ການພົບປະເຈລະຈາລະຫວ່າງອີຣານ-ອາເມຣິກາ ຮອບທີ 3
ຈະຈັດຂຶ້ນຢູ່ໂອມານ ໃນວັນທີ 26 ເມສາ ນີ້
ທ່ານ ອາບັສ ອາຣາກຊີ ລັດຖະມົນຕີກະຊວງການຕ່າງປະເທດອີຣານ
ໃນວັນທີ 19 ເມສາ 2025 ນີ້, ພາຍຫຼັງການພົບປະເຈລະຈາໂດຍທາງອ້ອມລະຫວ່າງອີຣານ-ອາເມຣິກາຮອບທີ 2 ທີ່ຈັດຂຶ້ນຢູ່ນະຄອນ
ຫຼວງໂຣມປະເທດອີຕາລີ ໃນມື້ດຽວກັນໄດ້ສິ້ນສຸດລົງ, ທ່ານ ອາບັສ ອາຣາກຊີ ລັດຖະມົນຕີກະຊວງການຕ່າງປະເທດອີຣານໄດ້ແຈ້ງໃຫ້ຮູ້ວ່າ:
ການພົບປະເຈລະຈາໂດຍທາງອ້ອມລະຫວ່າງອີຣານ-ອາເມຣິກາຮອບຕໍ່ໄປຈະຈັດຂຶ້ນຢູ່ປະເທດໂອມານໃນວັນທີ 26 ເມສາ ນີ້.
ຕາມຂ່າວແຈ້ງໃຫ້ຮູ້ວ່າ: ທ່ານ ອາບັສ ອາຣາກຊີ ໄດ້ເຂົ້າຮ່ວມການພົບປະເຈລະຈາຄັ້ງນີ້ ແລະ ຕອບຄຳຖາມຂອງນັກຂ່າວກ່ຽວກັບເນື້ອ
ໃນຂອງການພົບປະເຈລະຈາວ່າ: ພວກເຮົາໄດ້ບັນລຸຄວາມເຫັນທີ່ເປັນເອກະພາບກັນຢ່າງຈະແຈ້ງກວ່າເກົ່າກ່ຽວກັບບາງຫຼັກການ ແລະ ເປົ້າ
ໝາຍຢ່າງສຳເລັດຜົນ, ພ້ອມທັງເຫັນດີດຳເນີນການເຈລະຈາໃຫ້ເຂົ້າສູ່ໄລຍະຕໍ່ໄປ. ນອກນີ້, ທ່ານ ອາບັສ ອາຣາກຊີ ແຈ້ງໃຫ້ຮູ້ຕື່ມອີກວ່າ:
ໂດຍອີງຕາມຄວາມຄືບໜ້າຂອງການເຈລະຈາ, ໜ່ວຍງານເຕັກນິກຂອງອີຣານ-ອາເມຣິກາຈະດຳເນີນການເຈລະຈາລະດັບຜູ້ຊ່ຽວຊານ ໃນວັນ
ທີ 23 ເມສາ ນີ້ ເຊິ່ງບັນດາຜູ້ຊ່ຽວຊານຈະລົງເລິກປຶກສາຫາລືລາຍລະອຽດຕ່າງໆ ເພື່ອວາງແຜນຂອບສັນຍາ. ການພົບປະເຈລະຈາໂດຍທາງ
ອ້ອມລະຫວ່າງອີຣານ-ອາເມຣິກາຮອບທີ 3 ຈະຈັດຂຶ້ນຢູ່ໂອມານໃນວັນທີ 26 ເມສານີ້, ສອງຝ່າຍຈະປະເມີນຜົນການດຳເນີນງານຂອງຜູ້
ຊ່ຽວຊານ ເພື່ອເປັນບ່ອນອີງໃຫ້ແກ່ການຕີລາຄາວ່າຈະສາມາດບັນລຸສັນຍາໄດ້ ຫຼື ບໍ່.
ແຫຼ່ງທີ່ມາ: ຂກທ
ວັນທີ 24/04/2025