ກົມ 213 ສະຫຼຸບວຽກງານຮອບດ້ານປະຈຳປີ 2018
ແລະ ວາງທິດທາງວຽກງານຈຸດສຸມປະຈຳປີ 2019
ກົມ 213 ໄດ້ຈັດກອງປະຊຸມສະຫຼຸບວຽກງານຮອບດ້ານປະຈຳປີ 2018 ແລະ ວາງທິດທາງວຽກງານຈຸດສຸມປະຈຳປີ 2019, ໃນວັນທີ 31 ມັງກອນ 2019 ນີ້, ໂດຍ
ການເຂົ້າຮ່ວມເປັນປະທານຂອງສະຫາຍ ພົນຕີ ປອ ທອງວັນ ຈັນທະວົງ ເລຂາຄະນະພັກ, ຫົວໜ້າກົມ 213, ມີຄະນະພັກ-ຄະນະບັນຊາ, ຫ້ອງການ, ກອງພັນ, ສູນ, ໂຮງ
ຮຽນ, ພະນັກງານ-ນັກຮົບພາຍໃນກົມ 213 ເຂົ້າຮ່ວມ.
ພົນຕີ ປອ ທອງວັນ ຈັນທະວົງ ໃນນີ້ມີຫຼຽນໄຊອິດສະຫຼະໃຫ້ແກ່ນາຍແລະ ພົນທະຫານກົມ 213
ພັນໂທ ເຜີຍເພັດ ພົມສີຈັນ ຫົວໜ້າຫ້ອງການບໍລິຫານກົມ 213 ໄດ້ຂຶ້ນຜ່ານບົດສະຫຼຸບໃນໄລຍະ 1 ປີຜ່ານມາ, ໂດຍໄດ້ຮັບການຊີ້ນຳຕິດແທດຈາກຂ້ັນເທິງ ແລະ
ຄວາມເປັນເຈົ້າການຂອງຄະນະພັກ-ຄະນະບັນຊາ ກົມ 213, ໄດ້ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ, ກອງປະຊຸມໃຫຍ່ຄັ້ງທີ IV ຂອງອົງຄະນະພັກ
ກະຊວງປ້ອງກັນປະເທດ ແລະ ກອງປະຊຸມໃຫຍ່ຄັ້ງທີ IV ຂອງຄະນະພັກອົງການກົມ 213, ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ປັບປຸງຄວາມສາມັກຄີ
ພາຍໃນເປັນປຶກແຜ່ນ ແລະ ປັບປຸງແບບແຜນວິທີເຮັດວຽກ, ຈັດຕັ້ງຊີ້ນຳແຕ່ລະໜ້າວຽກຢ່າງມີປະສິດທິພາບ, ຍ້ອນພະນັກງານ-ນັກຮົບໄດ້ຮັບການສຶກສາອົບຮົມການເມືອງ
ນຳພາແນວຄິດຢ່າງຕໍ່ເນື່ອງເຮັດໃຫ້ມີຄວາມຕື່ນຕົວປະຕິບັດໜ້າທີ່, ຜ່ານຜ່າທຸກຄວາມຫຍຸ້ງຍາກ, ເຮັດສຳເລັດໜ້າທີ່ການເມືອງຂອງຕົນເປັນຢ່າງດີ ເຮັດໃຫ້ນາຍ ແລະ ພົນ
ທະຫານມີແນວຄິດການເມືອງໜັກແໜ້ນ, ມີຄວາມສະຫງົບ, ອຸ່ນອຽນຕໍ່ໜ້າທີ່ການເມືອງຂອງຕົນຖືເອົາການຈັດຕັ້ງປະຕິບັດວຽກງານຕົວຈິງເປັນບ່ອນສຶກສາຍົກລະດັບ
ຄວາມຮູ້, ສະສົມປະສົບການ ແລະ ຄວາມສາມາດໃນການຈັດຕັ້ງຜັນຂະຫຍາຍແນວທາງນະໂຍບາຍຂອງພັກໄດ້ຢ່າງຖືກຕ້ອງສອດຄ່ອງກັບສະພາບ ແລະ ເງື່ອນໄຂຕົວຈິງ
ຂອງກົມກອງ. ໃນນີ້ກົມ213 ມີຄະນະພັກຮາກຖານແຂງຮອບດ້ານ ມີ 42 ຫົວໜ່ວຍ, ແຂງມີ 6 ຫົວໜ່ວຍ, ໜ່ວຍພັກຮາກຖານຂຶ້ນກັບຄະນະພັກອົງການກົມ 213 ແຂງ
ຮອບດ້ານມີ 10 ຫົວໜ່ວຍ, ໜ່ວຍພັກຂຶ້ນກັບຄະນະພັກຮາກຖານແຂງຮອບດ້ານມີ 26 ຫົວໜ່ວຍ ແລະ ແຂງມີ 6 ຫົວໜ່ວຍ, ລວມທັງໝົດ 90 ຫົວໜ່ວຍ.
ພັນໂທ ໄກສອນ ພິລາວົງ ຫົວໜ້າຫ້ອງການເມືອງກົມ 213 ໄດ້ຂຶ້ນຜ່ານດຳລັດຂອງປະທານປະເທດ, ດຳລັດຂອງນາຍົກລັດຖະມົນຕີ ແລະ ຂໍ້ຕົກລົງວ່າດ້ວຍການຍ້ອງ
ຍໍສັນລະເສີນຜົນງານ 5 ປີ ເພື່ອຂໍ່ານັບຮັບຕ້ອນ ແລະ ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ໃຫ້ແກ່ນາຍ ແລະ ພົນທະຫານກົມ 213 ໃນນີ້
ມີຫຼຽນໄຊອິດສະຫຼະຊັ້ນ II ໃຫ້ 1 ສະຫາຍ ແລະ 1 ກົມກອງ, ຫຼຽນໄຊອິດສະຫຼະຊັ້ນ III ໃຫ້ 6 ສະຫາຍ ແລະ 6 ກົມກອງ, ປະດັບຫຼຽນໄຊແຮງງານຊັ້ນ 2 ໃຫ້ 63 ສະຫາຍ
ແລະ 3 ກົມກອງ, ປະດັບຫຼຽນໄຊແຮງງານຊັ້ນ 3 ໃຫ້ 182 ສະຫາຍ ແລະ 16 ກົມກອງ, ປະດັບຫຼຽນກາແຮງງານໃຫ້ 666 ສະຫາຍ, ມອບໃບຍ້ອງຍໍລັດຖະບານຈຳນວນ
194 ສະຫາຍ ແລະ 16 ກົມກອງ, ແລະ ມອບໃບຍ້ອງຍໍກົມໃຫຍ່ການເມືອງກອງທັບຈຳນວນ 112 ສະຫາຍ.