ເປີດກອງປະຊຸມສ່ອງແສງວຽກງານເຕັກນິກຮອບດ້ານປະຈຳ ໄຕມາດ IV
ສະຫາຍ ພົນຕີ ກິລາກອນ ບຸນນະຜົນ ກຳມະການຄະນະພັກກະຊວງປ້ອງກັນປະເທດ, ຫົວໜ້າໜ້າກົມໃຫຍ່ເຕັກນິກກອງທັບ ເປັນປະທານ
ຫວ່າງບໍ່ດົນມານີ້, ກົມໃຫຍ່ເຕັກນິກກອງທັບ ເປີດກອງປະຊຸມສ່ອງແສງວຽກງານເຕັກນິກ ຮອບດ້ານປະຈຳໄຕມາດ IV ປີ 2019, ໂດຍການເປັນປະທານຂອງ ສະຫາຍ
ພົນຕີ ກິລາກອນ ບຸນນະຜົນ ກຳມະການຄະນະພັກ ກະຊວງປ້ອງກັນປະເທດ, ຫົວໜ້າ ໜ້າກົມໃຫຍ່ເຕັກນິກກອງທັບ, ມີ ສະຫາຍ ພົນຈັດຕະວາ ຄຳພາ ສີພອນໄຊ ຮອງເລ
ຂາຄະນະພັກ, ກຳມະການ ຄະນະປະຈຳພັກກົມໃຫຍ່ເຕັກນິກ, ມີຄະນະກົມຈາກ 6 ກົມ 3 ຫ້ອງ, ຄະນະພັກ-ຄະນະບັນຊາກົມກອງຮາກຖານທີ່ຂຶ້ນກັບກົມໃຫຍ່ເຕັກນິກ
ເຂົ້າຮ່ວມ.
ໃນກອງປະຊຸມແຕ່ລະກົມກອງກໍໄດ້ພັດປ່ຽນກັນລາຍງານສະພາບການເຄື່ອນໄຫວ ຈັດຕັ້ງປະຕິບັດໜ້າທີ່ວຽກງານໃນຂົງເຂດວຽກງານເຕັກນິກຮອບດ້ານ ຂອງຕົນຕໍ່
ກອງປະຊຸມເປັນຕົ້ນແມ່ນ ການສຶກສາອົບຮົມການເມືອງນໍາພາແນວຄິດ ການສ້າງກອງແຂງໜ່ວຍພັກຮູ້ນໍາພາຮອບດ້ານ, ແບບແຜນການນໍາພາຂອງ ຄະນະພັກ, ຍົກໃຫ້
ເຫັນດ້ານດີດ້ານອ່ອນຂໍ້ຄົງຄ້າງ ແລະ ວິທີການແກ້ໄຂໃນໄຕມາດຕໍ່ໄປເພື່ອເພີ່ມທະວີການຊີ້ ນໍາ-ນໍາພາໃຫ້ສອດຄ່ອງ ເຂົ້າໃນທຸກຂົງເຂດວຽກງານຂອງກົມກອງ, ສ້າງໃຫ້
ພະນັກງານມີຄວາມໜັກແໜ້ນທາງດ້ານການເມືອງນໍາພາແນວຄິດ ແລະ ສ້າງຄວາມເຂັ້ມແຂງທາງດ້ານການຈັດຕັ້ງ ເພື່ອຕອບສະໜອງໃນໜ້າທີ່ການເມືອງ ປະກອບສ່ວນ
ເຂົ້າໃນ 2 ໜ້າທີ່ຍຸດທະສາດຂອງຊາດຄື: ປົກປັກຮັກສາ ແລະ ສ້າງສາປະເທດ.
ຕອນທ້າຍ ສະຫາຍ ຫົວໜ້າ ກົມໃຫຍ່ເຕັກນິກກອງທັບ ໄດ້ຮຽກຮ້ອງໃຫ້ທຸກກົມກອງ ເອົາໃຈໃສ່ສຶກສາອົບຮົມ ການເມືອງນໍາພາແນວຄິດ ເປັນກົກຖືເອົາວຽກງານວິຊາ
ສະເພາະເປັນສໍາຄັນ ເພື່ອຍົກສູງນໍ້າໃຈຮັບຜິດຊອບຂອງພະນັກງານ-ນັກຮົບ ກໍາແໜ້ນພາລະບົດບາດ, ສິດ ແລະ ໜ້າທີ່ຂອງຕົນ, ເຊື້ອໝັ້ນຕໍ່ການນໍາພາຂອງພັກ-ລັດ ແລະ
ຄໍາສັ່ງແນະນໍາຂອງຂັ້ນເທິງຢ່າງເຂັ້ມງວດ. ໃຫ້ຄະນະພັກຮາກຖານທຸກຂັ້ນເພີມທະວີບົດບາດການນໍາພາ ຂອງພັກ, ປັບປຸງການຈັດຕັ້ງແບບແຜນວິທີການເຮັດວຽກຂອງ ຄະ
ນະພັກ ແລະ ເອົາໃຈໃສ່ປັບປຸງກົມກອງ, ຫ້ອງການ ແລະ ການປູກຝັງ-ລ້ຽງສັດ ເພື່ອແກ້ໄຂຊີວິດການເປັນຢູ່ຂອງພະນັກງານ-ນັກຮົບໃຫ້ດີຂຶ້ນເລື້ອຍໆ.