ກອງປະຊຸມພົບປະລະຫວ່າງລັດຖະມົນຕີຕ່າງປະເທດ ບຣິສ
ເນັ້ນໜັກການຮ່ວມມືປະເທດເຂດໂລກໃຕ້
ວັນທີ 29 ເມສາ 2025 ກອງປະຊຸມພົບປະລະຫວ່າງລັດຖະມົນຕີຕ່າງປະເທດບຣິສ໌ ດຳເນີນເປັນເວລາ 2 ວັນ ແລະ ໄດ້ອັດລົງຢູ່ນະ
ຄອນຣີໂອເດີຈາເນໂຣ ຂອງບຣາຊິນ.
ກອງປະຊຸມພົບປະລະຫວ່າງ ລັດຖະມົນຕີຕ່າງປະເທດບຣິສ ຄັ້ງນີ້ໄດ້ອອກຖະແຫຼງການ ໂດຍກ່າວຢ້ຳວ່າຈະສຸມກຳລັງເຂົ້າໃນການເພີ່ມ
ທະວີຂອບການພົວພັນຄູ່ຮ່ວມຍຸດທະສາດລະຫວ່າງປະເທດບຣິສ, ດຳເນີນການຮ່ວມມືພາຍໃຕ້ 3 ເສົາຄ້ຳໃຫຍ່ແຫ່ງການຮ່ວມມື ຄື: ຄວາມ
ໝັ້ນຄົງດ້ານນະໂຍບາຍ ເສດຖະກິດ-ການເງິນ ແລະ ການແລກປ່ຽນດ້ານວັດທະນະທຳ.
ລັດຖະມົນຕີກະຊວງການຕ່າງປະເທດຂອງບັນດາປະເທດບຣິສໄດ້ກ່າວຢ້ຳວ່າຈະສຸມກຳລັງເຂົ້າໃນການຍຶດໝັ້ນປະຕິບັດຕາມຈິດໃຈປະ
ເທດບຣິສ, ເພີ່ມທະວີການຮ່ວມມືປະເທດເຂດໂລກໃຕ້, ບັນລຸການບໍລິຫານທີ່ໂອບເອື້ອອາລີ ແລະ ແບບຍືນຍົງກວ່າເກົ່າ. ຖະແຫຼງການໄດ້
ສະແດງຄວາມຊົມເຊີຍຕໍ່ ອິນໂດເນເຊຍ ທີ່ເຂົ້າເປັນປະເທດສະມາຊິກບຣິສ ພ້ອມທັງ ຊົມເຊີຍເບຣາລຸດຊີ, ໂບລີວີ, ກາຊັກສະຖານ, ກູບາ,
ນີເຊຣີ, ມາເລເຊຍ, ໄທ, ອູກັນດາ ແລະ ອຸດສະເບກິດສະຖານ ໄດ້ກາຍເປັນປະເທດຄູ່ຮ່ວມຂອງບຣິສ ນັບແຕ່ວັນທີ 1 ມັງກອນປີ 2025
ເປັນຕົ້ນໄປ.
ແຫຼ່ງທີ່ມາ: ຂກທ
ວັນທີ 05/05/2025