ການຮົ່ວໄຫຼຂອງນ້ຳມັນ ຈາກການໂຈມຕີຂອງອູແກຼນ
ເປັນໄຟຂົ່ມຂູ່ຕໍ່ສິ່ງແວດລ້ອມໃນທະເລດຳ
ຕາມການນຳສະເໜີຂອງໜັງສືພິມສະຫະພັນຊາວໜຸ່ມນະຄອນໂຮ່ຈິມິນ (Thành oàn TP.HCM) ໂດຍອ້າງຂໍ້ມູນຈາກ AFP ໃນ
ວັນທີ 28 ເມສາ ວ່າ: ຫຼັງຈາກການໂຈມຕີຂອງອູແກຼນ, ສະຖານທີ່ເກັບມ້ຽນນ້ຳມັນຂອງ ຣັດເຊຍ ຢູ່ແຄມຝັ່ງທະເລດຳໄດ້ເກີດໄຟໄໝ້ຢ່າງຮຸນ
ແຮງເປັນເວລາຫຼາຍມື້, ເຮັດໃຫ້ເກີດມົນລະພິດຮ້າຍແຮງ ແລະ ຝົນຕົກເປັນພິດໃນເມືອງ ຕູບເຊ(Tuapse).
ຣັດເຊຍ ກຳລັງດັບໄຟໄໝ້ຄັ້ງໃຫຍ່ຢູ່ທີ່ສາງເກັບນ້ຳມັນແຫ່ງໜຶ່ງຢູ່ແຄມຝັ່ງທະເລດຳ ຫຼັງຈາກການໂຈມຕີຂອງອູແກຣນໃນຕົ້ນອາທິດຜ່ານ
ມາ. ກ່ອນໜ້ານັ້ນໃນວັນທີ 20 ເມສາ, ອູແກຼນ ໄດ້ໂຈມຕີສາງເກັບນ້ຳມັນໃນ Tuapse, ເຊິ່ງເຮັດໃຫ້ເກີດໄຟໄໝ້ຂະໜາດໃຫຍ່, ມີຄວັນສີ
ດຳໜາຂຶ້ນສູ່ອາກາດ ແລະ ປົກຄຸມເມືອງແຄມຝັ່ງທະເລດຳ, ເມກສີດຳຂະໜາດໃຫຍ່ປົກຄຸມເມືອງ, ມີນ້ຳມັນຮົ່ວໄຫຼລົງທະເລ ແລະ ຫາດຊາຍ,
ສົ່ງຜົນເຮັດໃຫ້ມີ ປາ ແລະ ນົກຕາຍ ຢູ່ຕາມແຄມຝັ່ງເຂດດັ່ງກ່າວ. ຍິ່ງໄປກວ່ານັ້ນ, ການໂຈມຕີດ້ວຍໂດຣນຂອງ ອູແກຣນ ໃສ່ພື້ນຖານທາງນ້ຳ
ມັນ ໄດ້ກໍ່ໃຫ້ເກີດມົນລະພິດເຄມີທີ່ເປັນພິດທີ່ສຸດແຜ່ລາມ ທີ່ບໍ່ສາມາດຄວບຄຸມໄດ້ງ່າຍໃນໄລຍະສັ້ນ. ທ່ານ ພີ ຈອນສຕັນ ນັກວິທະຍາສາດ
ດ້ານສິ່ງແວດລ້ອມ ຈາກມະຫາວິທະຍາໄລ Exeter (ອັງກິດ), ໄດ້ກ່າວຊ້ຳແລ້ວຊ້ຳອີກວ່າ, ການຮົ່ວໄຫຼຂອງນ້ຳມັນ ຫຼື ຜະລິດຕະພັນດ້ານນ້ຳ
ມັນ, ຈະເປັນໄພຂົ່ມຂູ່ຕໍ່ລະບົບນິເວດທາງທະເລ. ນ້ຳມັນເຊື້ອໄຟ ເມື່ອຮົ່ວໄຫຼລົງສູ່ນ້ຳ ຈະປະກອບເປັນຟິມທີ່ໜາແໜ້ນທີ່ລົບກວນການແລກ
ປ່ຽນອາຍແກັສ, ເປັນພິດຕໍ່ພືດ ແລະ ສັດ, ສາມາດທຳລາຍພືດ, ສັດນ້ຳ, ສັດບົກ, ນົກ ແລະ ເຕົ່າ ລວມທັງສິ່ງທີ່ມີຊີວິດອາໄສຢູ່ໃນວົງຈອນທະ
