ການາດາ ສົ່ງກຳປັນແລ່ນຜ່ານຊ່ອງແຄບ ໃຕ້ຫວັນ
ສໍານັກຂ່າວ AFP ລາຍງານ ວັນທີ 12 ກັນຍາ 2019 ວ່າ: ກຳປັນ ຟຣິເກດເອເອັມຊີເອອອດຕາວາ ຂອງ ການາດາ ໄດ້ແລ່ນຜ່ານຊ່ອງແຄບໃຕ້ຫວັນ ເມື່ອວັນຈັນ ແລະ
ວັນອັງຄານທີ່ຜ່ານມາ.
ກະຊວງປ້ອງກັນປະເທດຂອງ ການາດາ ໄດ້ອອກມາຖະແຫຼງຕໍ່ເຫດດັ່ງກ່່າວວ່າ: ສາເຫດທີ່ເລືອກເສັ້ນທາງນີ້ ເພາະເປັນເສັ້ນທາງທີ່ເໝາະສົມທີ່ສຸດໃນການປະຕິບັດຕາມ
ມາດຕາການຂວໍ້າບາດໃນອາຊີຕາເວັນອອກສ່ຽງເໜືອຂອງຄະນະຄວາມໝັ້ນຄົງແຫ່ງ ສະຫະປະຊາຊາດ ແລະ ການມີປະຕິສໍາພັນກັບອາຊີຕາເວັນອອກສ່ຽງໃຕ້, ກອງທັບເຮືອ
ການາດາ ບໍ່ໄດ້ເຮັດໃນສິ່ງທີ່ເອີ້ນວ່າປະຕິບັດ ການເສລີພາບໃນການເດີນກຳປັນ ເພື່ອທ້າທາຍການອ້າງສິດທິເໜືອດິນແດນຕ່າງໆຂອງປະເທດອື່ນ ແລະ ເຮັດຕາມກອບກົດ
ໝາຍສາກົນ. ລວມໄປເຖິງອານຸສັນຍາສະຫະປະຊາຊາດວ່າດ້ວຍກົດໝາຍ ທາງທະເລ. ກຳປັນຂອງ ການາດາ ສອງລຳເຄີຍແລ່ນຜ່ານຊ່ອງແຄບໃຕ້ຫວັນມາແລ້ວໜຶ່ງຄັ້ງ
ເມື່ອເດືອນ ມິຖຸນາ ທີ່ຜ່ານມາ.
ທາງດ້ານກະຊວງການຕ່າງປະເທດຂອງ ຈີນ ໄດ້ອອກມາຖະແຫຼງວ່າ: ຈີນ ໄດ້ຄັດຄ້ານຖ້າຫາກກຳປັນຕ່າງຊາດແລ່ນຜ່ານຊ່ອງແຄບໃຕ້ຫວັນຕາມປົກກະຕິ. ແຕ່ບໍ່ຮູ້ວ່າ
ການາດາ ມີຈຸດປະສົງພິເສດໃດຈຶ່ງໄດ້ປະກາດເລື່ອງດັ່ງກ່າວໃຫ້ເປັນເລື່ອງໃຫຍ່ ແລະ ຫວັງວ່າທາງການ ການາດາ ຈະດຳເນີນການຢ່າງເປັນຮູບປະທໍາເພື່ອສະແດງໃຫ້ເຫັນ
ເຖິງເຈດຈໍານົງທີ່ແທ້ຈິງຕໍ່ຈີນ.