ທ່ານນາງ ແພທອງທານ ຊິນນະວັດ ຮຽກຮ້ອງໃຫ້ຄືນຕຳແໜ່ງນາຍົກລັດຖະມົນຕີໄທຂອງຕົນ
ສື່ມວນຊົນໄທລາຍງານວ່າ: ຫວ່າງມໍ່ໆມານີ້, ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີໄທທີ່ຖືກສັ່ງໂຈະຕຳແໜ່ງ ໄດ້
ຍື່ນເອກະສານຕໍ່ສານລັດຖະທຳມະນູນໄທ ໂດຍລະບຸວ່າ: ການສົນທະນາທາງໂທລະສັບລະຫວ່າງຕົນກັບ ທ່ານ ຮຸນເຊນ ປະທານສະພາສູງ
ກຳປູເຈຍ ໃນກາງ ເດືອນ ມິຖຸນາ ປີນີ້ ແມ່ນ “ ພາຍໃຕ້ຂອບການທູດທັງໝົດ ”, ສຳລັບຄຳເວົ້າບາງຕອນທີ່ເຮັດໃຫ້ເກີດການໂຕ້ຖຽງກັນນັ້ນ
ເປັນເຕັກນິກການເຈລະຈາ, ທັງນີ້, ທ່ານນາງ ແພທອງທານ ຊິນນະວັດ ຮຽກຮ້ອງໃຫ້ສານລັດຖະທຳມະນູນໄທ ຈົ່ງຄືນຕຳແໜ່ງນາຍົກລັດ
ຖະມົນຕີໄທຂອງຕົນ.
ທ່ານນາງ ແພທອງທານ ຊິນນະວັດ ຍັງໄດ້ອະທິບາຍກ່ຽວກັບຄຳເວົ້າຂອງຕົນ ໃນການສົນທະນາທາງໂທລະສັບທີ່ວ່າ “ ທ່ານ ຢາກໄດ້
ຫຍັງສາມາດແຈ້ງໃຫ້ຂ້າພະເຈົ້າຊາບໂດຍກົງ, ຂ້າພະເຈົ້າຈະຈັດການ ” ນັ້ນວ່າ ເປັນເຕັກນິກການເຈລະຈາແບບ “ ຖືເອົາຜົນປະໂຫຍດເປັນ
ທິດທາງ ” ໂດຍມີຈຸດປະສົງ ເພື່ອຊັກຊວນຝ່າຍກົງກັນຂ້າມສະເໜີເງື່ອນໄຂກ່ອນ ເພື່ອສ້າງເງື່ອນໄຂໃຫ້ແກ່ການເຈລະຈາໃນຕໍ່ໜ້າ, ແຕ່ຫາກ
ບໍ່ແມ່ນການໃຫ້ຄຳໝັ້ນສັນຍາວ່າຈະຮັບເອົາຂໍ້ຮຽກຮ້ອງທັງໝົດຂອງຝ່າຍກົງກັນຂ້າມ.
ນອກຈາກນີ້, ທ່ານ ນາງ ແພທອງທານ ຊິນນະວັດ ກ່າວເນັ້ນໜັກວ່າ: ທຸກເງື່ອນໄຂທີ່ ກຳປູເຈຍ ສະເໜີນັ້ນ, ຕົນຈະປຶກສາຫາລືກັບ
ພາກສ່ວນຄວາມໝັ້ນຄົງຂອງໄທກ່ອນ, ຫາກບໍ່ໄດ້ຮັບປາກພຽງລຳພັງແຕ່ຝ່າຍດຽວ. ສື່ມວນຊົນໄທໄດ້ລາຍງານ ໂດຍອ້າງຕາມຄຳເວົ້າຂອງ
ບຸກຄົນທີ່ສະໜິດກັບ ທ່ານ ນາງ ແພທອງທານ ຊິນນະວັດ ວ່າ: ທ່ານນາງ ແພທອງທານ ຊິນນະວັດອາດຈະໄປໃຫ້ການຕໍ່ສານໃນອາທິດນີ້.
ແຫຼ່ງທີ່ມາ: ຂກທ
ວັນທີ 21/08/2025