ຫວຽດນາມ ເຊັນສັນຍາຊື້ຍົນຝຶກແອບຈາກ ສາທາລະນະລັດ ເຊັກ
ຍົນຝຶກແອບລຸ້ນ L-39NG
ອີງຕາມການລາຍງານຂອງສໍານັກຂ່າວເຈມ ໂດຍອ້າງຂໍ້ມູນຈາກ ບໍລິສັດ OMNIPOL ຂອງ ສາທາລະນະລັດ ເຊັກ ເປີດເຜີຍວ່າ: ຫວຽດນາມ ໄດ້
ເຊັນສັນຍາຊື້ຍົນເຝິກແອບລຸ້ນ L-39NG ຈໍານວນ 12 ລໍາ ໃນສັນຍານັ້ນ ໄດ້ລວມໄປເຖິງເຄື່ອງອາໄຫຼ່, ອຸປະກອນໃນການເຝິກ ແລະ ອຸປະກອນສະໜັບ
ສະໜູນຕ່າງໆ ທີ່ຜະລິດໂດຍບໍລິສັດ Aero Vodochody AEROSPACE ຂອງ ສາທາລະນະລັດ ເຊັກ ເຊິ່ງເປັນບໍລິສັດສາຂາຂອງບໍລິສັດ ໃຫຍ່
ເຊັ່ນ: OMNIPOL ເຊິ່ງມີກໍານົດສົ່ງ-ມອບລະຫວ່າງປີ 2023-2024.
ຍົນເຝິກແອບລຸ້ນ L-39NG ໄດ້ຮັບການເປີດຕົວໃນ ເດືອນ ຕຸລາປີ 2018 ແລະ ຫາກໍສໍາເລັດ ການທົດສອບບິນໃນ ປີ 2020, ຍົນລຸ້ນນີ້ໄດ້ຮັບ
ການພັດທະນາຕໍ່ຈາກ ຍົນລຸ້ນ L-39 Albatross ເຊິ່ງມີການໃຊ້ງານມາແລ້ວຫຼາຍສິບປີໃນຫຼາຍໆປະເທດທົ່ວໂລກ, ເຊິ່ງ ຫວຽດນາມ ກໍມີປະຈໍາການ ໃນ
ກອງທັບອາກາດເຊັ່ນ: ລຸ້ນ L-39 ,ລຸ້ນ L-39C.