ສ້າງຕັ້ງສະຫະພັນສາກົນ ເພື່ອຕໍ່ຕ້ານການຫຼອກລວງທາງໂທລະຄົມ
ຢ່າງເປັນທາງການ
ພິທີສ້າງຕັ້ງສະຫະພັນສາກົນເພື່ອຕໍ່ຕ້ານການຫຼອກລວງທາງໂທລະຄົມ ໄດ້ຈັດຂຶ້ນຢູ່ນະຄອນຫຼຽນຢຸນກາງ ແຂວງຈ່ຽງຊູ ຂອງຈີນ
ໃນວັນທີ 10 ກັນຍາ ນີ້. ຜູ້ຕາງໜ້າຈາກ 46 ປະເທດລິເລີ່ມສ້າງຕັ້ງສະຫະພັນດັ່ງກ່າວ, 34 ປະເທດສັງເກດການພ້ອມດ້ວຍ 4 ອົງການ
ຈັດຕັ້ງສາກົນ ເປັນຕົ້ນແມ່ນ ອົງການສະຫະປະຊາຊາດ ແລະ ອົງການຕຳ ຫຼວດອາຍາສາກົນ ໄດ້ເຂົ້າຮ່ວມພິທີດັ່ງກ່າວ.
ຕາມຂ່າວ ວິທະຍຸໂທລະພາບສູນກາງຈີນ, ການສ້າງຕັ້ງສະຫະພັນສາກົນ ເພື່ອຕໍ່ຕ້ານການຫຼອກລວງທາງໂທລະຄົມ ເປັນມາດຕະ
ການເພື່ອຈັດຕັ້ງປະຕິບັດຂໍ້ລິເລີ່ມຄວາມໝັ້ນຄົງທົ່ວໂລກ ແລະ ຂໍ້ລິເລີ່ມການບໍລິຫານທົ່ວໂລກທີ່ສະເໜີໂດຍຈີນໃຫ້ເຂົ້າສູ່ລວງເລິກ.
ສະຫະພັນດັ່ງກ່າວລິເລີ່ມສ້າງຂຶ້ນໂດຍຈີນ ແລະ ມີຈຸດປະສົງ ເພື່ອສ້າງເປັນອົງການຈັດຕັ້ງສາກົນລະຫວ່າງລັດຖະບານທາງວິຊາການ
ທີ່ມີຄວາມສາມາດໃນລະດັບໃດໜຶ່ງໃນການເຄື່ອນໄຫວ ແລະ ປະສານງານ ໂດຍມີພາກສ່ວນບັງຄັບໃຊ້ກົດໝາຍຈາກປະເທດຕ່າງໆ
ເຂົ້າຮ່ວມຢ່າງກວ້າງຂວາງ ແລະ ຖືເອົາການຮັບມືກັບອາດຊະຍາກຳຫຼອກລວງທາງໂທລະຄົມຂ້າມຊາຍແດນ ແລະ ອາຊະຍາກຳທີ່
ກ່ຽວຂ້ອງຢ່າງມີປະສິດທິພາບສູງ ເປັນບົດບາດແກນກາງ.
ແຫຼ່ງທີ່ມາ: ຂກທ
ວັນທີ 14/09/2026