ກົມ ວິທະຍາສາດ-ປະຫວັດສາດການທະຫານ
ເຄື່ວນໄຫວປະກາດສະພາວິທະຍາສາດຢູ່ບາງກົມກອງພາກໃຕ້.
ພັນເອກ ສຸລິວັນ ແສງຈັນ ເຄື່ອນໄຫວປະກາດສະພາວິທະຍາສາດຢູ່ບາງກົມກອງພາກໃຕ້.
ໃນລະຫວ່າງວັນທີ15-21 ກຸມພາ 2017 ນີ້. ກົມ ວິທະຍາສາດ-ປະຫວັດສາດການທະຫານ ກະຊ່ວງປ້ອງກັນປະເທດ ເຊີ່ງນຳໂດຍສະຫາຍ ພັນເອກ
ສຸລິວັນ ແສງຈັນ ຮອງຫົວໜ້າກົມ ວິທະຍາສາດ-ປະຫວັດສາດການທະຫານ ພ້ອມດ້ວຍຄະນະ ໄດ້ລົງເຄື່ອນໄຫວປະກາດສະພາວິທະຍາສາດຢູ່ບັນດາກົມ
ກອງພາກໃຕ້. ເປັນຕົ້ນແມ່ນກອງບັນຊາການທະຫານແຂວງ ເຊກອງ, ກອງ ພົນທີ 4 ແລະກອງບັນຊາການທະຫານແຂວງຄຳມ່ວນ. ການລົງເຄື່ອນໄຫວປັບ
ປຸງສະພາວິທະຍາສາດຂັ້ນຮາກຖານຄັ້ງນີ້ໂດຍໄດ້ຮັບການຕ້ອນຮັບ ຢ່າງອົບອຸ່ນຈາກຄະນະພັກ, ຄະນະບັນຊາແຕ່ລະກົມກອງ. ຢູ່ກອງບັນຊາການທະຫານ
ແຂວງ ເຊກອງ ໂດຍໄດ້ຮັບການເຂົ້າຮ່ວມຂອງສະຫາຍ ພັນໂທ ວິສອນ ບົວລະພາ ຫົວໜ້າຫ້ອງການເມືອງພ້ອມດ້ວຍຄະນະ 5 ຫ້ອງເຂົ້າຮ່ວມ, ຢູ່ກອງ
ພົນທີ 4 ມີສະຫາຍພັນເອກຄຳໄຂວິໄລເຄືອຫົວໜ້າການເມືອງກອງພົນທີ 4 ແລະຢູ່ກອງບັນຊາການທະຫານແຂວງຄຳມ່ວນ ແມ່ນສະຫາຍຫົວໜ້າຫ້ອງ
ການເມືອງ ແລະຫົວໜ້າການທະຫານພ້ອມຄະນະເຂົ້າຮ່ວມ.
ປະກາດສະພາວິທະຍາສາດຢູ່ຂັ້ນຮາກຖານ.
ການປະກາດສະພາວິທະຍາສາດຢູ່ຂັ້ນຮາກຖານກົມກອງຄັ້ງນີ້ສະຫາຍ ພັນໂທ ອຳພອນ ພົມມາລາ ຫົວໜ້າພະແນກການເມືອງ ກົມ ວິທະຍາສາດ-ປະ
ຫວັດສາດການທະຫານ ກະຊວງປ້ອງກັນປະເທດ. ໄດ້ຂຶ້ນຜ່ານມະຕິຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງສະພາວິທະຍາສາດຂັ້ນຮາກ
ຖານ ໂດຍອີງຕາມການເຄື່ອນໄຫວຂອງວາ ລະສະພາຂອງແຕ່ລະກົມກອງມີການປ່ຽນແປງຊັບຊ້ອນພະນັກງານ ແລະຍົກຍ້າຍໜ້າທີ່ເພື່ອເຮັດໃຫ້ສະພາວິທະ
ຍາສາດຢູ່ຂັ້ນຮາກຖານມີການຈັດຕັ້ງເຄື່ອນໄຫວປະຕິບັດຕາມທິດຊີ້ນຳຂອງຂັ້ນເທິງ. ສະຫາຍ ພັນເອກ ສຸລິວັນ ແສງຈັນ ຮອງຫົວໜ້າກົມ ວິທະຍາສາດ-ປະ
ຫວັດສາດການທະຫານ ຍັງໄດ້ເໜັ້ນໜັກໃຫ້ທຸກກົມກອງພາຍຫຼັງໄດ້ຮັບການຈັດຕັ້ງຮັບຮອງຈາກຂັ້ນເທີງແລ້ວຕ້ອງໄດ້ເຄື່ອນໄຫວໃຫ້ຖືກຕ້ອງຕາມພາລະ
ບົດບາດຂອງຕົນ ໂດຍຕິດພັນກັບ 4 ແຜນງານ ແລະ26 ໂຄງການທີ່ກະຊ່ວງວາງອອກ ແລະຄາດໝາຍສູ້ຊົນຂອງແຕ່ລະກົມກອງ ໂດຍຖືເອົາການສືກສາ
ອົບຮົມການເມືອງນຳພາແນວຄິດ, ການສືກສາ ແລະປັບປຸງກໍ່ສ້າງກຳລັງ, ວຽກງານລ້ຽງດູທັບ ແລະພາຫະນະເຕັກນິກຕ້ອງເຮັດໃຫ້ເປັນປົກກະຕິ ແລະມີວິ
ທະຍາສາດມີຜົນສຳເລັດສູງ.