ກໍາປັ່ນໂຮງໝໍຂອງກອງທັບເຮືອ ລັດເຊຍ ມີຄວາມທັນສະໄໝ ສາມາດຮັບຄົນເຈັບໄດ້ 1.000 ຄົນ
ຂ່າວຈາກ QDND Online ໃຫ້ຮູ້ວ່າ: ໂຄງການກໍາປັ່ນໂຮງໝໍຄົ້ນຄວ້າ ແລະ ພັດທະນາ ໂດຍພະແນກອອກແບບ ແລະ ການຜະລິດຂອງ Neva
ທີ່ເມືອງ ເຊັນປີເຕີສະເບີກ ( Saint-Petersburg ) ກຳປັ່ນມີຄຸນລັກສະນະທີ່ຄ່ອງແຄ້ວ, ເປັນກໍາປັ່ນຮັບໃຊ້ໃນການປິ່ນປົວສຸຂະພາບທາງທະຫານ ແລະ
ພົນລະເຮືອນທາງທະເລ, ກໍາປັ່ນນີ້ຈະປະຕິບັດພາລະກິດຕ່າງໆ ທາງທະເລ ເຊິ່ງຈະປະຈໍາການຢູ່ໃນເຂດມະຫາ ສະໝຸດອາກຕິກ, ນຳໃຊ້ຂົນສົ່ງໃຫ້ແກ່ກອງ
ທັບເຮືອ.
ນັກອອກແບບກ່າວວ່າ: ໂຄງການຜະລິດກໍາປັ່ນໂຮງໝໍຂະໜາດໃຫຍ່ນີ້ ມີໜ້າທີ່ເພື່ອດຳເນີນງານດ້ານມະນຸດສະທຳ ໃຫ້ການສະໜັບສະໜູນການບໍລິ
ການດ້ານການແພດທີ່ດີທີ່ສຸດໃນຂົງເຂດທາງທະເລ ແລະ ແຄມຝັ່ງໃນປະເທດ ຣັດເຊຍ ແລະ ທົ່ວໂລກ, ບ່ອນທີ່ມີຊາຍຝັ່ງທະເລ ເພື່ອບັນລຸຈິນຕະນາການ,
ການພັດທະນາ ໃນຍຸກໃໝ່ປັດຈຸບັນໃນ ກອງທັບເຮືອ ຣັດເຊຍ ມີກໍາປັ່ນໂຮງໝໍ 3 ລຳ ໃນ ຈຳນວນ 4 ລຳ, ສ້າງຂຶ້ນຢູ່ປະເທດໂປໂລຍ ພາຍໃຕ້ອະດີດ ສະ
ຫະພາບໂຊວຽດ.
ປັດຈຸບັນແມ່ນເກົ່າແກ່ ແລະ ຊຸດໂຊມຫຼາຍໃນຂະນະດຽວກັນຄວາມຕ້ອງການ ກຳປັ່ນໂຮງໝໍເຄື່ອນທີ່ແມ່ນມີຄວາມຈໍາເປັນເພາະກອງທັບເຮືອ ກໍາລັງ
ເຕີບໃຫຍ່ ແລະ ເຂັ້ມແຂງຂຶ້ນເລື້ອຍໆ. ນັບມື້ເຂົ້າສູ່ລວງເລິກ. ນັ້ນໝາຍຄວາມວ່າ: ໃນເວລາເດີນທາງໄກກຳລັງທະຫານ ມີຄວາມຕ້ອງການຮັບປະກັນທາງ
ການແພດທີ່ມີຄຸນນະພາບສູງ.
ກອງທັບອາກາດ, ກອງທັບເຮືອ ແລະ ກອງທັບບົກ ຣັດເຊຍ ໃນປະເທດ ຊີຣີ ຈະສືບຕໍ່ປະຈຳການ ຢູ່ປະເທດນີ້ ເປັນເວລາດົນນານ. ດັ່ງນັ້ນ, ກໍາປັ່ນໂຮງ
ໝໍຖາວອນໃນທະເລ ເມດີເຕຣາເນ ມີຄວາມຈຳເປັນ. ປັດຈຸບັນກອງທັບເຮືອຣັດເຊຍ ກຳລັງເລີ່ມສ້າງຕັ້ງສະຖານີຮັບປະກັນດ້ານວັດຖຸ ແລະ ເຕັກນິກໃນປະ
ເທດ ຊູດັງ ແລະ ຍັງຮຽກຮ້ອງໃຫ້ມີໂຮງໝໍຂອງຕົນປະຕິບັດງານຢູ່ການທີ່ນັ້ນ.
