ຈີນ ປະສົບຜົນສຳເລັດການພັດທະນາ ຣາດາ ກວານຕຳ ຄັ້ງທຳອິດຂອງໂລກ
ສຳນັກຂ່າວ (SCMP) ລາຍງານໃນກາງເດືອນ ຕຸລາ ນີ້ວ່າ: ຈີນໄດ້ເລີ່ມຜະລິດເຄື່ອງກວດຈັບໂຟຕອນ ເປັນຈຳນວນຫຼວງຫຼາຍ, ເຊິ່ງ
ເປັນສ່ວນປະກອບສຳຄັນໃນການຜະລິດ ແລະ ພັດທະນາລະບົບຣາດາ ກວານຕຳ (quantum radar) ທີ່ໃຫ້ສາຍາວ່າ ມີຄວາມສາມາດໃນ
ການກວດຈັບ ຍົນສູ້ຮົບ ທີ່ສາມາດອຳພາງໂຕໄດ້ ເປັນຕົ້ນ ຍົນລຸ້ນກ້າວໜ້າທີ່ສຸດຄື F-22 Raptor ຂອງສະຫະລັດ. ການເຄື່ອນໄຫວດັ່ງ
ກ່າວ, ມີຂຶ້ນເມື່ອບໍ່ດົນມານີ້ ພາຍຫຼັງທີ່ ກອງທັບສະຫະລັດ ອາເມຣິກາ ໄດ້ອະນຸມັດໃຫ້ກອງທັບເຮືອສືບຕໍ່ພັດທະນາຍົນສູ້ຮົບ ລຸ້ນທີ 6 ທີ່
ມີຄວາມສາມາດເພີ່ມຂຶ້ນ. ເຈົ້າໜ້າທີ່ລະດັບສູງຂອງຈີນ ໄດ້ກ່າວຕໍ່ໜັງສືພິມ South China Morning Post (SCMP) ວ່າ: ອຸປະກອນ
ດັ່ງກ່າວ (Photon Catcher) ເປັນອຸປະກອນກວດຈັບໂຟຕອນດ່ຽວ ທີ່ມີຄວາມໄວສູງ ຫຼື ເອີ້ນວ່າ ຕົວຈັບໂຟຕອນ ເຊິ່ງເປັນເຕັກໂນໂລຊີ
ທີ່ສາມາດກວດຈັບອະນຸພາບແສງໄດ້ຢ່າງແມ່ນຍຳທີ່ສຸດ, ການພັດທະນາທາງດ້ານເຕັກໂນໂລຊີນີ້ ມີປະສິດຕິພາບໃນການໃຊ້ງານໄດ້ຫຼາຍ
ຮູບແບບຕັ້ງແຕ່ການສື່ສານ ກວານຕຳ ຈົນເຖິງການປ້ອງກັນຄວາມປອດໄພທາງອາກາດ. ນີ້ເປັນການພັດທະນາ ແລະ ເປັນເຄື່ອງທຳອິດຂອງ
ໂລກ, ຣາດາ ກວານຕຳ ໄດ້ຖືກສ້າງຂຶ້ນ ແລະ ພັດທະນາໂດຍສູນຄົ້ນຄວ້າວິສະວະກຳເຕັກໂນໂລຊີຂໍ້ມູນຂ່າວ ສານ ຄວານຕຳ ໃນແຂວງ ອານ
ຮຸຍ Anhui ສປ ຈີນ.
ແຫຼ່ງທີ່ມາ: ຂກທ
ວັນທີ 23/10/2025