ປິດກອງປະຊຸມສະຫຼຸບວຽກງານວິທະຍາສາດ-ປະຫວັດສາດ ການທະຫານ ທົ່ວກອງທັບ ຄັ້ງທີ III
ພົນຕີ ວິໄລ ຫຼ້າຄຳຟອງ ເປັນປະທານ ກ່າວປິດກອງປະຊຸມສະຫຼຸບວຽກງານວິທະຍາສາດ-ປະຫວັດສາດ ການທະຫານ ທົ່ວກອງທັບ ຄັ້ງທີ III
ກອງປະຊຸມສະຫຼຸບວຽກງານວິທະຍາສາດ-ປະຫວັດສາດ ການທະຫານ ທົ່ວກອງທັບ ຄັ້ງທີ III ໄດ້ປິດລົງດ້ວຍຜົນສຳເລັດຢ່າງຈົບງາມໃນຕອນເຊົ້າຂອງ
ວັນທີ 21 ກໍລະກົດ 2017 ນີ້, ຢູ່ທີ່ສະໂມສອນກົມໃຫຍ່ເສນາທິການກອງທັບ. ໂດຍການເປັນກຽດກ່າວປິດກອງປະຊຸມຂອງ ທ່ານ ພົນຕີ ວິໄລ ຫຼ້າຄຳຟອງ
ເລຂາທິການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ປະທານສະພາວິທະຍາສາດການທະຫານ ມີ
ທ່ານ ພັນເອກ ວຽງໄຊ ສົມວິຈິດ ຫົວໜ້າກົມວິທະຍາສາດ-ປະຫວັດສາດ ການທະຫານ, ມີບັນດາກົມໃຫຍ່, ກົມກອງອ້ອມຂ້າງກະຊວງປ້ອງກັນປະເທດ,
ວິທະຍາຄານ, ໂຮງຮຽນ, ກອງພົນ, ກອງພັນໃຫຍ່, ກອງບັນຊາການທະຫານແຂວງ, ກະຊວງປ້ອງກັນຄວາມສະຫງົບ, ອົງການຝ່າຍລັດ, ພະນັກງານອາວຸໂສ
ພ້ອມດ້ວຍພະນັກງານ-ນັກຮົບພາຍໃນກົມເຂົ້າຮ່ວມ.
ພັນເອກ ວິຊຽນ ສີສະອາດ ຮອງຫົວໜ້າກົມ ວສ-ປສ ການທະຫານ ອ່ານວາລະກອງປະຊຸມ ແລະ ກ່າວຈຸດປະສົງກອງປະຊຸມ
ບັນດາພະນັກງານອາວຸໂສຂຶ້ນປະກອບຄຳເຫັນຕໍ່ກອງປະຊຸມ
ບັນດາກົມກອງຕ່າງໆປະກອບຄຳເຫັນຕໍ່ກອງປະຊຸມ ວິທະຍາສາດ-ປະຫວັດສາດ ການທະຫານ ທົ່ວກອງທັບຄັ້ງທີ III
ກອງປະຊຸມສະຫຼຸບ 5 ປີ ວຽກງານວິທະຍາສາດ-ປະຫວັດສາດ ການທະຫານ ທົ່ວກອງທັບ ຄັ້ງທີ່ III ຄັ້ງນີ້ ໄດ້ມີພິທີຍ້ອງຍໍຜົນງານໃຫ້ບັນດາກົມກອງ
ຕ່າງໆຄື: ປະດັບຫຼຽນໄຊພິລະອາດຫານ ຊັ້ນ II ໃຫ້ 3 ພາກສ່ວນ ແລະ ປະດັບຫຼຽນໄຊພິລະອາດຫານ ຊັ້ນ III ໃຫ້ 2 ພາກສ່ວນ ເປັນກຽດປະດັບຫຼຽນ
ໄຊພິລະອາດຫານໂດຍແມ່ນ ທ່ານ ພົນຕີ ວິໄລ ຫຼ້າຄຳຟອງ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ພ້ອມດຽວ
ກັນນີ້, ກໍ່ໄດ້ມອບໃບຍ້ອງຍໍກະຊວງປ້ອງກັນປະເທດ ໃຫ້ 19 ພາກສ່ວນ ເປັນກຽດມອບໂດຍ ທ່ານ ພັນເອກ ວຽງໄຊ ສົມວິຈິດ ຫົວໜ້າກົມວິທະຍາສາດ
ປະຫວັດສາດ ການທະຫານ ແລະ ມອບໃບຍ້ອງຍໍກົມໃຫຍ່ການເມືອງກອງທັບ ໃຫ້ 14 ພາກສ່ວນ ເປັນກຽດມອບໂດຍ ທ່ານ ພັນເອກ ສຸລິວັນແສງຈັນ
ຮອງຫົວໜ້າກົມວິທະຍາສາດ-ປະຫວັດສາດ ການທະຫານ.
