ບົດບັນທຶກຄວາມເຂົ້າໃຈລະຫວ່າງ ອາເມຣິກາ-ອີຣານ ມີຜົນບັງຄັບໃຊ້
ວັນທີ 19 ມິຖຸນາ ນີ້, ອາເມຣິກາ ແລະ ອີຣານ ໄດ້ເຊັນບົດບັນທຶກຄວາມເຂົ້າໃຈໂດຍຜ່ານຮູບແບບທາງໄກ. ເຈົ້າໜ້າທີ່ອາເມຣິກາ ກ່າວວ່າ:
ເອກະສານດັ່ງກ່າວລົງນາມໂດຍ ປະທານາທິບໍດີ ອາເມຣິກາ ແລະ ອີຣານ ເລີ່ມມີຜົນບັງຄັບໃຊ້ແລ້ວ.
ທ່ານ ອິດເມວ ບາກາອີ ໂຄສົກກະຊວງການຕ່າງປະເທດ ອີຣານ ກ່າວວ່າ: ນັບແຕ່ບົດບັນທຶກຄວາມເຂົ້າໃຈເລີ່ມມີຜົນບັງຄັບໃຊ້, ຈະດຳ
ເນີນການເຈລະຈາກ່ຽວກັບບັນຫານິວເຄລຍ ແລະ ບັນຫາການລົງໂທດ ໃຫ້ສໍາເລັດພາຍໃນ 60 ວັນ. ກ່ອນການລົງນາມຄັ້ງນີ້, ອາເມຣິກາ ແລະ
ອີຣານ ໄດ້ເຜີຍແຜ່ເນື້ອໃນທາງການຂອງບົດບັນທຶກຄວາມເຂົ້າໃຈລະຫວ່າງສອງຝ່າຍ, ກ່ຽວກັບບັນຫານິວເຄລຍຂອງອີຣານ ທີ່ວົງການພາຍນອກ
ໃຫ້ຄວາມສົນໃຈໂດຍທົ່ວໄປນັ້ນ, ເນື້ອໃນເອກະສານສະແດງໃຫ້ເຫັນວ່າ: ຊ່ອງແຄບຮໍມູສໄດ້ກັບມາເປີດໃຫ້ມີການເດີນເຮືອອີກຄັ້ງ; ອີຣານ ກ່າວ
ຢ້ຳວ່າ ຈະບໍ່ຄອບຄອງ ຫຼື ບໍ່ຄົ້ນຄວ້າຜະລິດອາວຸດນິວເຄລຍ, ສອງຝ່າຍເຫັນດີເຮັດໃຫ້ຄວາມຂຸ້ນຂອງຢູເຣນຽມ ຂອງອີຣານ ຈາງລົງ ພາຍໃຕ້ການ
ຕິດຕາມຂອງອົງການພະລັງງານປະລະມານູສາກົນ.
ແຫຼ່ງທີ່ມາ: ຂກທ
ວັນທີ 22/06/2026