ຄະນະພັກກະຊວງປ້ອງກັນປະເທດ ວາງພວງມາລາທີ່ອະນຸສາວະລີນັກຮົບນິລະນາມ
ໃນໂອກາດກະກຽມໃຫ້ແກ່ ການເປີດກອງປະຊຸມໃຫຍ່ຄັ້ງທີ V ຂອງອົງຄະນະພັກ ກະຊວງປ້ອງກັນປະເທດ ເຊິ່ງຈະຈັດຂຶ້ນໃນມໍ່ໆນີ້ ແລະ ເພື່ອເປັນ
ການສະແດງຄວາມເຄົາລົບ ແລະ ກະຕັນຍູຮູ້ບຸນຄຸນຕໍ່ນັກຮົບປະຕິວັດ ແລະ ປະຊາຊົນລາວບັນດາເຜົ່າ ທີ່ເສຍສະຫຼະຊີວິດເລືອດເນື້ອອຸທິດໃຫ້ແກ່ປະເທດ
ຊາດ ໃນພາລະກິດແຫ່ງການຕໍ່ສູ້ກູ້ຊາດຍາດເອົາເອກະລາດ ແລະ ຜືນແຜ່ນດິນອັນຄົບຖ້ວນມາໃຫ້ປະຊາຊົນບັນດາເຜົ່າ, ຄະນະນຳກະຊວງປ້ອງກັນປະເທດ
ນຳໂດຍ ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ, ເລຂາຄະນະພັກ ລັດຖະມົນຕີ ກະຊວງປ້ອງກັນປະເທດ ພ້ອມ
ດ້ວຍບັນດາ ສະຫາຍ ໃນຄະນະພັກ ຄະນະນຳກະຊວງປ້ອງກັນປະເທດ ໄດ້ເຂົ້າວາງພວງມາລາຢູ່ທີ່ອະນຸ ສາວະລີນັກຮົບນິລະນາມ, ເດີ່ນພະທາດຫຼວງ ນະ
ຄອນຫຼວງວຽງຈັນ ໃນວັນທີ 17 ພະຈິກ 2020 ນີ້.