ກອງປະຊຸມເຜີບແຜ່ ແລະສ້າງຈິດສຳນຶກດ້ານການປົກປັກຮັກສາ
ສິ່ງແວດລ້ອມໃຫ້ບັນດາກົມກອງກຳລັງຫຼວງ ແລະກຳລັງທ້ອງຖິ່ນ 8 ແຂວງພາກເໜືອ
ທ່ານ ພັ.ອ ສຸລິວັນ ແສງຈັນ ເປັນປະທານກອງປະຊຸມເຜີບແຜ່ ແລະສ້າງຈິດສຳນຶກດ້ານການປົກປັກຮັກສາສີ່ງແວດລ້ອມ
ວັນທີ 17 ມີນາ 2017 ຢູ່ສະໂມສອນກອງບັນຊາການທະຫານແຂວງຫຼວງພະບາງໄດ້ຈັດກອງປະຊຸມເພື່ອສ້າງຈິດສຳນຶກໃຫ້ພະນັກງານ ຂັ້ນວິຊາການ
ທີ່ເຮັດວຽກງານດ້ານການປົກປັກຮັກສາສິ່ງແວດລ້ອມ ໃນຖັນແຖວກອງທັບກົມກອງທະຫານທີ່ມີກຳລັງຫຼວງ ແລະກຳລັງທ້ອງຖີ່ນ 8 ແຂວງພາກເໜືອ,
ໂດຍການເປັນປະທານຂອງ ສະຫາຍພັນເອກ ສຸລິວັນ ແສງຈັນ ຮອງຫົວໜ້າກົມ ວິທະຍາສາດ-ປະຫວັດສາດ ການທະຫານ ກະຊວງປ້ອງກັນປະເທດ ເປັນ ກຽດເຂົ້າຮ່ວມຂອງ ສະຫາຍພັນເອກ ບຸນຊູ ດວງຄຳມີ ຫົວໜ້າການເມືອງ ກອງບັນຊາການທະຫານແຂວງຫຼວງພະບາງ ແລະທ່ານ ຈັນທະລັງສີ ຜົນນະຈິດ ຫົວໜ້າພະແນກຊັບພະຍາກອນທຳມະຊາດ ແລະສິ່ງແວດລ້ອມແຂວງຫຼວງພະບາງ, ມີພະນັກງານວິຊການທີ່ເປັນຕົວແທນ ເຮັດວຽກງານສິ່ງແວດລ້ອມ ຈາກ ກອງບັນດາກົມກອງກຳລັງຫຼວງ ແລະທ້ອງຖິ່ນເຂົ້າຮ່ວມ.
ພະນັກງານວິຊການທີ່ເປັນຕົວແທນ ເຮັດວຽກງານສິ່ງແວດລ້ອມ ຈາກ ກອງບັນດາກົມກອງກຳລັງຫຼວງ ແລະທ້ອງຖິ່ນເຂົ້າຮ່ວມ
ໃນວາລະດຳເນີນກອງປະຊຸມ ສະຫາຍພັນໂທ ຄຳໄຊ ສະນີແກ້ວ ຮອງຫົວໜ້າພະແນກສິທະຍາສາດ, ເຕັກໂນໂລຊີ ແລະສີ່ງແວດລ້ອມ ຂອງກົມວິທະຍາ
ສາດ ປະຫວັດສາດ ການທະຫານ ໄດ້ຂື້ນລາຍງານເອກະສານກ່ຽວກັບຂໍ້ມູນກຳນົດວ່າດ້ວຍການຄຸ້ມຄອງສີ່ງແວດລ້ອມການທະຫານກອງທັບປະຊາຊົນລາວ
ແລະແຜນດຳເນີນງານດ້ານສີ່ງແວດລ້ອມໃນກອງທັບ 5 ປີ ຄັ້ງທີ່ II ແຕ່ປີ 2016-2020 ເຊີ່ງລວມມີ 9 ໝວດ 66 ມາດຕາເພື່ອນຳສະເໜີໃຫ້ບັນດາວິຊາ
ການ ແລະແຂກເຂົ້າຮ່ວມໄດ້ຮັບຮູ້ເຊື່ອມຊຶມ ເພື່ອໄປຈັດຕັ້ງຜັນຂະຫຍາຍໃຫ້ກົມກອງຮາກຖານໄດ້ມີຄວາມເຂົ້າໃຈ.
ຈາກນັ້ນ ກອງປະຊຸມຍັງໄດ້ຮັບຟັງ ໂອ້ລົມຈາກ ສະຫາຍພັນເອກ ສຸລິວັນ ແສງຈັນ ຮອງຫົວໜ້າກົມວິທະຍາສາດ-ປະຫວັດສາດ ການທະຫານ ເຊີ່ງສະ
ຫາຍໄດ້ເນັ້ນໜັກໃຫ້ແຕ່ລະກົມກອງ ຈົ່ງເພີ່ມທະວີຄວາມຮັບຜິດຊອບຕາມລະບຽບການກົດໝາຍຂອງລັດຖະບານ ແລະຂໍ້ກຳນົດວ່າດ້ວຍການຄຸ້ມຄອງ
ສີາງແວດລ້ອມ ພ້ອມກັນຍົກສູງ ຄວາມຮູ້ຄວາມສາມາດ, ປະສົບການເສີມຂະຫຍາຍການພົວພັນຮ່ວມມືກັນພາຍໃນ ແລະຕ່າງປະເທດ ເພື່ອຍາດແຍ່ງເອົາ
ບົດຮຽນປະສົບການ ແລະການຊ່ວຍເຫຼືອດ້ານທຶນຮອນເພື່ອນຳໃຊ້ເຂົ້າໃນວຽກງານດັ່ງກ່າວນີ້ໃຫ້ນັບມື້ດີຂື້ນ.
ປະທານ ພ້ອມດ້ວຍນັກສຳມະນາກອນເຂົ້າຮ່ວມກອງປະຊຸມຖ່າຍພາບລວມ