ລົງຕິດຕາມຄວາມພ້ອມ ກອງປະຊຸມສຳມະນາ ວິທະຍາສາດ ບັ້ນຮົບປົດປ່ອຍຜາຖ່ີ ຄົບຮອບ 50 ປີ
ພັນເອກ ວຽງໄຊ ສົມວິຈິດ ເຂົ້າຮ່ວມກອງປະຊຸມສຳມະນາວິທະຍາສາດບັ້ນຮົບປົດປ່ອຍ ຜາຖີ່ ຄົບຮອບ 50 ປີ
ວັນທີ່ 22-24 ມີນາ 2017 ນີ້. ສະຫາຍ ພັນເອກ ວຽງໄຊ ສົມມີຈິດ ຫົວໝ້າກົມວິທະຍາສາດ-ປະຫັວດສາດ ການທະຫານ ແລະສະຫາຍ ພັນເອກ
ຄຳມ່ວນ ເລືອງວັນຫຼ້າ ຮອງຫົວໝ້າຫ້ອງວ່າການກະຊວງປ້ອງກັນປະເທດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ລົງເຄື່ອນໄຫວຊຸກຍູ້ ແລະຕິດຕາມຄວາມພ້ອມ ແຕ່ລະໝ້າວຽກ ຂອງການຮ່າງຫາກະກຽມໃຫ້ແກ່ກອງປະຊຸມສຳມະນາວິທະຍາສາດ ບັ້ນຮົບປົດປ່ອຍ
ຜາຖ່ີ ຄົບຮອບ 50 ປີ.ການລົງເຄື່ອນໄຫວຕິດຕາມ ແລະຊຸກຍູ້ບັນດາວຽກງານການກະກ້ຽມກ້ອງປະຊຸມສຳມະນາວິທະຍາສາດບັ້ນຮົບປົດປ່ອຍຜາຖີ່ ຄົບ
ຮອບ 50 ປີ ຄັ້ງນີ້ ໂດຍໄດ້ຮັບການລາຍງານ ຈາກສະຫາຍ ພັນເອກ ສຸລິນພອນ ຄຳພະຈັນ ຫົວໝ້າການເມືອງ ກອງບັນຊາການທະຫານແຂວງ ຫົວພັນ
ແລະທ່ານ ນາງ ແພງ ກັນຍາພີມ ຮອງເລຂາພັກແຂວງ, ຮອງເຈົ້າແຂວງ ແຂວງ ຫົວພັນ ເຊິ່ງທັງສອງໄດ້ຢືນຢັນຄວາມພ້ອມຂອງແຕ່ລະອານຸກຳມະການ
ໂດຍສະເພາະວຽກກະກຽມເນື້ອໃນວຽກພົວພັນເກັບກຳຂໍ້ມູນພະຍານປະຫັວດສາດ ພົວພັນແຂກພາຍໃນ ແລະຕ່າງປະເທດ ທີ່ຈະເຂົ້າຮ່ວມ, ວຽກສະ
ຖານທີ່, ພິທິການ, ຮັບແຂກ ແລະກ້ອນກຳລັງຕ່າງໆ.
ປືກສາຫາລືຄວາມພ້ອມກອງປະຊຸມສຳມະນາວິທະຍາສາດ
ເຊິ່ງວຽກສຳຄັນທີ່ສຸດ ແມ່ນອານຸກຳມະການທາງດ້ານເສດຖະກິດ. ແມ່ນໄດ້ສ້າງແຜນການເຂົ້າງົບປະມານແຜນຄົນ ເຫັນວ່າສຳເລັດໂດຍພື້ນຖານ
ຄາດວ່າທຸກວຽກງານຈະໃຫ້ສຳເລັດກ່ອນກອງປະຊຸມສຳມະນາ. ປະຈຸບັນທາງແຂວງກຳລັງປັບປຸງພື້ນຖານໂຄງລ່າງຂອບເຂດບໍເວນຕີນຜາຖ່ີ ແລະຈະປັບປຸງ
ເສັ້ນທາງຂື້ນຜາຖີ່ ບ່ອນພັກເຊົາ ແລະຫ້ອງການຂອງກຳລັງປະຈຳປ້ອມຢູ່ຕີນ ຜາຖ່ີ ໃຫ້ສຳເລັດ ເພືອຮັບປະກັນໃຫ້ແກ່ການປ້ອງກັນເວນຍາມບໍລິເວນຜາຖີ່
ໃຫ້ມີຄວາມສະດວກສະບາຍ, ນອກຈາກນີ້ ບ່ອນທີ່ຈະສຳມະນາແມ່ນຈະກຳນົດເອົາ ຖ້ຳ ຊ້າງລອດ ສ່ວນກິດຈະກຳສະເຫຼີມສະຫຼອງແມ່ນເອົາເທດສະບານ
ແຂວງຫົວພັນ ຄາດວ່າທຸກກິດຈະກຳຕ້ອງໃຫ້ສຳເລັດຕາມຄາດໝາຍທີ່ວາງໄວ້.