ປະທານາທິບໍດີ ອາເມລິກາ ເຊັນຕໍ່ກຳນົດເວລາໂຈະການ
ຈັດວາງອັດຕາພາສີສຳລັບ ຈີນ ຕື່ມອີກ 90 ວັນ
ວິທະຍຸກະຈາຍສຽງຫວຽດນາມ ລາຍງານວັນທີ 11 ສິງຫາ 2025, ທ່ານ ໂດນັນ ທຣຳ ປະທານາທິບໍດີ ສະຫະລັດອາເມຣິກາ ໄດ້ເຊັນ
ລັດຖະດຳລັດວ່າດ້ວຍການຕໍ່ກຳນົດເວລາໂຈະການຈັດວາງອັດຕາພາສີສຳລັບ ຈີນ ຕື່ມອີກ 90 ວັນ, ສະກັດກັ້ນສະພາບພາສີສິນຄ້າສອງຝ່າຍ
ເພີ່ມຂຶ້ນສູງ ເມື່ອບັນດາບໍລິສັດຂາຍຍ່ອຍ ອາເມຣິກາ ພວມກະກຽມສິນຄ້າຮັບໃຊ້ໃຫ້ການຊື້ເຄື່ອງຂອງໃນຍາມທ້າຍປີ.
ຂໍ້ຕົກລົງໂຈະການຈັດວາງອັດຕາພາສີ ໄດ້ໝົດຜົນສັກສິດໃນເວລາ 00 ໂມງ 01 ນາທີ ຂອງວັນທີ 12 ສິງຫາ ຕາມເວລາເຂດຕາ ເວັນ
ອອກ ອາເມຣິກາ (ກົງກັບ 11 ໂມງ 01 ນາທີ ຕາມເວລາ ອາຊຽນ) ນັ້ນຈະໄດ້ຕໍ່ເວລາຮອດກາງເດືອນພະຈິກ, ໂດຍຮັກສາອັດຕາພາສີຄືປັດຈຸ
ບັນ ແມ່ນ 30% ສຳລັບສິນຄ້ານຳເຂົ້າຈາກ ຈີນ ແລະ 10% ສຳລັບສິນຄ້າຂອງ ອາເມຣິກາ ທີ່ນຳເຂົ້າ ຈີນ, ແທນທີ່ຈະເພີ່ມຂຶ້ນດ້ວຍອັດຕາ
145% ແລະ 125% ຕາມລຳດັບ. ທ່ານ ປະທານາທິບໍດີ ອາເມຣິກາ ກ່າວວ່າ: ທ່ານຢາກຮັກສາ “ ສາຍພົວພັນທີ່ດີ ” ກັບ ທ່ານ ສີຈິ້ນຜິງ
ປະທານປະເທດ ຈີນ.
ບັນດານັກວິເຄາະຖືວ່າ, ການກະທຳດັ່ງກ່າວ ບວກກັບປະຕິກິລິຍາຫຼຸດຜ່ອນຄວາມເຄັ່ງຕຶງຈຳນວນໜຶ່ງທີ່ໄດ້ດຳເນີນຫວ່າງມໍ່ໆມານີ້, ອາດ
ຈະເປີດທາງໃຫ້ແກ່ການພົບປະລະຫວ່າງ ທ່ານ ໂດນັນ ທຣຳ ກັບ ທ່ານ ສີ ຈີ້ນຜິງ ໃນລະດູໃບໄມ້ຫຼົ່ນນີ້.
ແຫຼ່ງທີ່ມາ: ຂກທ
ວັນທີ 14/08/2025