ທະຫານແຂວງໄຊຍະບູລີ ປິດຊຸດອົບຮົມແພດຊັ້ນຕົ້ນ ຊຸດທີ 12
ໃນວັນທີ 25 ຕຸລາ 2017 ນີ້, ກອງບັນຊາການທະຫານແຂວງໄຊຍະບູລີ ໄດ້ຈັດພິທີປິດຊຸດອົບຮົມແພດຊັ້ນຕົ້ນຊຸດທີ 12 ຂຶ້ນ ຢູ່ສະໂມສອນຂອງກົມ
ກອງ ໂດຍການເຂົ້າຮ່ວມ ແລະ ເປັນປະທານຂອງ ພັນເອກ ກູດ ພົມມາ ຫົວໜ້າການທະຫານກອງບັນຊາການທະຫານແຂວງໄຊຍະບູລີ, ມີພັນໂທ ສີທະວົງ
ບຸນປະສົງ ຮອງກົມເສນາຮັກ ກົມໃຫຍ່ພະລາທິການກອງທັບ, ມີຄະນະພັກ-ຄະນະບັນຊາ 5 ຫ້ອງ, ແຂກຖືກເຊີນ ແລະ ນັກຮຽນເຂົ້າຮ່ວມ.
ພາບລວມພິທີປິດຊຸດອົບຮົມແພດຊັ້ນຕົ້ນຊຸດທີ 12 ຢູ່ກອງບັນຊາການທະຫານແຂວງ ໄຊຍະບູລີ
ພັນໂທ ບຸນຈັນ ກິຕິຄຳມູນ ອຳນວຍການໂຮງຮຽນສ້າງແພດຊັ້ນຕົ້ນຊຸດທີ 12 ທະຫານແຂວງໄຊຍະບູລີ ໄດ້ຂຶ້ນຜ່ານບົດສະຫຼຸບໃນໄລຍະອົບຮົມ 12
ເດືອນຜ່ານມາ ໂດຍໄດ້ຍົກໃຫ້ເຫັນດ້ານດີ ດ້ານອ່ອນ ແລະ ຂໍ້ຄົງຄ້າງທີ່ຈະປັບປຸງແກ້ໄຂໃນຕໍ່ໜ້າ ເປັນຕົ້ນແມ່ນການປະຕິບັດວຽກງານວິຊາສະເພາະໃນໄລ
ຍະເຝິກງານຕົວຈິງ ທີ່ນຳໃຊ້ຄວາມຮູ້ຄວາມສາມາດຂອງນັກຮຽນເຂົ້າໃນການປະຖົມພະຍາບານຄົນເຈັບ ແລະ ການປິ່ນປົວຄົນເຈັບໃຫ້ດີ ຮັກສາໄດ້ຈັນຍາ
ບັນຂອງແພດ ຊຸດອົບຮົມຄັ້ງນີ້ມີນັກຮຽນທັງໝົດ 105 ສະຫາຍ ຜ່ານການຕີລາຄາສາມາດປະເມີນຜົນໄດ້ ພາກການເມືອງ ເກັ່ງ 57 ສະຫາຍ, ກາງ 35
ສະຫາຍ, ຄາດໝາຍ 13 ສະຫາຍ. ພາກການທະຫານ ເກັ່ງ 32 ສະຫາຍ, ກາງ 55 ສະຫາຍ, ຄາດໝາຍ 18 ສະຫາຍ, ພາກການແພດຄະແນນ 9 ມີ 45
ສະຫາຍ ຍິງ 23 ສະຫາຍ, ຄະແນນ 8,5 ມີ 46 ສະຫາຍ ຍິງ 15 ສະຫາຍ, ຄະແນນ 8 ມີ 14 ສະຫາຍ ຍິງ 3 ສະຫາຍ ໃນພິທີຍັງໄດ້ມອບໃບຢັ້ງຢືນໃຫ້
ນັກຮຽນສ້າງແພດຊຸດທີ 12 ຈຳນວນ 105 ສະຫາຍ ແລະ ມອບໃບຍ້ອງຍໍຈາກກອງບັນຊາການທະຫານແຂວງຈຳນວນ 21 ສະຫາຍ, ໃບຊົມເຊີຍ 33 ສະ
ຫາຍ ແລະ ໄດ້ຮັບການເລື່ອນຊັ້ນໃໝ່ 56 ສະຫາຍ.