ອີຣານ ທົດລອງຂີປະນາວຸດທາງທະເລລຸ້ນໃໝ່
ຂີປະນາວຸດທາງທະເລລຸ້ນໃໝ່ຂອງ ອີຮານ
ສຳນັກຂ່າວເອພີ ລາຍງານ ໃນວັນທີ 28 ກັນຍາ 2020 ວ່າ: ຂີປະນາວຸດ ຊໍຟາກາ ບາຊີ ທີ່ພັດທະນາເພື່ອສົງຄາມທາງທະເລ ໂດຍສະເພາະຈາກເດີມເປັນຂີປະນາວຸດ
ແບບພື້ນດິນສູ່ພື້ນດິນທີ່ມີໄລຍະຍິງໄກກວ່າສອງເທົ່າຂອງຂີປະນາວຸດລຸ້ນອື່ນໆ ຂອງກອງກໍາລັງພິທັກ ອີຣານ ເຊັ່ນ: ລຸ້ນຮໍມຸດ-2 ທີ່ມີໄລຍະຍິງໄກ 300 ກິໂລແມັດ.
ຂີປະນາວຸດລຸ້ນໃໝ່ນີ້ແມ່ນໄດ້ເປີດຕົວເມື່ອ ວັນທີ 27 ກັນຍາ ຢູ່ທີ່ສຳນັກງານ ອົງການອາວະກາດແຫ່ງຊາດໃນນະຄອນເຕເຮຣານ ໂດຍໄດ້ໃຫ້ຂໍ້ມູນວ່າ: ນີ້ແມ່ນບາດ
ກ້າວອັນສໍາຄັນທີ່ສະແດງໃຫ້ເຫັນເຖິງແຜນການປັບປຸງລະບົບປ້ອງກັນຊາດຂອງ ອີຣານ.
ການເປີດຕົວຂີປະນາວຸດ ຊໍຟາກາ ບາຊີ ນີ້ມີຂຶ້ນພຽງໜຶ່ງອາທິດພາຍຫຼັງກອງທັບເຮືອ ສະຫະລັດອາເມຣິກາສົ່ງກອງເຮືອບັນທຸກເຄື່ອງບິນແລ່ນຜ່ານຊ່ອງແຄບ ຍຸດທະ
ສາດຮໍມຸດ. ຈາກນັ້ນກອງກໍາລັງພິທັກ ອີຣານ ໄດ້ເປີດຖານທັບເຮືອແຫ່ງໃໝ່ໃກ້ກັບຊ່ອງແຄບຮໍມຸດ ທີ່ເປັນເສັ້ນທາງຜ່ານສໍາຄັນຂອງເຮືອບັນທຸກນ້ໍາມັນ 1 ໃນ 5 ຂອງໂລກ.