ກຳປູເຈຍ ຂຶ້ນຄ່າແຮງງານຂັ້ນຕ່ຳ ຈາກ 208 ໂດລາ ເປັນ 210 ໂດລາ
ວັນທີ 23 ກັນຍາ 2025 ທ່ານ ຮຸນມາເນດ ນາຍົກລັດຖະມົນຕີ ກຳປູເຈຍ ເປີດເຜີຍໃນສື່ສັງຄົມອອນລາຍຂອງຕົນວ່າ: ກຳປູເຈຍໄດ້ປັບ
ຂຶ້ນຄ່າແຮງງານຂັ້ນຕ່ຳປະຈຳປີ 2026 ຂອງປະເທດ ເພີ່ມຂຶ້ນຈາກ 208 ໂດລາ ເປັນ 210 ໂດລາ ໃຫ້ແກ່ຄົນງານໃນຂະແໜງຕ່ຳແຜ່ນ, ເຄື່ອງ
ນຸ່ງຫົ່ມ, ເກີບ, ສິນຄ້າສຳລັບການເດີນທາງ ແລະ ກະເປົາ.
ນອກຈາກການເພີ່ມຄ່າແຮງງານຂັ້ນຕ່ຳຕໍ່ເດືອນແລ້ວ, ແຮງງານໃນ ກຳປູເຈຍ ຍັງຈະໄດ້ຮັບສະຫວັດດີການປະຈຳເດືອນຕື່ມອີກເຊັ່ນ: ເງິນ
ໂບນັດ 10 ໂດລາຕໍ່ເດືອນ, ສຳລັບການມາເຮັດວຽກເປັນປົກກະຕິ, ເງິນຊ່ວຍເຫຼືອຄ່າເດີນທາງ ແລະ ຄ່າເຊົ່າບ່ອນຢູ່ອາໄສ 7 ໂດລາຕໍ່ເດືອນ
ແລະ ເງິນອຸດໜູນຕາມອາຍຸການ 2-11 ໂດລາຕໍ່ເດືອນ. ກະຊວງແຮງງານ ແລະ ການເຝິກອົບຮົມວິຊາຊີບຂອງກຳປູເຈຍ ລະບຸວ່າ:ອຸດສາຫະກຳ
ຕັດຫຍິບ, ເກີບ, ສິນຄ້າສຳລັບການເດີນທາງ ມີໂຮງງານທັງໝົດ 1.500 ກວ່າແຫ່ງ ແລະ ມີກຳມະກອນປະມານ 900.000 ຄົນ, ຖືເປັນແຫຼ່ງ
ລາຍຮັບເງິນຕາຕ່າງປະເທດໃຫຍ່ທີ່ສຸດຂອງປະເທດ. ຂະນະດຽວກັນ, ກົມພາສີ ແລະ ອາກອນຂອງ ກຳປູເຈຍ ເປີດເຜີຍໃຫ້ຮູ້ຕື່ມອີກວ່າ: ກຳປູ
ເຈຍ ສົ່ງອອກສິນຄ້າໃນຂະແໜງນີ້ ມູນຄ່າ 7,62 ຕື້ໂດລາ, ແຕ່ ເດືອນ ມັງກອນ ຫາ ເດືອນ ມິຖຸນາ ປີ 2025, ເພີ່ມຂຶ້ນ 22% ຈາກ 6,24
ຕື້ໂດລາ ໃນໄລຍະດຽວກັນຂອງປີກາຍ.
ແຫຼ່ງທີ່ມາ: ຂກທ
ວັນທີ 24/09/2025