ກອງປະຊຸມສິ່ງແວດລ້ອມ ຄັ້ງທີ 5 ຂອງອົງການ ສປຊ ໄດ້ຜ່ານມະຕິ
ໃຫ້ບັນລຸສັນຍາການຈຳກັດເຄື່ອງຢາງ ໃນປີ 2024
ກອງປະຊຸມສິ່ງແວດລ້ອມ ຄັ້ງທີ 5 ຂອງອົງການ ສປຊ
ສໍານັກຂ່າວ ຊິນຮ່ວາ ລາຍງານໃນ ວັນທີ 04 ມີນາ ນີ້ວ່າ: ໃນວັນທີ 2 ມີນາ ທີ່ຜ່ານມານີ້, ກອງປະຊຸມເທື່ອທີ 2 ເຊິ່ງແມ່ນ ກອງປະຊຸມປຶກສາຫາລື
ກ່ຽວກັບບັນຫາສິ່ງແວດລ້ອມຄັ້ງທີ 5 ຂອງອົງການ ສປຊ ໄດ້ອັດລົງຢ່າງເປັນທາງການ ເຊິ່ງໄດ້ຈັດຂຶ້ນທີ່ນະຄອນຫຼວງ ໄນໂຣບີ ປະເທດເຄັນຢາ, ຜູ້ຕາງໜ້າ
ປະເທດ ຕ່າງໆທີ່ເຂົ້າຮ່ວມກອງປະຊຸມໄດ້ເຫັນດີໃຫ້ບັນລຸສັນຍາສາກົນໃນປີ 2024 ເພື່ອແກ້ໄຂບັນຫາມົນລະພິດທີ່ເກີດຈາກຢາງປລາສຕິກໃນໂລກ. ທ່ານ
ອິນເກີ ອັນເດີເຊັນ ຫົວໜ້າບໍລິຫານງານອົງການສິ່ງແວດລ້ອມ ສປຊ ທັງເປັນຮອງເລຂາທິການໃຫຍ່ອົງການ ສປຊ ກ່າວວ່າ: ນີ້ຈະເປັນສັນຍາສາກົນຫຼາຍ
ຝ່າຍທີ່ສຳຄັນກ່ຽວກັບສິ່ງແວດລ້ອມຫຼັງຈາກ “ສັນຍາ ປາຣີ”.
ຜູ້ຕາງໜ້າຈາກ 175 ປະເທດ ແລະ ອົງການຈັດຕັ້ງຂອງອົງການ ສປຊ ໄດ້ລົງຄະແນນສຽງຮັບຮອງຜ່ານມະຕິດັ່ງກ່າວຢູ່ສຳນັກງານໃຫຍ່ອົງການ ສປຊ
ທີ່ນະຄອນຫຼວງ ໄນໂຣບີ ປະເທດ ເຄັນຢາ ໂດຍເຫັນດີໃຫ້ຫຼຸດ ແລະ ຢຸດ ຕິການນຳໃຊ້ຜະລິດຕະພັນ ຢາງປລາສຕິກ ໃຫ້ໜ້ອຍລົງເປັນກ້າວໆຈົນບັນລຸຜົນ.
ໂຄສົກຂອງອົງການສິ່ງແວດລ້ອມອົງການ ສປຊ ກ່າວວ່າ: ປັດຈຸບັນ, ທຸກປີມີມົນລະພິດທີ່ເກີດຈາກຢາງປລາສຕິກ ໃນທົ່ວໂລກຫຼາຍເຖິງ 400 ລ້ານ
ໂຕນ, ຖ້າເປັນແນວນີ້ຕໍ່ໄປອີກ, ຕົວເລກນີ້ຈະເພີ່ມຂຶ້ນໜຶ່ງເທົ່າໂຕເມື່ອຮອດປີ 2040.
ແຫຼ່ງທີ່ມາ: ໜັງສືພິມ ກອງທັບ
ວັນທີ 09/03/2022