ພົນຕີ ວິໄລ ຫຼ້າຄຳຟອງ ປະດັບຫຼຽນໄຊພິລະອາດ ຊັ້ນ II
ພົນຕີ ວິໄລ ຫຼ້າຄຳຟອງ ປະດັບຫຼຽນໄຊພິລະອາດ ຊັ້ນ III
ພັນເອກ ວຽງໄຊ ສົມວິຈິດ ມອບໃບຍ້ອງຍໍກະຊວງປ້ອງກັນປະເທດ
ພັນເອກ ສຸລິວັນ ແສງຈັນ ມອບໃບຍ້ອງຍໍກົມໃຫຍ່ການເມືອງກອງທັບ
ພົນຕີ ວິໄລ ຫຼ້າຄຳຟອງ ໂອ້ລົມຕໍ່ກອງປະຊຸມ
ພົນຕີ ວິໄລ ຫຼ້າຄຳຟອງ ໂອ້ລົມຕໍ່ກອງປະຊຸມ ຜ່ານໄລຍະດໍາເນີນກອງປະຊຸມ ແມ່ນມີບັນຍາກາດຟົດ ຟື້ນ ແລະ ມີເນື້ອໃນເລິກເຊິ່ງສົມຄວນ, ເຊິ່ງມີ
ຫຼາຍໂຄງການປະຫວັດສາດມູນເຊື້ອຂອງບັນດາກົມກອງຕ່າງໆໄດ້ສໍາເລັດໂດຍພື້ນຖານ, ໂຄງການຄົ້ນຄວ້າວິທະຍາສາດພື້ນຖານ, ມີຫຼາຍໂຄງການໄດ້ຈັດ
ພິມອອກສູ່ສາຍຕາມວນຊົນ ແລະ ຈໍານວນໜຶ່ງກໍ່ເກັບຮັກສາໄວ້ພາຍໃນ. ຈາກຜົນງານດັ່ງກ່າວນັ້ນ, ໄດ້ສະແດງໃຫ້ເຫັນເຖິງຄວາມຕັ້ງໜ້າຂອງການຄົ້ນ
ຄວ້າຮຽບຮຽງວຽກງານວິທະຍາສາດ-ປະຫວັດສາດການທະຫານ ແລະ ເສີມຂະຫຍາຍມູນເຊື້ອການທະຫານຂອງຊາດລາວວິລະຊົນ, ສາມາດຕອບສະໜອງ
ຈິດໃຈຂອງນັກຮຽນຮູ້ປັນຍາຊົນທີ່ສະແຫວງຫາຄວາມຮູ້ທາງດ້ານປະຫວັດສາດການທະຫານຂອງຊາດ, ຄົ້ນຄວ້າຮີບໂຮມບັນດາຜົນງານໃນການດໍາເນີນສົງ
ຄາມຕໍ່ຕ້ານທີ່ດຸເດືອດຂອງບັນດາກໍາລັງປະກອບອາວຸດ, ຂອງພະນັກງານ-ນັກຮົບຫຼາຍຮຸ້ນໃນທົ່ວກອງທັບ, ນອກນັ້ນ ກົມວິທະຍາສາດ-ປະຫວັດສາດ ການ|
ທະຫານ ຍັງໄດ້ເຂົ້າຮ່ວມໃນຫຼາຍໂຄງການລະດັບຊາດ ແລະ ສາກົນ ໂດຍໄດ້ຈັດສໍາມະນາຢູ່ຫຼາຍແຂວງໃນທົ່ວປະເທດ ເຊິ່ງສຸດທີ່ມີຄວາມໝາຍຄວາມສຳ
ຄັນທາງປະຫວັດສາດ. ໃນ 5 ປີຜ່ານມາ ສາມາດບັນລຸໄດ້ຄາດໝາຍທີ່ກຳນົດໄວ້, ຫຼາຍກົມກອງສາມາດເສີມຂະຫຍາຍໄດ້ດ້ານຕັ້ງໜ້າ, ເປັນເຈົ້າການ ແລະ
ມີຄວາມພະຍາຍາມສູງ ຜ່ານຜ່າຄວາມຫຍຸ້ງຍາກນາໆປະການ, ເພື່ອຮັບປະກັນເຮັດສໍາເລັດໃນແຕ່ລະໂຄງການຕາມແຜນການທີ່ໄດ້ວາງອອກເລີ່ມແຕ່ມີການ
ຈັດຕັ້ງກອງປະຊຸມວຽກງານວິທະຍາສາດ-ປະຫວັດສາດການທະຫານທົ່ວກອງທັບຄັ້ງທີ II ມາເຖິງປະຈຸບັນ ສາມາດເຮັດສໍາເລັດຫຼາຍໆໂຄງການ, ຜົນງານ
