ຮອງປະທານສະພາແຫ່ງຊາດ ເຄື່ອນໄຫວເຮັດວຽກຢູ່ ແຂວງບໍ່ແກ້ວ
ວັນທີ 25 ສິງຫາ 2021 ນີ້, ສະຫາຍ ພົນໂທ ສຸວອນ ເລືອງບຸນມີ ຮອງປະທານສະພາແຫ່ງຊາດ ໄດ້ລົງເຄື່ອນໄຫວເຮັດວຽກ ຢູ່ສະພາປະຊາຊົນເຂດ
ເລືອກຕັ້ງທີ 5 ແລະ ພົບປະໂອ້ລົມພະນັກງານຫຼັກແຫຼ່ງ 2 ກຳລັງ ປກຊ-ປກສ ຢູ່ແຂວງບໍ່ແກ້ວ, ໂດຍການຕ້ອນຮັບຂອງ ທ່ານ ຈອມສີ ລັດຕະນະ ເປັນປະ
ທານ ຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງທີ 5 ປະທານ ສະພາປະຊາຊົນ ແຂວງບໍ່ແກ້ວ ມີຄະນະພັກ-ຄະນະບັນຊາ ກອງບັນຊາການທະຫານ
ແລະ ປກສ ແຂວງຕະຫຼອດຮອດພະນັກງານ ຫຼັກແຫຼ່ງເຂົ້າຮ່ວມ.
ສະຫາຍ ພັນເອກ ບຸນມີ ພາມີໄຊ ຫົວໜ້າການເມືອງ ກອງບັນຊາການທະຫານ ແຂວງ ບໍ່ແກ້ວ ໄດ້ຂຶ້ນຜ່ານບົດລາຍງານຫຍໍ້ໂດຍສັງເຂບກ່ຽວກັບຜົນ
ງານການເຄື່ອນໄຫວ ໃນໄລຍະຜ່ານມາເຊິ່ງ ໄດ້ຍົກໃຫ້ເຫັນຫຼາຍບັນຫາທີ່ພົ້ນເດັ່ນໃນການຈັດຕັ້ງປະຕິບັດໜ້າທີ່ວຽກງານປ້ອງກັນຊາດ-ປ້ອງກັນຄວາມສະ
ຫງົບ ຢູ່ພາຍໃນ ແຂວງເຫັນວ່າມີຄວາມສະຫງົບ ໂດຍພື້ນຖານຕະຫຼອດມາ. ໂອກາດນີ້, ສະຫາຍ ພົນໂທ ສຸວອນ ເລືອງບຸນມີ ໄດ້ໂອ້ລົມເຊິ່ງໄດ້ຍົກໃຫ້
ເຫັນສະພາບການຂອງໂລກ, ພາກພື້ນ ແລະ ປະເທດຂອງພວກເຮົາທີ່ຜັນແປໄປຢ່າງສັບສົນ ໂດຍສະເພາະບັນຫາຂອງພະຍາດໂຄວິດ-19 ທີ່ກຳລັງແຜ່ລະ
ບາດເປັນວົງກວ້າງເວົ້າລວມເວົ້າສະເພາະ ແມ່ນແຂວງບໍ່ແກ້ວຂອງພວກເຮົາ ແມ່ນໃຫ້ເພີ່ມທະວີມາດຕະການ ໃນການປ້ອງກັນ ແລະ ແກ້ໄຂບັນຫາດັ່ງກ່າວ
ຕິດຕາມປ້ອງກັນເວນຍາມຕາມຂອບເຂດຊາຍແດນ ແລະ ຂອບເຂດຮັບຜິດຊອບໃຫ້ເຄັ່ງຄັດ.
