ປະທານາທິບໍດີ ຣັດເຊຍ ແລະ ອາເມຣິກາ ສົນທະນາກັນທາງໂທລະສັບ
ວັນທີ 8 ກັນຍາ ນີ້, ທ່ານ ຢູຣີ ອຸຊາໂຄຟ ຜູ້ຊ່ວຍປະທານາທິບໍດີ ຣັດເຊຍ ລາຍງານຂ່າວວ່າ: ທ່ານ ວະລາດີເມຍ ປູຕິນ ປະທານາທິບໍດີ ຣັດເຊຍ
ແລະ ທ່ານ ໂດນັນ ທຣຳ ປະທານາທິບໍດີ ສະຫະລັດ ອາເມຣິກາ ໄດ້ສົນທະນາກັນຜ່ານທາງໂທລະສັບ ກ່ຽວກັບຜົນຂອງການໄປຢ້ຽມຢາມນະຄອນ
ຫຼວງມົດສະກູ ປະເທດ ຣັດເຊຍ ແລະ ນະຄອນຫຼວງກີແອບ ປະເທດອູແກຣນ ຂອງທ່ານ ສະຕີຟ ວິດໂຄຟ ທູດພິເສດ ແລະ ທ່ານ ຈາເຣດ ຄຸສເນີ
ລູກເຂີຍຂອງທ່ານ ໂດນັນ ທຣຳ ໃນລະຫວ່າງວັນທີ 5-6 ກັນຍາ ນີ້.
ການສົນທະນາຄັ້ງນີ້ດຳເນີນໄປເປັນເວລາ1 ຊົ່ວໂມງ ເຊິ່ງມີລັກສະນະສ້າງສັນ ແລະ ກົງໄປກົງມາທີ່ສຸດ. ຜົນຂອງການໄປຢ້ຽມຢາມຂອງຄະນະ
ຜູ້ແທນອາເມຣິກາໄດ້ຮັບການຕີລາຄາຢ່າງຕັ້ງໜ້າ, ເຊິ່ງວຽກງານຜ່ານຊ່ອງທາງດັ່ງກ່າວ ແລະ ຜ່ານຊ່ອງທາງອື່ນໆ ຈະສືບຕໍ່ໄດ້ຮັບການຊຸກຍູ້ຢ່າງຕໍ່ເນື່ອງ.
ທ່ານ ອຸຊາໂຄຟ ໃຫ້ຮູ້ຕື່ມວ່າ: ທ່ານ ໂດນັນ ທຣຳ ໄດ້ສະແດງຄວາມປາຖະໜາຢ່າງຈະແຈ້ງກ່ຽວກັບການສິ້ນສຸດການປະທະກັນລະຫວ່າງ ຣັດເຊຍ-ອູ
ແກຣນ ໃຫ້ໄວເທົ່າທີ່ຈະໄວໄດ້, ພ້ອມທັງເຫັນວ່າ ນີ້ຈະສ້າງເງື່ອນໄຂໃຫ້ແກ່ການຟື້ນຟູການພົວພັນລະຫວ່າງຣັດເຊຍ-ອາເມຣິກາ ຢ່າງຮອບດ້ານໃນ
ທັນທີ,ໂດຍສະເພາະໃນດ້ານການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດທາງດ້ານເສດຖະກິດ-ການຄ້າ ລະຫວ່າງສອງປະເທດ, ຢ່າງໃດກໍຕາມ,
ທ່ານ ໂດນັນ ທຣຳ ຄອງຄອຍທີ່ຈະບັນລຸຄວາມກ້າວໜ້າດັ່ງກ່າວພາຍໃນວາລະການດຳລົງຕໍາແໜ່ງຂອງຕົນ.
ແຫຼ່ງທີ່ມາ: ຂກທ
ວັນທີ 17/09/2026