ເຢຍລະມັນ ມີຄວາມຫວັງເພື່ອໃຫ້ຄວາມເຄັ່ງຕຶງ ລະຫວ່າງ ຣັດເຊຍ-ອູແກຣນ ຜ່ອນຄາຍລົງ
ທ່ານ ໂອລາຟ ໂຊນ ນາຍົກລັດຖະມົນຕີ ເຢຍລະມັນ
ສໍານັກຂ່າວ ຊິນຮ່ວາ ໃຫ້ຮູ້ ວ່າ: ວັນທີ 14-15 ກຸມພາ ນີ້, ທ່ານ ໂອ ລາຟ ໂຊນ ນາຍົກລັດຖະມົນຕີ ເຢຍລະມັນ ໄດ້ເດີນທາງໄປຢ້ຽມຢາມ ອູແກຣນ
ແລະ ຣັດເຊຍ ເພື່ອເຈລະຈາກັບ ທ່ານ ວະລາດີເມຍ ເຊເລນສະກີ ປະທານາທິບໍດີ ອູແກຣນ ແລະ ທ່ານ ວະລາດີເມຍ ປູຕີນ ປະທານາທິບໍດີ ຣັດເຊຍ ໂດຍ
ຫວັງຢາກຜ່ອນຄາຍສະຖານະການຄວາມເຄັ່ງຕຶງຂອງພາກພື້ນໃນສະເພາະໜ້ານີ້ ໂດຍຜ່ານວິທີທາງການທູດ.
ຝ່າຍ ອູແກຣນ ແມ່ນມີຄວາມຫວັງສູງຕໍ່ການຢ້ຽມຢາມຂອງ ທ່ານ ໂອລາຟ ໂຊນ ໃນເທື່ອນີ້ ໂດຍເຫັນວ່າການພົວພັນສອງຝ່າຍຈະເປັນໂສມໜ້າປະ
ຫວັດສາດອັນໃໝ່. ມາຮອດປັດຈຸບັນ, ທ່ານ ໂອລາຟ ໂຊນ ໄດ້ຍຶດໝັ້ນໃນຫຼັກການທີ່ວ່າ, ເຢຍລະມັນຈະບໍ່ສະໜອງອາວຸດໃຫ້ອູແກຣນມາໂດຍຕະຫຼອດ.
ສ່ວນຝ່າຍ ຣັດເຊຍ ໄດ້ຮຽກຮ້ອງໃຫ້ກຸ່ມນາໂຕຢຸດຕິການຂະຫຍາຍສະມາຊິກຢູ່ທິດຕາເວັນອອກ, ໂດຍສະເພາະແມ່ນບໍ່ໃຫ້ຮັບເອົາ ອູແກຣນ ເຂົ້າຮ່ວມກຸ່ມ
ນາໂຕ.
ແຫຼ່ງທີ່ມາ: ໜັງສືພິມ ກອງທັບ
ວັນທີ 16/02/2022