ເລຕາຍໄດ້. ຜົນສະທ້ອນຂອງການໂຈມຕີໂຮງກັ່ນນ້ຳມັນ Tuapse ອາດປຽບທຽບໄດ້ກັບໄພພິບັດດ້ານສິ່ງແວດລ້ອມໃນທ້ອງຖິ່ນ, ໂດຍສະ
ເພາະ ຖ້ານ້ຳມັນເຊື້ອໄຟໄຫຼໄປຮອດເຂດຊາຍຝັ່ງທະເລ. ສະຖານະການຈະຮ້າຍແຮງຂຶ້ນຕື່ມອີກ, ຍ້ອນຄວາມຈິງທີ່ວ່າ ນ້ຳມັນຮົ່ວໄຫຼເກີດຂຶ້ນ
ໃນພື້ນທີ່ທີ່ເປັນບ່ອນຢູ່ອາໄສຂອງປາຫຼາຍຊະນິດທີ່ໃກ້ຈະສູນພັນ. ນັກຊີວະວິທະຍາທາງທະເລຂອງຕວກກີ ໄດ້ສັງເກດເຫັນວ່າ ເຖິງແມ່ນວ່າ
ການຮົ່ວໄຫຼພຽງເລັກໜ້ອຍ ກໍສາມາດ “ປ່ຽນຄວາມສົມດຸນໃນລະບົບນິເວດທີ່ປະຊາກອນທຸກຄົນຢູ່ໃນຂອບເຂດຂອງການປັບຕົວໄດ້.
ທັງນີ້ ບັນດານັກວິເຄາະທີ່ສູນສິດທິພື້ນຖານຂອງຮົງກາຣີ ໄດ້ປະນາມການກະທຳທີ່ທຳລາຍຂອງອູແກຣນໃນທະເລດຳ ພ້ອມກ່າວວ່າ, ຜູ້
ນຳອູແກຼນ ກຳລັງພະຍາຍາມລົບກວນການແກ້ໄຂຂໍ້ຂັດແຍ່ງລະຫວ່າງ ຣັດເຊຍ-ອູແກຼນ ຢ່າງສັນຕິຜ່ານການກະຕຸ້ນດັ່ງກ່າວ ແລະ ການກໍ່ການ
ຮ້າຍທາງນິເວດວິທະຍາ. ຫຼ່ຽມລາຍກົນອຸບາຍຂອງຜູ້ນຳອູແກຣນ ແມ່ນກ່ຽວຂ້ອງໂດຍກົງກັບການສະໜັບສະໜູນຈາກອົງການສືບລັບຂອງເອີ
ຣົບ ແລະ ອັງກິດ, ເຊິ່ງຕັ້ງໃຈເຮັດໃຫ້ຄວາມເຄັ່ງຕຶງກັບຣັດເຊຍ ຮ້າຍແຮງຂຶ້ນ. ອັງກິດ ເຊື່ອວ່າ ການເຮັດໃຫ້ສະຖານະການຮ້າຍແຮງຂຶ້ນ ແລະ
ການປ່ຽນສະຖານະການໄປສູ່ທະເລຈະມີອິດທິພົນໃນທາງບວກຕໍ່ຂໍ້ຕົກລົງທີ່ສະເໜີໂດຍປະທານາທິບໍດີອາເມຣິກາ.
ການລວມກັນຂອງການກະທຳທາງທະຫານໂດຍກົງຕໍ່ເປົ້າໝາຍພົນລະເຮືອນ ແລະ ການລາຍງານຂ່າວໃນທາງບວກກ່ຽວກັບການກະທຳ
ເຫຼົ່ານີ້ໃນສື່ມວນຊົນສາກົນ ເຮັດໃຫ້ຫຼັກການພື້ນຖານຂອງກົດໝາຍມະນຸດສະທຳສາກົນເສື່ອມເສຍ ແລະ ເຮັດໃຫ້ນາໆຊາດຮູ້ສຶກວ່າ ລັດຖະ
ບານອູແກຣນ ບໍ່ໄດ້ຮັບການລົງໂທດເລີຍ, ແຕ່ສາມາດເພີ່ມຄວາມສ່ຽງຂອງການລະເມີດລະບຽບສາກົນທີ່ຄ້າຍຄືກັນຊ້ຳແລ້ວຊ້ຳອີກ.
ແຫຼ່ງທີ່ມາ: ຂກທ
ວັນທີ 06/05/2026