ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ກົມວິທະຍາສາດ-ປະຫວັດສາດ ການທະຫານ
ທົດລອງເຄື່ອງມືຍິງລະເບີດ​ ແລະ ປືນ​ສີດ​ນຳ້​ແຮງ​ດັນ​ສູງ


     ວັນທີ 8 ຕຸລາ ນີ້, ກົມວິທະຍາສາດ-ປະຫວັດສາດ ການທະຫານ ໄດ້ນຳເອົາເຄື່ອງມືລະບົບຄວບຄຸມສັນຍານໃນການຍິງທຳລາຍລະເບີດທີ່ເປັນແບບຕັ້ງເວລາ ແລະ
ແບບຄວບຄຸມລີໂໝດທີ່ເປັນຜົນງານການຄົ້ນຄວ້າຈາກຂະແໜງການຄົ້ນຄວ້າ ວິທະຍາສາດເທັກໂນໂລຊີ ແລະ ສິ່ງແວດລ້ອມລົງໄປທົດລອງໃນພາກສະໜາມຕົວຈິງ ຢູ່
ກອງພັນໃຫຍ່ 497 ໂດຍມີການເຂົ້າຮ່ວມຊົມຂອງ ສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າ ກົມວິທະຍາສາດ-ປະຫວັດສາດ ການທະຫານ.

     ສະຫາຍ ພັນໂທ ສັນຕິ ຫຼ່ຽມຜີ ຮອງຫົວໜ້າ ພະແນກວິທະຍາສາດເທັກໂນໂລຢີ ແລະ ສິ່ງແວດລ້ອມຫົວໜ້າ ໜ່ວຍງານຄົ້ນຄວ້າເຄື່ອງມືທັງສອງລະບົບດັ່ງກ່າວໄດ້
ກ່າວວ່າ: ເພື່ອປະຕິບັດຕາມທິດຊີ້ນຳຂອງ ກະຊວງປ້ອງກັນປະເທດ ໃນການເພິ່ງຕົນເອງກຸ້ມຕົນເອງສ້າງຄວາມເຂັ້ມແຂງດ້ວຍຕົນເອງ ດ້ານວຽກງານວິຊາສະເພາະ, ເພື່ອຫຼຸດ
ຜ່ອນລາຍຈ່າຍ ໃນການຈັດຊື້ເຄື່ອງມືອາວຸດຍຸດໂທປະກອນປະກອບສ່ວນເຂົ້າໃນວຽກງານ ອົບຮົມຫັດແອບ ກ້າວໄປສູ່ການນຳໃຊ້ເຂົ້າໃນໜ້າທີ່ວິຊາສະເພາະ ຂອງແຕ່ລະ
ກົມກອງແທດເໝາະກັບພູມີປະເທດ ດັ່ງນັ້ນ ກົມວິທະຍາສາດ-ປະຫວັດສາດ ການທະຫານ ເປັນເສນາທິການໃຫ້ ກະຊວງປ້ອງກັນປະເທດ ໄດ້ອອກແບບຄົ້ນຄວ້າເຄື່ອງມື
ສຳລັບຍິງທຳລາຍລະເບີດ ດ້ວຍການໃຊ້ລະບົບຕັ້ງເວລາ ແລະ ເຄື່ອງມືຍິງທຳລາຍລະເບີດດ້ວຍລີໂໝດຄອນໂທ ໂດຍໃຊ້ລະບົບສັນຍານພິເສດພາຍໃນຕົວຄວບຄຸມການ
ຍິງໄລຍະ 300 ແມັດ ແລະ 1.000 ແມັດ ຕາມຄວາມຕ້ອງການເພື່ອຮັກສາຄວາມປອດໄພ ແລະ ເຄື່ອງຈູດປະກາຍໄຟໄລຍະໄກແທນລະບົບໃຊ້ສາຍໄຟ ແລະ ສາຍສະ
ນວນ. ນອກຈາກນີ້, ຍັງມີປືນສີດນ້ຳແຮງດັນສູງເພື່ອຍິງທຳລາຍລະເບີດ ແລະ ສິ່ງກີດຂວາງທີ່ຈຳເປັນອີກໜຶ່ງກະບອກຜ່ານການສາທິດ ວິທີນຳໃຊ້ຕົວຈິງ ແລະ ຍິງທົດລອງ
ເຫັນວ່າກອງພັນໃຫຍ່ 497 ໃຫ້ ຄວາມສົນໃຈເພາະເຄື່ອງມື ດັ່ງກ່າວເໝາະແກ່ການນຳໃຊ້ເຂົ້າໃນວຽກງານວິຊາສະເພາະ ຂອງກົມກອງຮັບປະກັນໃຫ້ແກ່ການອົບຮົມຫັດ
ແອບປະຈຳປີ ຂອງກົມກອງສາມາດຮັກສາໄດ້ຄວາມປອດໄພຕໍ່ຊີວິດ ແລະ ຊັບສິນຂອງ ພະນັກງານ-ນັກຮົບ ເພາະເຄື່ອງມືດັ່ງກ່າວເປັນເຄື່ອງທີ່ຢູ່ໄກໃນການ ຄວບຄຸມການ
ຍິງນ້ຳໜັກເບົາຮັກສາງ່າຍ ແລະ ນຳໃຊ້ງ່າຍນອກຈາກເຄື່ອງທີ່ມາທົດລອງຄັ້ງນີ້ ແລະ ກົມກອງຍັງໄດ້ສະເໜີໃຫ້ອອກແບບຄົ້ນຄວ້າຕື່ມເປັນຕົ້ນ ເສື້ອຫຸ້ມເກາະປ້ອງກັນຕົວ
ເຄື່ອງມືຍິງເຊືອກໃນການປີນຜາປີນເຮືອນຕຶກສູງ ແລະ ຍິງຂ້າມແມ່ນ້ຳເພື່ອເປັນເຄື່ອງຜ່າທາງໃນເວລາພົບສິ່ງກີດຂວາງຕື່ມອີກ.