ສະຫາຍ ພົນໂທ ຟ້າມ ຫງອ໋ກ ມິງ ຕ້ອນຮັບຄະນະຜູ້ແທນ
ກົມ ວສ-ປສການທະຫານ, ກະຊວງປ້ອງກັນປະເທດ
ໃນຕອນບ່າຍຂອງວັນທີ5 ເມສາ 2017 ນີ້,ຢູ່ທີນະຄອນຫຼວງ ຮ່າໂນ້ຍ ສະຫາຍ ພົນໂທ ຟ້າມ ຫງອ໋ກ ມິງ, ຮອງຫົວໜ້າກົມໃຫຍ່ເສນາທິການກອງທັບ
ປະຊາຊົນ ຫວຽດນາມ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ຄະນະຜູ້ແທນ ກົມ ວສ-ປສ ການທະຫານກະຊວງປ້ອງກັນປະເທດລາວນຳໂດຍ ສະ
ຫາຍ ພັນເອກ ວຽງໄຊ ສົມວິຈິດ ຫົວໜ້າ ກົມ ວສ-ປສ ການທະຫານພ້ອມດ້ວຍຄະນະ.
ສະຫາຍ ພົນໂທ ຟ້າມ ຫງອ໋ກ ມິງ ຕ້ອນຮັບຄະນະຜູ້ແທນກົມວສ-ປສການທະຫານ, ກະຊວງປ້ອງກັນປະເທດ
ໃນໂອກາດທີ່ມາຢ້ຽມຢາມ ແລະເຮັດວຽກຢູ່ຫວຽດນາມ ຄັ້ງນີ້, ໃນພິທີຕ້ອນຮັບ, ສະຫາຍ ພັນເອກ ວຽງໄຊ ສົມວິຈິດ ໄດ້ສະແດງຄວາມຂອບໃຈຢ່າງ
ສູງມາຍັງສະຫາຍພົນໂທຟ້າມຫງອ໋ກມິງທີ່ໄດ້ສະຫຼະເວລາອັນມີກຽດຕ້ອນຮັບ; ພ້ອມດຽວກັນນັ້ນສະຫາຍຍັງໄດ້ລາຍງານຫຍໍ້ກ່ຽວກັບຈຸດປະສົງຂອງການ
ຢ້ຽມຢາມ ແລະເຮັດວຽກຂອງຄະນະໃນຄັ້ງນີ້ ແລະຫວັງຢ່າງຍິ່ງວ່າ ກົມໃຫຍ່ເສນາທິການກອງທັບປະຊາຊົນ ຫວຽດນາມຈະສືບຕໍ່ສ້າງເງື່ອນໄຂ ອຳນວຍ
ຄວາມສະດວກເພີ່ມທະວີຄວາມສາມັກຄີ ແລະການຮ່ວມມືກັບບັນດາກົມກອງ, ອົງການຄຸ່ຮ່ວມງານ ຂອງຫວຽດນາມ ເພື່ອຊ່ວຍເຫຼືອ ກົມ ວສ-ປສ ການ
ທະຫານ, ກະຊວງປ້ອງກັນປະເທດລາວ.
ສະຫາຍ ພົນໂທ ຟ້າມ ຫງອ໋ກ ມິງ ໄດ້ກ່າວອວຍພອນອັນອົບອຸ່ນມາຍັງສະຫາຍ ພັນເອກ ວຽງໄຊ ສົມວິຈິດ ພ້ອມຄະນະຜູ້ແທນ ກົມ ວສ-ປສ ການ ທະຫານກະຊວງປ້ອງກັນປະເທດລາວ; ຫວຽດນາມຢືນຢັນວ່າຍາມໃດກໍ່ຖືເປັນບັນຫາສຳຄັນໃນການຂະຫຍາຍສາຍພົວພັນມິດຕະພາບ ອັນດີ ງາມທີ່ມີ ມາແຕ່ດົນນານ, ຄວາມສາມັກຄີແບບພິເສດ ແລະການຮ່ວມມືຮອບດ້ານກັບລາວ.ໃນຊຸມປີຜ່ານມາ, ສາຍພົວພັນມິດຕະພາບ ແລະການຮ່ວມມື ລະຫວ່າງ ສອງກອງທັບລາວ-ຫວຽດນາມກໍ່ໄດ້ເສີມຂະຫຍາຍຢ່າງບໍ່ຢຸດຢັ້ງ, ສາມາດປະຕິບັດໃຫ້ເກີດດອກອອກຜົນ, ເປັນການປະກອບສ່ວນຊ່ວຍຍົກສູງ ຄວາມ ໄວ້ເນື້ອ ເຊື່ອໃຈ ແລະຄວາມເຂົ້າອົກເຂົ້າໃຈເຊິ່ງກັນ ແລະກັນລະຫວ່າງກອງທັບ ກັບປະຊາຊົນສອງຊາດລາວ-ຫວຽດນາມ.
ສະຫາຍຍັງໄດ້ຕີລາຄາສູງຕໍ່ໝາກຜົນໃນການເຮັດວຽກຂອງ ຄະນະຜູ້ແທນ ກົມ ວສ-ປສ ການທະຫານ, ກະຊວງປ້ອງກັນປະເທດລາວກັບບັນດາກົມ ກອງທີ່ກ່ຽວຂ້ອງ ຂອງ ກະຊວງປ້ອງກັນປະເທດຫວຽດນາມ, ສະຫາຍ ພົນໂທ ຟ້າມ ຫງອ໋ກ ມິງ ຍັງໄດ້ຢືນຢັນຍາມໃດກໍ່ຈະຊ່ວຍເຫຼືອແລະສ້າງເງື່ອນໄຂສະ ດວກໃຫ້ແກ່ກົມ ວສ-ປສ ການທະຫານ, ກະຊວງປ້ອງກັນປະເທດລາວ ເພີ່ມທະວີການພົວພັນຮ່ວມມືກັບບັນດາກົມກອງ, ອົງການຕ່າງໆທີ່ກ່ຽວຂ້ອງຂອງ ກະຊວງປ້ອງກັນປະເທດຫວຽດນາມ.