ຈີນ, ລາວ, ມຽນມາ ແລະ ໄທ ສຳເລັດການ ລາດຕະເວນຮ່ວມກັນຕາມລ້ອງແມ່ນ້ຳຂອງ ຄັ້ງທີ 90
ສໍານັກຂ່າວ ຊິນຮວ່າ ລາຍງານໃນວັນທີ 22 ມັງກອນ ນີ້ວ່າ: ເຮືອປະຕິບັດກົດໝາຍຈີນ 3 ລໍາ ທີ່ເຂົ້າຮ່ວມລາດຕະເວນຕາມລ້ອງແມ່ນ້ຳຂອງລະຫວ່າງ ຈີນ, ລາວ,
ມຽນມາ ແລະ ໄທ ຄັ້ງທີ 90 ໄດ້ກັບຄືນເຖິງທ່າເຮືອ ກ່ວນເຫຼີຍ ຂອງ ຈີນ.
ພະແນກປ້ອງກັນຄວາມສະຫງົບ ແຂວງ ຢຸນນານ ຈີນ ໄດ້ໃຫ້ລາຍລະອຽດວ່າ: ການປະຕິບັດງານຄັ້ງນີ້ໄດ້ໃຊ້ເວລາ 6 ວັນ 5 ຄືນ, ເດີນທາງ 748 ກິໂລແມັດ ເຊິ່ງມີ
ເຮືອເຂົ້າຮ່ວມ ໝາຍ 6 ລໍາ, ມີເຈົ້າໜ້າທີ່ 129 ຄົນ, ເຄື່ອນໄຫວຢູ່ເຂດສາມຫຼຽມຄຳຂອງລ້ອງແມ່ນ້ຳຂອງ, ບ້ານ ຊຽງກົງ ປະເທດ ລາວ ແລະ ເຂດນ້ຳອື່ນໆ. ໂດຍໄດ້ສຳ
ຫຼວດກວດກາຮ່ວມກັນທາງນ້ຳ ແລະ ທາງບົກ, ເຝິກແອບທາງເຮືອຮ່ວມກັນ, ພ້ອມທັງໂຄສະນາຕ້ານການຄ້າຂາຍເຖື່ອນ, ຢາເສບຕິດ ແລະ ອື່ນໆ. ແນ່ໃສເຮັດໃຫ້ຂອບ
ເຂດດັ່ງກ່າວເປັນເຂດສັນຕິພາບ, ມີຄວາມສະຫງົບ.