ບັນດາປະເທດ EU ຕົກລົງເປັນເອກະພາບຢຸດຕິ
ການນຳເຂົ້າອາຍແກັດຈາກ ຣັດເຊຍ ໃນທ້າຍປີ 2027
ວັນທີ 20 ຕຸລາ ນີ້ ບັນດາປະເທດສະມາຊິກສະຫະພາບເອີຣົບ (EU) ໄດ້ຕົກລົງເປັນເອກະພາບຢຸດຕິການນຳເຂົ້າອາຍແກັດຈາກ ຣັດ
ເຊຍ ໃນທ້າຍປີ 2027, ພ້ອມທັງຢຸດຕິການຂຶ້ນກັບພະລັງງານຂອງ ຣັດເຊຍ ໃນສະພາບການສົງຄາມຢູ່ ອູແກຼນ ພວມແກ່ຍາວ. ໃນການ
ປະຊຸມຢູ່ ລຸກຊຳບວກ, ບັນດາລັດຖະມົນຕີກະຊວງພະລັງງານຂອງ EU ໄດ້ຮັບຮອງເອົາແຜນການຂອງຄະນະກຳມະການເອີຣົບ (EC) ເພື່ອ
ແນໃສ່ປັດເຂ່ຍແຫຼ່ງສະໜອງອາຍແກັດຂອງ ຣັດເຊຍ. ເຖິງຢ່າງໃດກໍຕາມ, ຂໍ້ຕົກລົງດັ່ງກ່າວຕ້ອງມີການໃຫ້ສັດຕະຍາບັນຂອງລັດຖະສະພາ
ເອີຣົບ (EP). ດານມາກ ເປັນປະເທດທີ່ດຳ ລົງບົດບາດເປັນປະທານໝູນ ວຽນ EU ຮອດທ້າຍປີ 2025, ຫວັງວ່າ EP ຈະຮັບຮອງເອົາຂໍ້
ຕົກລົງນີ້ ກ່ອນປີໃໝ່. EU ຢາກຜ່ານການຢຸດຕິຊື້ອາຍແກັດຂອງ ຣັດເຊຍ ເພື່ອສະກັດກັ້ນແຫຼ່ງການເງິນສຳຄັນຂອງປະເທດນີ້. ໃນ EU ມີ
2 ປະເທດຄື: ສະໂລວາກີ ແລະ ຮົງກາຣີ ແມ່ນຂຶ້ນກັບແຫຼ່ງອາຍແກັດ ຣັດເຊຍ ຫຼາຍທີ່ສຸດ ແລະ ຄັດຄ້ານມາດຕະການນີ້ ແຕ່ປັດຈຸບັນ ຍາກ
ທີ່ຈະປະຕິເສດຄວາມຕັດສິນໃຈລວມຂອງທັງກຸ່ມນີ້ໄດ້.
ແຫຼ່ງທີ່ມາ: ຂກທ
ວັນທີ 23/10/2025