ປຶກສາຫາລືກະກຽມຄວາມພ້ອມ ຈັດກອງປະຊຸມ ຜູ້ບັນຊາການທະຫານອາກາດ ອາຊຽນ ຄັ້ງທີ 19
ສະຫາຍ ພົນຕີ ວົງຄຳ ພົມມະກອນ ກຳມະການສູນກາງພັກ, ຮອງລັດຖະມົນຕີ ກະຊວງປ້ອງກັນປະເທດ ເປັນປະທານ
ວັນທີ 29 ກໍລະກົດ 2022 ນີ້, ກອງບັນຊາການທະຫານອາກາດ ໄດ້ຈັດກອງປະຊຸມລາຍງານຄວາມຄືບໜ້າໃນການກະກຽມຄວາມພ້ອມ ໃຫ້ແກ່ການ
ເປັນເຈົ້າພາບຈັດກອງປະຊຸມຜູ້ບັນຊາການທະຫານອາກາດ ອາຊຽນ ຄັ້ງທີ 19 ທີ່ນະຄອນຫຼວງພະບາງ, ໂດຍການເປັນປະທານຂອງ ສະຫາຍ ພົນຕີ ວົງຄຳ
ພົມມະກອນ ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ມີ ສະຫາຍ ພົນຈັດຕະວາ ບຸນເດື່ອງ ພັນສົດໃສ ຮອງຫົວໜ້າຫ້ອງການ
ຄະນະກຳມະການ ປກຊ-ປກສ ສູນກາງ, ມີບັນດາກົມທີ່ກ່ຽວຂ້ອງ,ຄະນະພັກ-ຄະນະບັນຊາກອງບັນຊາການທະຫານອາກາດ, ກອງພັນໃຫຍ່ 702, 703, ອະ
ນຸກຳມະການ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.
ສະຫາຍ ພັນເອກ ຄຳສຸກ ຄຳເລືອງເທບ ຫົວໜ້າການທະຫານ ກອງພັນໃຫຍ່ 703, ຫົວໜ້າກອງເລຂາ ໄດ້ລາຍງານສະພາບການຈັດຕັ້ງປະຕິບັດວຽກ
ງານກະກຽມຄວາມພ້ອມ ຈັດກອງປະຊຸມຜູ້ບັນຊາການທະຫານອາກາດ ອາຊຽນ ຄັ້ງທີ 19 ທີ່ນະຄອນຫຼວງພະບາງ, ເປັນຕົ້ນແມ່ນ ໄດ້ຈັດຕັ້ງປະຕິບັດວຽກ
ງານກະກຽມໂຮງແຮມສະຖານທີ່ຈັດກອງປະຊຸມ, ວຽກດຳເນີນກອງປະຊຸມ, ວຽກງານພົບປະສອງຝ່າຍ, ວຽກງານເຂົ້າຢ້ຽມຂ່ຳນັບ, ກະກຽມງານລ້ຽງ, ແຂ່ງ
ຂັນຕີກ໋ອບ, ລ່ອງເຮືອ, ກະກຽມທ່ອງທ່ຽວຂອງຄະນະພັນລະຍາ, ວຽກງານຕ້ອນຮັບ-ສົ່ງແຂກ ຢູ່ເດີ່ນບິນ ແລະ ໂຮງແຮມ, ກະກຽມງົບ ປະມານ, ນ້ຳມັນເຊື້ອ
ໄຟ, ພາຫະນະເຕັກນິກຮັບໃຊ້, ວຽກງານເສນາຮັກ, ວຽກງານສື່ສານ, ວຽກງານປ້ອງກັນ ຢູ່ນະຄອນຫຼວງພະບາງ, ວຽກງານການໂຄສະນາ-ຂ່າວສານ, ສິລະ
ປະ-ວັນນະຄະດີ ແລະ ວຽກງານອື່ນໆທີ່ປິ່ນອ້ອມ. ຈາກນັ້ນ, ແຕ່ລະພາກສ່ວນອະນຸກຳມະການ ໄດ້ຄົ້ນຄວ້າປຶກສາຫາລື ເປັນເອກະພາບໃນການອອກແບບ
ກອງປະຊຸມ ແລະ ປະກອບຄຳເຫັນໃສ່ແຜນການກະກຽມແຕ່ລະໜ້າວຽກຕາມແຕ່ລະລະບາດກ້າວ ເພື່ອໃຫ້ມີເນື້ອໃນຄວາມໝາຍເຊິ່ງ.
ຈາກນັ້ນ, ສະຫາຍ ພົນຕີ ວົງຄຳ ພົມມະກອນ ໄດ້ມີຄຳເຫັນຕໍ່ກອງປະຊຸມ ພ້ອມທັງຮຽກຮ້ອງໃຫ້ຄະນະອານຸກຳການ, ກອງເລຂາ, ພະນັກງານວິຊາການ
ທີ່ກ່ຽວຂ້ອງ ຈົ່ງພ້ອມກັນຍົກສູງຄວາມຮັບຜິດຊອບ ແລະ ສຸມໃສ່ຈັດຕັ້ງ ປະຕິບັດໜ້າທີ່ວຽກງານທີ່ໄດ້ຮັບ ມອບໝາຍ ຈາກຂັ້ນເທິງ ເພື່ອຮັບ ປະກັນໃຫ້
ແກ່ການຈັດກອງປະຊຸມຜູ້ບັນຊາການທະຫານອາກາດ ອາຊຽນ ຄັ້ງທີ 19 ໄດ້ຮັບຜົນສຳເລັດຕາມຄາດໝາຍທີ່ວາງໄວ້.
ແຫຼ່ງທີ່ມາ: ໜັງສືພິມກອງທັບ
ວັນທີ 02/08/2022