ອານບານີ ສ້າງປະຫວັດສາດແຕ່ງຕັ້ງ ລັດຖະມົນຕີ AI ຄົນທຳອິດຂອງໂລກ
ວັນທີ 15 ກັນຍາ 2025 : ທ່ານ ເອດີ ຣາມາ ນາຍົກ ລັດຖະມົນ ຕີຂອງປະເທດ ອານບານີ ໄດ້ປະກາດແຕ່ງຕັ້ງ “ ດິເອລາ ” (Diella)
ເຊິ່ງເປັນລັດຖະມົນຕີທີ່ສ້າງຂຶ້ນຈາກປັນຍາປະດິດ (AI) ເຂົ້າຮ່ວມຄະນະລັດຖະມົນຕີຢ່າງເປັນທາງການ ໂດຍ ລັດຖະມົນຕີ AI ນີ້ຈະມີໜ້າ
ທີ່ຮັບຜິດຊອບໃນການຄວບຄຸມ ແລະ ອະນຸມັດການຈັດຊື້ຈັດຈ້າງທັງໝົດຂອງລັດ.
ທ່ານ ເອດີ ຣາມາ ເປີດເຜີຍວ່າ: ການແຕ່ງຕັ້ງຄັ້ງນີ້ມີເປົ້າໝາຍເພື່ອຕ້ານການສໍ້ລາດບັງຫຼວງ, ຫຼຸດຜ່ອນການຮັບເງິນສິນບົນ, ການແຊກ
ແຊງ ແລະ ການໃຊ້ອຳນາດໃນຂັ້ນຕອນການປະມູນຂອງລັດ, ພ້ອມທັງຕັ້ງເປົ້າໝາຍໃຫ້ ອານບານີ ເປັນປະເທດທີ່ “ ປອດການສໍ້ລາດບັງຫຼວງ
100% ໃນການປະມູນ ”. “ ດິເອລາ ” ບໍ່ແມ່ນມະນຸດແທ້, ແຕ່ເປັນ “ ລັດຖະມົນຕີທຽບເທົ່າ ” ທີ່ປະກົດຢູ່ໃນໂລກດິຈິຕ໊ອນ. ເຊິ່ງກ່ອນໜ້ານີ້
ເຄີຍຖືກນຳມາໃຊ້ເປັນຜູ້ຊ່ວຍທຽບເທົ່າຢູ່ເທິງແພັດຟອມ e-Albania ເພື່ອຊ່ວຍປະຊາຊົນຍື່ນເອກະສານ ແລະ ໃຊ້ຕາປະທັບເອເລັກໂຕຣນິກ
ເພື່ອຫລຸດຂັ້ນຕອນທາງການ.
ຢ່າງໃດກໍຕາມ, ຍັງມີຄຳຖາມທີ່ຕາມມາວ່າ AI ນີ້ຈະຖືກຄວບຄຸມ ແລະ ກວດສອບແນວໃດ ເພື່ອປ້ອງກັນບໍ່ໃຫ້ມີການແຊກແຊງຈາກ
ມະນຸດ ຫຼື ຄວາມຜິດພາດຂອງລະບົບ. ຂະນະທີ່ນັກວິຈານບາງຄົນເຫັນວ່າ: ເຖິງຈະໃຊ້ Bot ແຕ່ບັນຫາການສໍ້ລາດບັງຫລວງກໍຍັງສາມາດເກີດ
ຂຶ້ນໄດ້, ພຽງແຕ່ເປັນການຍ້າຍຄວາມຮັບຜິດຊອບໄປໃຫ້ AI ແທນເທົ່ານັ້ນ.
ແຫຼ່ງທີ່ມາ: ຂກທ
ວັນທີ 19/09/2025