ປາແລັດສະຕິນ ປະກາດແຜນການສ້າງເຂດ ກາຊາ ຄືນໃໝ່
ວັນທີ 19 ຕຸລາ ນີ້ວ່າ 65 ຕື້ ໂດລາສະຫະລັດ ແມ່ນງົບປະມານທັງໝົດທີ່ຕ້ອງການ ເພື່ອສ້າງເຂດ ກາຊາ ຄືນໃໝ່. ນີ້ແມ່ນຕົວເລກ
ທີ່ລະບຸໃນແຜນການໂດຍ ທ່ານ ໂມຮຳເມັດ ມູສະຕາຟາ ນາຍົກລັດຖະມົນຕີ ອຳນາດການປົກຄອງ ປາແລັດສະຕິນ (PA) ໄດ້ເປີດເຜີຍໃນ
ການພົບປະກັບເຈົ້າໜ້າທີ່ ສປຊ ແລະ ວົງການຕານຸທູດຢູ່ ຣາມານລາ ໃນວັນທີ 16 ຕຸລາ ທີ່ຜ່ານມາ.
ທ່ານ ມູສະຕາຟາ ໃຫ້ຮູ້ວ່າ: ແຜນການ 5 ປີ ທີ່ໄດ້ຮັບການກໍ່ ສ້າງຂຶ້ນນັ້ນ ລວມມີ 3 ໄລຍະ, ກວມເອົາ 18 ຂົງເຂດ ນັບແຕ່ເຮືອນ
ຢູ່ອາໄສ, ການສຶກສາຕະຫຼອດຮອດການຄຸ້ມຄອງບໍລິຫານ. ຕາມນັ້ນແລ້ວ, ກາຊາ ຈະໄດ້ຮັບການກໍ່ສ້າງຄືນໃໝ່ໃຫ້ກາຍເປັນ “ເຂດດິນ
ແດນເປີດກວ້າງ, ເຊື່ອມຕໍ່ ແລະ ວັດທະນາຖາວອນຂອງລັດ ປາແລັດສະຕິນ”. ແຜນການສ້າງເຂດຄືນໃໝ່ ມຸ່ງໄປເຖິງການເປີດທາງໃຫ້
ແກ່ອຳນາດການປົກຄອງ ປາແລັດສະຕິນເອກະພາບ, ປັບປຸງຄວາມເປັນເອກະພາບດ້ານການເມືອງ ແລະ ດິນແດນລະຫວ່າງ ກາຊາ ແລະ
ຝັ່ງຕາເວັນຕົກແມ່ນ້ຳຊອກດານີ.
ນີ້ແມ່ນການກະທຳທີ່ໜ້າສົນໃຈ ເມື່ອ PA ເສຍບົດບາດຄຸ້ມຄອງເຂດ ກາຊາ ແຕ່ປີ 2007, ພາຍຫຼັງທີ່ຂະບວນການ ຮາມາດສ ຢຶດ
ເອົາສິດຄວບຄຸມເຂດດິນແດນນີ້. ທ່ານ ມູສະຕາຟາ ຢັ້ງຢືນວ່າ: PA ຈະເຄື່ອນໄຫວຢູ່ເຂດ ກາຊາ ຄືນໃໝ່ ພາຍໃນເວລາ 12 ເດືອນ.
ແຫຼ່ງທີ່ມາ: ຂກທ
ວັນທີ 22/10/2025