ກອງບັນຊາການທະຫານແຂວງກວາງຫງາຍ ກອງທັບປະຊາຊົນ ຫວຽດນາມ ມອບເຄື່ອງອຸປະກອນ
ການແພດ ແລະ ທຶນການຊວ່ຍເຫຼືອໃຫ້ແກ່ກອງບັນຊາການທະຫານແຂວງຈຳປາສັກ

     ໃນວັນທີ 26 ມິຖຸນາ 2021 ນີ້, ກອງບັນຊາການທະຫານ ແຂວງກວາງຫງາຍ ກອງທັບປະຊາຊົນ ຫວຽດນາມ ໄດ້ນຳເອົາເຄື່ອງອຸປະກອນການແພດ
ແລະ ທຶນການຊ່ວຍເຫຼືອມາມອບໃຫ້ແກ່ກອງບັນຊາການທະຫານ ແຂວງຈຳປາສັກ ກອງທັບປະຊາຊົນລາວ ໃນການປອ້ງກັນ ຕ້ານ ແລະ ສະກັດກັ້ນ ການ
ແຜ່ລະບາດຂອງພະຍາດໂຄວີດ -19, ຢູ່ທີ່ດ່ານສາກົນ ພູເກືອ ແຂວງອັດຕະປື. ໂດຍຕາງໜ້າກ່າວມອບຂອງ ສະຫາຍ ພັນເອກ ຫວໍ້ ເຕີນ ຕ່າຍ ຮອງຫົວ
ໜ້າການເມືອງ ກອງບັນຊາການທະຫານແຂວງກວາງຫງາຍ ກອງທັບປະຊາຊົນຫວຽດນາມ ແລະ ຕາງໜ້າກ່າວຮັບໂດຍ ສະຫາຍ ພັນໂທ ສີໄຄ ທີບພະຈັກ
ຮອງຫົວໜ້າການເມືອງ ທັງເປັນຫົວໜ້າຫອ້ງການເມືອງ ທະຫານແຂວງຈໍາປາສັກ.ເຄື່ອງທີ່ນໍາມາມອບຊ່ວຍເຫຼືອໃນຄັ້ງນີ້ ປະກອບມີ: ເຄື່ອງວັດແທກອຸນຫະ
ພູມ 10 ອັນ, ຊຸດເຄື່ອງນຸ່ງປອ້ງກັນພະຍາດລະບາດ 100 ຊຸດ, ຜ້າອັດປາກ-ດັງ 200 ກັບ, ຊົບມືຢາງ 30 ຊຸດ, ເຈວລ້າງມື 500ຊີຊີ 900 ຂວດ, ເຄື່ອງຊີດ
ພົ່ນຢາ 10 ຊຸດ , ພອ້ມທຶນການຊ່ວຍເຫຼືອ 100.000.000 ດົ້ງ (ສະກຸນເງີນຫວຽດນາມ) ເພື່ອນໍາໃຊ້ເຂົ້າໃນວຽກງານຕ້ານການແຜ່ລະບາດຂອງພະຍາດ
ໂຄວີດ-19.

     ສະຫາຍ ພັນໂທ ສີໄຄ ທິບພະຈັກ ກໍໄດ້ຕາງໜ້າຄະນະ ກ່າວສະແດງຄວາມຂອບໃຈ ແລະ ຮູ້ບຸນຄຸນຢ່າງສູງ ຕໍ່ ສະຫາຍ ພັນເອກ ຫວໍ້ ເຕີນ ຕ່າຍ ພອ້ມ
ຄະນະ ກໍຄືກອງບັນຊາການທະຫານແຂວງກວາງຫງາຍ ທີ່ຍາມໃດກໍມີຄວາມເປັນຫວ່ງເປັນໃຍ ແລະ ເຫັນໄດ້ຄວາມໝາຍ ຄວາມສຳຄັນ ເຊິ່ງມັນສະແດງ
ໃຫ້ເຫັນເຖິງຄວາມຮັກແພງອັນເລີກເຊິ່ງ ສາຍພົວພັນສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງຊາດ, ສອງກອງທັບ ກໍຄືປະຊາຊົນ
ລາວ-ຫວຽດນາມ ເວົ້າລວມ ເວົ້າສະເພາະກໍແມ່ນ ກອງບັນຊາການທະຫານ ແຂວງກວາງຫງາຍ ກອງທັບປະຊາຊົນຫວຽດນາມ ກັບ ກອງບັນຊາການທະ
ຫານແຂວງຈຳປາສັກ ກອງທັບປະຊາຊົນລາວ ໃຫ້ໝັ້ນຄົງທະນົງແກ່ນ ແລະ ນັບມື້ເພີ່ມພູນຄູນສ້າງຈະເລີນງອກງາມຂຶ້ນໄປເລື້ອຍໆ ແລະ ໃຫ້ຄໍາໝັ້ນສັນຍາ
ວ່າຈະນໍາເອົາເຄື່ອງມືການແພດ ແລະ ທືນການຊວ່ຍເຫຼືອ ດັ່ງກ່າວນີ້ ໄປນຳໃຊ້ເຂົ້າໃນວຽກງານຕົວຈິງ ໃຫ້ຖືກຕອ້ງ ໂດຍສະເພາະແມ່ນ ວຽກງານປອ້ງກັນ
ຄວາມຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວີດ-19 ໃຫ້ມີຄວາມຮັບປະກັນສູງຂຶ້ນຕື່ມ.

ແຫຼ່ງທີ່ມາ: ໜັງສືພິມກອງທັບ
ວັນທີ 28/06/2021