ດັ່ງກ່າວໄດ້ຊີ້ໃຫ້ເຫັນຄວາມຮັບຜິດຊອບສູງຂອງຄະນະພັກ-ຄະນະບັນຊາ ແລະ ອົງການວິຊາສະເພາະຕໍ່ໜ້າທີ່ການເມືອງຂອງຕົນ, ການຄົ້ນຄວ້າຮຽບຮຽງ
ຂຽນປະຫວັດສາດມູນເຊື້ອ, ສະຫຼຸບບັ້ນຮົບ-ບັ້ນຕີຕ່າງໆໃນທົ່ວປະເທດ ແລະ ການເກັບກໍາຜົນງານປະຫວັດສາດມູນເຊື້ອຂອງກົມກອງລວມໝູ່, ບຸກຄົນ
ວິລະຊົນ, ນັກຮົບແຂ່ງຂັນ ແມ່ນໄດ້ບັນທຶກເຂົ້າໃນປຶ້ມປະຫວັດສາດຂອງຊາດເຮົາ; ພ້ອມນັ້ນວຽກງານຄົ້ນຄວ້າວິທະຍາສາດເຕັກໂນໂລຊີ ແລະ ສິ່ງແວດ
ລ້ອມການທະຫານກໍ່ມີທ່ວງທ່າຂະຫຍາຍຕົວ ເພື່ອໃຫ້ຄົນຮຸ້ນສືບທອດໄດ້ອ່ານ, ໄດ້ຄົ້ນຄວ້າ, ສຶກສາຮໍ່າຮຽນ ເຮັດໃຫ້ພະນັກງານ-ນັກຮົບມີນໍ້າໃຈປະຕິວັດ
ສູງ ໂດຍສືບທອດຈາກວິລະກໍາຈາກຄົນຮຸ້ນຫຼັງທີ່ເຄີຍຈາລຶກໄວ້ໃນປະຫວັດສາດ.
ໂອກາດນີ້, ທ່ານປະທານຍັງໄດ້ເນັ້ນໜັກໃຫ້ເອົາໃຈໃສ່ສາມບັນຫາຄື: ຕ້ອງຮີບຮ້ອນປັບປຸງການຈັດຕັ້ງຂະແໜງການ, ພະແນກການຕ່າງໆກ່ຽວກັບວຽກ
ງານຄົ້ນຄວ້າວິທະຍາສາດ-ປະຫວັດສາດ ການທະຫານໃຫ້ສອດຄ່ອງກັບເງື່ອນໄຂໃນໄລຍະໃໝ່; ຮີບຮ້ອນສ້າງແຜນການກໍ່ສ້າງ ແລະ ບຳລຸງຖັນແຖວພະນັກ
ງານວິຊາການ, ລົງເລິກການຄົ້ນຄວ້າວິທະຍາສາດ-ປະຫວັດສາດ ການທະຫານ; ຕ້ອງກໍາແໜ້ນລັກສະນະພັກ ແລະ ລັກສະນະວິທະຍາສາດ ໃນການຄົ້ນຄວ້າ
ວິທະຍາສາດ-ປະຫວັດສາດ ການທະຫານ. ໂດຍປະຕິບັດຕາມ 4 ໜ້າທີ່ໃຫຍ່, 26 ແຜນງານ ທີ່ອົງຄະນະພັກກະຊວງປ້ອງກັນປະເທດໄດ້ວາງອອກ, ທຸກພາກ
ສ່ວນ, ທຸກຂະແໜງການໃນທົ່ວກອງທັບ ຕ້ອງມີສ່ວນຮ່ວມປະສານສົມທົບຢ່າງແໜ້ນແຟ້ນ, ມີຄວາມຮັບຜິດຊອບສູງ ເພື່ອນໍາໄປເຖິງຜົນສໍາເລັດອັນໃຫຍ່
ຫຼວງກວ່າເກົ່າ ປະກອບສ່ວນຢ່າງຕັ້ງໜ້າເຂົ້າໃນການພັດທະນາກອງທັບເຮົາໃຫ້ກາຍເປັນກອງທັບ ນັບມື້ນັບທັນສະໄໝ. ຈາກນັ້ນ ທ່ານປະທານກອງປະຊຸມ
ກໍ່ໄດ້ກ່າວປິດກອງປະຊຸມຢ່າງເປັນທາງການ.
ພາບລວມບັນຍາກາດພາຍໃນກອງປະຊຸມສະຫຼຸບວຽກງານວິທະຍາສາດ-ປະຫວັດສາດ ການທະຫານ ທົ່ວກອງທັບ ຄັ້ງທີ III