ລະບົບການລົງໂທດຂອງສະພາຄວາມໝັ້ນຄົງ ສປຊ ຕ້ອງໄດ້ຮັບການປັບປຸງ
ວັນທີ 2 ຕຸລາ ນີ້, ໃນກອງປະຊຸມສົນທະນາບໍ່ເປັນທາງການຂອງຜູ້ປະສານງານກ່ຽວກັບການລຶບບັນຊີລາຍຊື່ລົງໂທດຂອງສະພາຄວາມໝັ້ນຄົງ
ອົງ ການສະຫະປະຊາຊາດ (ສປຊ), ທ່ານ ຊຸ່ນເຫຼີຍ ຮອງຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດ ເນັ້ນໜັກວ່າ, ລະບົບການລົງ
ໂທດຂອງສະພາຄວາມໝັ້ນຄົງອົງການສະຫະປະຊາຊາດ ຕ້ອງໄດ້ຮັບການປັບປຸງໃຫ້ສົມບູນຂຶ້ນຢ່າງບໍ່ຢຸດຢັ້ງ. ທ່ານ ຊຸ່ນເຫຼີຍ ກ່າວວ່າ, ໃນ 2 ປີກ່ອນ,
ສະພາຄວາມໝັ້ນຄົງອົງການ ສປຊ ເປັນເອກະພາບກັນຜ່ານມະຕິ ໂດຍປັບປຸງພາລະບົດບາດຂອງຜູ້ປະສານງານ, ຮຽກຮ້ອງໃຫ້ສະໜອງຂໍ້ມູນທີ່ສົມ
ບູນກວ່າເກົ່າໃຫ້ແກ່ຄະນະກຳມະການລົງໂທດໃນການພິຈາລະນາການສະເໜີລຶບບັນຊີລາຍຊື່ລົງໂທດ, ເພີ່ມທະວີຄວາມໂປ່ງໃສ ແລະ ຄວາມຍຸຕິທຳ.
ຜູ້ປະສານງານຄວນປະຕິບັດໜ້າທີ່ຢ່າງພາວະວິໄສ ແລະ ຍຸຕິທຳ, ສະມາຊິກສະພາຄວາມໝັ້ນຄົງຄວນນຳໜ້າສະໜອງຂໍ້ມູນ, ເຄົາລົບຄວາມເປັນອິດ
ສະຫຼະຂອງຜູ້ປະສານງານ, ຕັ້ງໃຈພິຈາລະນາຄວາມເຫັນໃນບົດລາຍງານ.
ການລົງໂທດແມ່ນເຄື່ອງມືພິເສດທີ່ “ກົດບັດສະຫະປະຊາຊາດ” ມອບໃຫ້ສະພາຄວາມໝັ້ນຄົງ, ແຕ່ອາດຈະກະທົບເຖິງເສດຖະກິດ ແລະ ຊີວິດ
ການເປັນຢູ່ຂອງປະຊາຊົນໃນປະເທດທີ່ກ່ຽວຂ້ອງ, ບາງກົນໄກຍັງຂາດຂໍ້ກຳນົດທີ່ຈະແຈ້ງກ່ຽວກັບການລຶບບັນຊີລາຍຊື່ລົງໂທດ. ຈີນຄອງຄອຍໃຫ້ສະ
ພາຄວາມໝັ້ນຄົງອົງການ ສປຊ ຊຸກຍູ້ໃຫ້ລະບົບການລົງໂທດໄດ້ຮັບການປັບປຸງໃຫ້ສົມບູນຂຶ້ນຢ່າງບໍ່ຢຸດຢັ້ງເພື່ອຮັກສາສັນຕິພາບ ແລະ ຄວາມໝັ້ນຄົງ
ຂອງສາກົນ.
ແຫຼ່ງທີ່ມາ: ຂກທ
ວັນທີ 06/10/2026