ຈາກນັ້ນ ສະຫາຍ ຍັງໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານທີ່ ຄະນະພັກ-ຄະນະບັນຊາ 2 ກຳລັງປ້ອງກັນຊາດ-ປ້ອງກັນຄວາມສະຫງົບ ແຂວງ
ບໍ່ແກ້ວ ທີ່ສາມາດເຮັດຫຼ້ອນໜ້າທີ່ຫຼາຍດ້ານໃນໄລຍະຜ່ານມາ ໂດຍຍຶດໝັ້ນໃນສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາປະເທດຊາດ ພາຍ
ໃຕ້ການຊີ້ນຳ ເດັດຂາດໂດຍກົງຮອບດ້ານຂອງພັກ ການເຄື່ອນໄຫວປັບປຸງກໍ່ສ້າງກຳລັງປະກອບອາວຸດທ້ອງຖິ່ນໃຫ້ມີຄວາມເຂັ້ມແຂງ ໜັກແໜ້ນ ກາຍເປັນ
ກຳລັງທີ່ຈົງຮັກພັກດີຕໍ່ປະເທດຊາດ ແລະ ຕໍ່ປະຊາຊົນລາວບັນດາເຜົ່າ, ພ້ອມດຽວກັນນີ້, ສະຫາຍຍັງໄດ້ເນັ້ນໜັກໃຫ້ຄະນະພັກ-ຄະນະບັນຊາ 2 ກຳລັງແຕ່
ລະຂັ້ນຈົ່ງຕັ້ງໜ້າປັບປຸງກໍ່ສ້າງກຳລັງໃຫ້ເຕີບໃຫຍ່ເຂັ້ມແຂງທາງດ້ານປະລິມານ ແລະ ຄຸນນະພາບຮັບປະກັນໃຫ້ແກ່ການປະຕິບັດໜ້າທີ່ໃນສະເພາະໜ້າ ແລະ
ຍາວນານ, ພ້ອມກັນເຊີດຊູມານະຈິດປະຕິວັດ ແລະ ຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃນການຮັບໃຊ້ຊາດ, ຮັບໃຊ້ປະຊາຊົນເສີມຂະຫຍາຍມູນ
ເຊື້ອທາດແທ້ຂອງກຳລັງປະກອບອາວຸດປະຕິວັດ, ປະຕິບັດຂໍ້ກຳນົດກົດລະບຽບຂອງພັກກົດໝາຍຂອງລັດຢ່າງຕັ້ງໜ້າ, ຍົກສູງຄວາມຮູ້ຄວາມສາມາດໃນ
ການນຳພາ-ບັນຊາຕາມທິດຂອງຂັ້ນເທິງກາຍເປັນກຳລັງທີ່ມີແບບແຜນທັນສະໄໝ, ພ້ອມທັງສືບຕໍ່ຫັນເອົາກຳລັງລົງເຮັດໜ້າທີ່ກໍ່ສ້າງຮາກຖານການເມືອງ
ຢູ່ແຕ່ລະຈຸດສຸມໃນຂອບເຂດຕົນເອງ ຮັບຜິດຊອບ, ສືບຕໍ່ວຽກງານສຶກສາອົບຮົມການເມືອງ-ນຳພາແນວຄິດຕິດພັນກັບການອົບຮົມ-ຫັດແອບຮໍ່າຮຽນດ້ານ
ສິລະປະຍຸດ-ຍຸດທະວິທີ ສູ້ຮົບ ໃຫ້ມີຄວາມຄ່ອງແຄ້ວ, ສ້າງກຳລັງ ປກຊ-ປກສ ໃຫ້ກາຍເປັນວຽກ ຂອງທົ່ວປວງຊົນ ໂດຍຕິດພັນກັບ 4 ໜ້າທີ່ໃຫຍ່ 26
ແຜນງານຂອງ ຄະນະພັກ ກະຊວງປ້ອງກັນປະເທດ ວາງອອກຢ່າງເຂັ້ມງວດ ນໍາພາກົມກອງມີລະບຽບແບບແຜນທັນສະໄໝຂຶ້ນໄປເລື້ອຍໆ.
ແຫຼ່ງທີ່ມາ: ໜັງສືພິມກອງທັບ
ວັນທີ 27/08/2021