ສປ ຈີນ-ສສ ຫວຽດນາມ ຮັດແໜ້ນ ສາຍພົວພັນການຮ່ວມມືຢ່າງແໜ້ນແຟ້ນ
ວິທະຍຸສາກົນແຫ່ງ ສປ ຈີນລາຍງາຍວັນທີ 21 ເມສາ 2025 ນີ້ວ່າ: ການຖະແຫຼງຂ່າວ ນັດສາມັນ ຂອງກະຊວງການຕ່າງປະເທດຈີນ
ກ່ຽວກັບ ການຢ້ຽມຢາມ ທາງລັດຖະກິດຢູ່ ສສ ຫວຽດນາມ ຂອງທ່ານ ສີ ຈິ້ນຜິງ ປະທານປະເທດຈີນ ເມື່ອບໍ່ດົນມານີ້, ທ່ານ ຫຼິນຈຽນ
ໂຄສົກກະຊວງການຕ່າງປະເທດຈີນ ຊີ້ແຈ້ງວ່າ: ການຢ້ຽມຢາມ ໄດ້ປະສົບຜົນສຳເລັດຢ່າງຈົບງາມ, ເປີດຄວາມຫວັງໃໝ່ ໃຫ້ແກ່ການສ້າງ
ປະຊາຄົມ ແບ່ງປັນອະນາຄົດ ສປ ຈີນ-ສສ ຫວຽດນາມ ທີ່ມີຄວາມໝາຍຍຸດທະສາດ ແລະ ການພັດທະນາ ຂອງພາລະກິດສັງຄົມນິຍົມ
ຂອງສອງປະເທດ, ສົ່ງພະລັງງານ ອັນຕັ້ງໜ້າເຂົ້າສູ່ວັດທະນາຖາວອນ ແລະ ສະຖຽນລະພາບ ຂອງພາກພື້ນ ແລະ ໂລກ ທັງເປັນການຮັດ
ແໜ້ນສາຍພົວ ພັນການຮ່ວມມືຢ່າງແໜ້ນແຟ້ນ ລະຫວ່າງ ສອງປະເທດ.
ທ່ານ ຫຼິນຈຽນ ຢັ້ງຢືນວ່າ: ສປ ຈີນ ຈະພ້ອມກັບ ສສ ຫວຽດນາມ ປະຕິບັດບັນດາຄວາມຮັບຮູ້ລວມສຳຄັນ ເຊິ່ງການນຳຂັ້ນສູງສອງພັກ,
ສອງລັດ ບັນລຸໄດ້ ຢ່າງເຂັ້ມງວດ, ສືບທອດ ການພົວພັນ ມິດຕະພາບ ທີ່ເປັນມູນເຊື້ອ “ນ້ຳໃຈທີ່ ເຂັ້ມຂຸ້ນ ລະຫວ່າງ ສສ ຫວຽດ ນາມ-ສປ
ຈີນ, ທັງເປັນສະຫາຍ, ທັງເປັນອ້າຍນ້ອງ”, ຮັບປະກັນ ການສ້າງປະຊາຄົມ ແບ່ງປັນອະນາຄົດ ສປ ຈີນ-ສສ ຫວຽດນາມ ທີ່ມີຄວາມໝາຍ
ຍຸດທະສາດພັດທະນາຢ່າງເປັນປົກກະຕິ ແລະ ຍາວນານ.
ແຫຼ່ງທີ່ມາ: ຂກທ
ວັນທີ 23/04/2025