ທົ່ວໂລກ ມີຜູ້ເສຍຊີວິດ ຈາກອາຫານປົນເປື້ອນສານເຄມີ 1,5 ລ້ານຄົນຕໍ່ປີ
ສໍານັກຂ່າວ ຊິນຮວາ ລາຍງານໃນ ວັນທີ 10 ມິຖຸນາ ນີ້, ອົງການອະນາໄມໂລກ (WHO) ເປີດເຜີຍວ່າ: ອາຫານ ທີ່ບໍ່ມີຄວາມປອດ
ໄພ ເປັນສາເຫດໃຫ້ປະຊາກອນທົ່ວໂລກເຈັບປ່ວຍປະມານ 866 ລ້ານຄົນ ແລະ ເສຍຊີວິດສູງເຖິງ 1,5 ລ້ານຄົນຕໍ່ປີ, ໂດຍສະເພາະ ກຸ່ມ
ເດັກນ້ອຍ ທີ່ມີອາຍຸ ຕ່ຳກວ່າ 5 ປີ ມີຄວາມສ່ຽງທີ່ຈະປະເຊີນກັບພະຍາດທີ່ເກີດຈາກອາຫານ (foodborne disease) ຫຼາຍກວ່າກຸ່ມ
ເດັກນ້ອຍທີ່ມີອາຍຸ 6 ປີຂຶ້ນໄປ ແລະ ຜູ້ໃຫຍ່ເກືອບ 3 ເທົ່າ.
ເຖິງແມ່ນວ່າ ກຸ່ມເດັກນ້ອຍ ຈະມີອັດຕາສ່ວນພຽງ 9% ຂອງປະຊາກອນໂລກ, ແຕ່ຕ້ອງປະເຊີນກັບອາການເຈັບປ່ວຍ ທີ່ເກີດຈາກອາ
ຫານສູງເຖິງ 1 ໃນ 3 ຂອງຄົນເຈັບທັງໝົດ, ໂດຍສະເພາະ ພະຍາດຖອກທ້ອງຢ່າງຮຸນແຮງ. ນອກຈາກນີ້ ການໄດ້ຮັບສານເຄມີອັນຕະລາຍ
ທີ່ປົນເປື້ອນໃນອາຫານ ເຊັ່ນ: ສານປຣອດ ສ່ວນໃຫຍ່ພົບໃນຈຳພວກສານ ເມທິລເມີຣຄີວຣີ (Methylmercury) ແລະ ສານຕະກົ່ວ, ເຊິ່ງ
ເປັນສານໂລຫະໜັກ ຈາກໂຮງງານອຸດສາຫະກຳ, ຈາກກິດຈະການຂຸດຄົ້ນແຮ່ທາດ ໄຫຼລົງສູ່ແຫຼ່ງນ້ຳ, ຈາກນັ້ນ ແບກທີເຣຍໃນນ້ຳ ຈະປ່ຽນ
ແປງມັນໃຫ້ກາຍເປັນສານ ເມທິລເມີຣຄີວຣີ, ພາໃຫ້ສັດນ້ຳປົນເປື້ອນ ເມື່ອຄົນ ເຮົາຮັບປະທານສັດນ້ຳ, ອາກາດທີ່ປົນເປື້ອນສານດັ່ງກ່າວ,
ຈະສົ່ງຜົນກະທົບຕໍ່ພັດທະນາການທາງສະໝອງຂອງເດັກ, ໝາກໄຂ່ຫຼັງ ແລ້ວກໍ່ໃຫ້ເກີດບັນຫາລະບົບປະສາດ ທີ່ຕິດຕົວໄປຕະຫຼອດຊີວິດ.
ແຫຼ່ງທີ່ມາ: ຂກທ
ວັນທີ 16/06/2026