ຄະນະຜູ້ແທນກົມວິທະຍາດສາດ-ປະຫວັດສາດການທະຫານ
ສຳເລັດການຢ້ຽມຢາມ ແລະ ເຮັດວຽກຢູ່ ສສ ຫວຽດນາມ
ພົນຈັດຕະວາ ຫງວຽນ ກິມ ລາມ ຫົວໜ້າອຳນວຍການ ສູນຂໍ້ມູນ-ຂ່າວສານ ວິທະຍາສາດ ການທະຫານ ກປທ ສສ ຫວຽດນາມ
ປະກອບຄຳເຫັນໃນພິທີສະເຫຼີມສະຫຼອງວັນສ້າງຕັ້ງສູນຄົບຮອບ 35 ປີ ( 08.04.1982-08.04.2017 )
ໃນໂອກາດຢ້ຽມຢາມ ແລະເຮັດວຽກຄະນະຜູ້ແທນໄດ້ພົບປະແລກປ່ຽນບົດຮຽນກັບກົມເຕັກໂນໂລຢີວິທະຍາສາດການທະຫານກອງທັບປະຊາຊົນ
ຫວຽດນາມຊຶ່ງເນື້ອໃນການພົບປະຫາລືແມ່ນເລັ່ງໃສ່ການຊ່ວຍເຫຼືອທາງດ້ານເຕັກໂນໂລຢີ ແລະການອົບຮົມກໍ່ສ້າງບຸກຄະລາກອນ. ເຊິ່ງທັງສອງຝ່າຍໄດ້
ມີຄວາມເຫັນດີເປັນເອກະພາບກັນເພື່ອລາຍງານຕໍ່ຂັ້ນເທີງຂອງຕົນ.
ການສະແດງສີລະປະເພື່ອສະຫຼອງວັນສ້າງຕັ້ງ ສູນຂໍ້ມູນ-ຂ່າວສານ ວິທະຍາສາດ ການທະຫານ ຄົບຮອບ 35 ປີ ( 08.04.1982-08.04.2017 )
ຕໍ່ມາຄະນະຜູ້ແທນໄດ້ເຂົ້າຢ້ຽມຢາມຂຳ່ນັບທ່ານພົນໂທຟ້າມຫງ໋ອກມິງຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມຊຶ່ງທ່ານກໍໄດ້
ກ່າວ
ຄຳອວຍພອນອັນອົບອຸ່ນຕໍ່ຄະນະຜູ້ແທນກົມວິທະຍາສາດ-ປະຫວັດສາດການທະຫານພ້ອມທັງຢືນຢັນວ່າການຂະຫຍາຍຕົວສາຍພົວພັນມິດຕະພາບ
ອັນດີງາມ-ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງກອງທັບ ແລະປະຊາຊົນສອງຊາດມີການຂະຫຍາຍຕົວຢ່າງບໍ່ຢຸດຢັ້ງ.
ສະຫາຍພັ.ອ ວຽງໄຊ ສົມວິຈິດ ພ້ອມຄະນະເຂົ້າຢ້ຽມພົບປະ ສະຫາຍ ພົນໂທ ຟ້າມ ຫງ໋ອກ ມິງ ຮອງຫົວໜ້າກົມໃຫຍ່ເສນາທິການກອງທັບປະຊາຊົນ ຫວຽດນາມ
ມື້ຕໍ່ມາຄະນະຜູ້ແທນໄດ້ເຂົ້າຮວມພິທີລະນຶກວັນສ້າງຕັ້ງສູນຂໍ້ມູນ-ຂ່າວສານວິທະຍາສາດ ການທະຫານກອງທັບປະຊາຊົດຫວຽດນາມຄົບຮອບ 35 ປີ.
ໃນໂອກາດດັ່ງກ່າວສະຫາຍພັນເອກ ວຽງໄຊ ສົມວິຈິດ ຕາງໜ້າກະຊວງປ້ອງກັນປະເທດ ໄດ້ເປັນກຽດປະດັບຫຼຽນໄຊພິລະອາດຫານຊັ້ນ II ໃຫ້ແກ່ສູນຂໍ້
ມູນ-ຂ່າວສານວິທະຍາສາດ ການທະຫານ ກອງທັບປະຊາຊົນຫວຽດນາມຢ່າງສົມກຽດທີ່ໄດ້ມີຜົນງານການຮ່ວມມືຊ່ວຍເຫຼືອກົມວິທະຍາສາດ-ປະຫວັດ
ສາດການທະຫານທາງດ້ານວຽກງານຂໍ້ມູນ-ຂ່າວສານ.
ສະຫາຍພັ.ອ ວຽງໄຊ ສົມວິຈິດ ຕາງໜ້າກະຊວງປ້ອງກັນປະເທດ ລາວ ມອບຫຼຽນໄຊພິລະອາດຫານຊັ້ນ 2 ໃຫ້
ສູນ ຂໍ້ມູນ-ຂ່າວສານ ວິທະຍາສາດ ການທະຫານ ກະຊວງປ້ອງກັນປະເທດ ຫວຽດນາມ
ຜົນສຳເລັດຂອງການຢ້ຽມຢາມ ແລະເຮັດວຽກຂອງຄະນະຜູ້ແທນດັ່ງກ່າວມັນແມ່ນໝາກຜົນຂອງການພົວພັນຮ່ວມມືມິດຕະພາບ ແລະຄວາມສາມັກ
ຄີພິເສດທັງສະແດງໃຫ້ເຫັນເຖິງຄວາມຈິງໃຈຊ່ວຍເຫຼືອເຊິ່ງກັນ ແລະກັນທີ່ມີມາແລ້ວນັ້ນໃຫ້ຈະເລີນງອກງາມຍີ່ງໆຂຶ້ນ.