ທະນາຄານໂລກເຕືອນ ກຸ່ມເສດຖະສາດທີ່ຈະເລີນໃໝ່
ຈະປະເຊີນກັບຄວາມສ່ຽງດ້ານການທະນາຄານທີ່ຮ້າຍແຮງ
ທ່ານ ເດວິດ ມາວປາສ ຜູ້ວ່າການທະນາຄານໂລກ
ຫວ່າງມໍ່ໆມານີ້, ທະນາຄານໂລກ ໄດ້ປະກາດບົດລາຍງານ ໂດຍໄດ້ລະບຸວ່າ: ການແຜ່ລະບາດຂອງພະຍາດໂຄວິດ-19 ແລະ ໜີ້ສິນ ທີ່ຍັງບໍ່ໄດ້ເປີດ
ເຜີຍ ພວມເຮັດໃຫ້ກຸ່ມເສດຖະກິດທີ່ຈະເລີນໃໝ່ປະເຊີນໜ້າກັບຄວາມສ່ຽງທີ່ການທະນາຄານມີຄວາມອ່ອນແອຮ້າຍແຮງຂຶ້ນຕື່ມ, ກຸ່ມເສດຖະກິດທີ່ພັດ
ທະນາແລ້ວຄວນຢຸດຕິການປະຕິບັດນະໂຍບາຍກະຕຸ້ນເສດຖະກິດຂະໜາດໃຫຍ່ດ້ວຍຮູບແບບລະມັດລະວັງ ເພື່ອຫຼີກເວັ້ນບໍ່ໃຫ້ເກີດມີສະພາບປັ່ນປ່ວນ
ຢູ່ທົ່ວໂລກ.
“ບົດລາຍງານການພັດທະນາໂລກ 2022 ວ່າດ້ວຍ ການທະນາຄານທີ່ສະໜັບສະໜູນການຟື້ນຟູຢ່າງຍຸດຕິທຳ” ທີ່ປະກາດ ໂດຍທະນາຄານໂລກໄດ້
ຊີ້ໃຫ້ເຫັນວ່າ: ລັດຖະບານປະເທດຕ່າງໆ ຕ້ອງຊອກໃຫ້ເຫັນຄວາມສ່ຽງດ້ານການທະນາຄານໂດຍໄວ, ສຳລັບກຸ່ມເສດຖະກິດທີ່ຈະເລີນໃໝ່ຕ້ອງເອົາໃຈ
ໃສ່ສ້າງພາກສ່ວນການທະນາຄານທີ່ປອດໃສກວ່າເກົ່າ.
ທ່ານ ເດວິດ ມາວປາສ ຜູ້ວ່າການທະນາຄານໂລກຊີ້ອອກວ່າ: ຍ້ອນໄດ້ຮັບຜົນກະທົບຈາກຄວາມອ່ອນແອດ້ານການທະນາຄານ, ຄວາມສ່ຽງກ່ຽວ
ກັບວິກິດການໄພເງິນເຟີ້ ແລະ ວິກິດການອັດຕາດອກເບ້ຍເພີ່ມຂຶ້ນອາດຈະຂະຫຍາຍກວ້າງອອກ. ສະພາບແວດລ້ອມດ້ານການທະນາຄານທົ່ວໂລກຄ່ອຍໆ
ຮັດກຸມ ພ້ອມທັງຕະຫຼາດໜີ້ສິນຂອງກຸ່ມເສດຖະກິດທີ່ຈະເລີນໃໝ່ຈຳນວນຫຼາຍອ່ອນແອພວມສົ່ງຜົນກະທົບຕໍ່ການຟື້ນຟູເສດຖະກິດ.
ແຫຼ່ງທີ່ມາ: ໜັງສືພິມ ກອງທັບ
ວັນທີ 21/02/2022