ໂລກຍັງຕ້ອງອາໄສການລົງທຶນເພີ່ມໃນຂະແໜງນ້ຳມັນ
ໜັງສືພິມກອງທັບ ຫວຽດນາມ ລາຍງານໃນ ວັນທີ 15 ຕຸລາ 2025 ວ່າ: ທ່ານ ໄຮແຣມ ອັນໄກ ເລຂາທິການກຸ່ມປະເທດຜູ້ສົ່ງ
ອອກນ້ຳມັນ (ໂອເປັກ) ລະບຸວ່າ: ໂລກຍັງຕ້ອງອາໄສການລົງທຶນເພີ່ມໃນຂະແໜງນ້ຳມັນ ແລະ ແກັສ ເນື່ອງຈາກນ້ຳມັນຍັງມີບົດບາດສຳ
ຄັນໃນລະບົບພະລັງງານໂລກ ໂດຍຄາດວ່າຈະກວມອັດຕາປະມານ 30% ຂອງພະລັງງານທົ່ວໂລກໄປຮອດປີ 2050.
ເລຂາທິການກຸ່ມປະເທດຜູ້ສົ່ງອອກນ້ຳມັນ ກ່າວໃນກອງປະຊຸມ ອາທິດພະລັງງານຣັດເຊຍ (Russian Energy Week) ຢູ່ນະ
ຄອນຫຼວງມົດສະກູ ວ່າ: ການຂະຫຍາຍຕົວຂອງເສດຖະກິດ, ການເພີ່ມຂຶ້ນຂອງປະຊາກອນ ແລະ ຂະບວນການຂະຫຍາຍເມືອງທົ່ວໂລກ
ລ້ວນສະທ້ອນວ່າ: ຄວາມຕ້ອງການພະລັງງານຈະຫລາຍກວ່າການນຳໃຊ້ຢູ່ໃນປັດຈຸບັນ, ພ້ອມປະເມີນວ່າ: ຄວາມຕ້ອງການພະລັງງານຂັ້ນ
ຕົ້ນທົ່ວໂລກຈະເພີ່ມຂຶ້ນເຖິງ 23% ໃນປີ 2050. ທ່ານ ກ່າວອີກວ່າ: ເຖິງວ່າສະຖານະການໂລກຈະເຕັມໄປດ້ວຍຄວາມປັ່ນປ່ວນ, ແຕ່
ໂອເປັກຍັງຍືດໝັ້ນໃນແນວທາງການວິເຄາະຂໍ້ມູນຢ່າງຮອບດ້ານ ແລະ ມີຄວາມເປັນມືອາຊີບ ເພື່ອຕີລາຄາທ່າອ່ຽງຕະຫຼາດຢ່າງແນ່ນອນ.
ທັງນີ້, ການຄາດຄະເນຂອງໂອເປັກຢູ່ໃນລະດັບສູງກວ່າຫຼາຍໜ່ວຍງານເຊັ່ນ: ສຳນັກງານພະລັງງານສາກົນ (IEA) ເຊິ່ງປະເມີນວ່າ:
ຄວາມຕ້ອງການນ້ຳມັນທົ່ວໂລກຈະເຖິງຈຸດສູງສຸດໃນປີ 2029 ແລະ ອາດເກີດສະພາບນ້ຳມັນລົ້ນຕະຫຼາດສູງເຖິງ 635,9 ລິດຕໍ່ວັນພາຍ
ໃນປີ 2026. ຂະນະດຽວກັນ, ກຸ່ມໂອເປັກພລັສ (OPEC+) ລວມທັງຣັດເຊຍ ແລະ ປະເທດພັນທະມິດ ໄດ້ເພີ່ມປະລິມານນ້ຳມັນໃນ
ຕະຫຼາດ ຫຼັງສະມາຊິກບາງປະເທດຕັດສິນໃຈຫຼຸດຂໍ້ຈຳກັດການຜະລິດໄວກວ່າກຳນົດ, ການເພີ່ມອຸປະທານດັ່ງກ່າວສ້າງຄວາມກັງວົນວ່າ
ອາດນຳໄປສູ່ສະພາບນ້ຳມັນລົ້ນຕະຫຼາດ ແລະ ສົ່ງຜົນກົດ ດັນຕໍ່ລາຄານ້ຳມັນໃນປີນີ້.
ແຫຼ່ງທີ່ມາ: ຂກທ
ວັນທີ 20/10/2025