນີ 1 ຊຸດ ມີ 10 ໜ່ວຍ ລວມມູນຄ່າ 5 ລ້ານກີບ ແລະ
ກ່າວຮັບໂດຍແມ່ນ ສະຫາຍ ພັນເອກ ສີລາວົງ ບຸນມີໄຊ ຮອງອຳນວຍການໂຮງຮຽນ ຫົວໜ້າຫ້ອງອົບຮົມໂຮງຮຽນເລກ I ຍັງໄດ້ສະແດງຄວາມຂອບອົກ
ຂອບໃຈຕໍ່ການປະກອບສ່ວນວັດຖຸອຸປະກອນ ເພື່ອອຳນວຍຄວາມສະດວກໃຫ້ໂຮງຮຽນຄັ້ງນີ້ ພ້ອມທັງຢືນຢັນວ່າຈະນຳເອົາເຄື່ອງດັ່ງກ່າວໄປປະກອບສ່ວນ
ເຂົ້າຮັບໃຊ້ເຮັດໜ້າທີ່ລວມຂອງໂຮງຮຽນ ແລະຈະປົກປັກຮັກສາໃຫ້ໃຊ້ໄດ້ຍາວນານມີປະສິດທິຜົນສູງ ແລະເຊື່ອໝັ້ນວ່າການພົວພັນຮ່ວມມືສອງພາກສ່ວນ
ຈະສືບຕໍ່ພົວພັນຮ່ວມມືກັນຕໍ່ໄປ.