ພ້ອມນັ້ນ ຣັດເຊຍ ຍັງເອົາໃຈໃສ່ຫຼາຍໃນເສີມຂະຫຍາຍການມີໜ້າຢູ່ທີ່ ອາກຕິກ Arctic. ຜູ້ທີ່ເຮັດວຽກໃນສະພາບຄວາມຫຍຸ້ງຍາກຢູ່ທີ່ນັ້ນໄດ້ຮັບ
ການຊ່ວຍເຫຼືອດ້ານການປິ່ນປົວທີ່ມີຄຸນນະພາບສູງ. ດັ່ງນັ້ນ ຣັດເຊຍ ຕ້ອງເລັ່ງລັດກໍ່ສ້າງກຳປັ່ນຂົນສົ່ງໃນໂຮງໝໍໃຫ້ມີຫຼາຍຈຸດ.
ປີ 2020, ບັນຫາການຊື້ກໍາປັ່ນໂຮງໝໍໄດ້ຖືກກ່າວເຖິງໂດຍ ລັດຖະມົນຕີ ກະຊວງປ້ອງກັນປະເທດ ຣັດເຊຍ ແລະ ໄດ້ຖືກນຳເຂົ້າປຶກສາຫາລື ໃນກອງ
ປະຊຸມລັດຖະບານໃນນັ້ນ, ກະຊວງອຸດສາຫະກໍາ ແລະ ການຄ້າສະໜັບສະໜູນແນວຄິດນີ້ ແລະ ແນະນຳໃຫ້ສ້າງກໍາປັ່ນໂຮງໝໍໃນປະເທດ ຣັດເຊຍ ເຊິ່ງບໍ່
ຄວນສັ່ງຊື້ຈາກຕ່າງປະເທດອື່ນ ດັ່ງເຊັ່ນໃນຍຸກສະຫະພາບໂຊວຽດອີກຕໍ່ໄປ.
ກໍາປັ່ນໂຮງໝໍອອກແບບ ແລະ ສ້າງຂຶ້ນໃນເມືອງ ເຊັນປີເຕີສະເບີກ ( Saint-Petersburg ) ນີ້, ໄດ້ສະເໜີໃຫ້ມີຫຼາຍທາງເລືອກແບບທີ່ມີຫ້ອງປິ່ນ
ປົວເທິງກໍາປັ່ນ ທີ່ສາມາດຮອງຮັບຄົນເຈັບໄດ້ 500 ຫຼື 1000 ຄົນ. ດ້ວຍຕົວເລືອກທໍາອິດເປັນແບບທີ່ມີຫ້ອງປີ່ນປົວຮັກສາລູກເຮືອ, ຫ້ອງເກັບຮັກສາອຸປະ
ກອນເຕັກນິກ, ຫ້ອງບັນທຸກສິນຄ້າ ແລະ ເຄື່ອງມືການແພດພ້ອມຢາປິ່ນປົວ. ຕົວເລືອກທີສອງ, ເປັນແບບທີ່ມີພຽງແຕ່ຫ້ອງປິ່ນປົວເທົ່ານັ້ນ, ອຸປະກອນໃນ
ເຮືອຈະມີຄວາມທັນສະໄໝ, ມີອຸປະກອນ ແລະ ເຄື່ອງຈັກ X-ray, ເຄື່ອງມືຜ່າຕັດທີ່ທັນສະໄໝເຄື່ອງອັດລົມ ແລະ ອຸປະກອນອື່ນໆ ອີກຢ່າງພຽງພໍ, ເຊິ່ງປົກ
ກະຕິມີພຽງແຕ່ໃນສະຖານທີ່ທາງບົກຂອງສູນກາງແພດເທົ່ານັ້ນ. ປະລິມານນໍ້າໜັກຂອງກຳ ປັ່ນໂຮງໝໍໃໝ່ຂອງ ຣັດເຊຍ ມີເກືອບ 30.000 ໂຕນ, ເນື້ອທີ່
ຂອງຫ້ອງໂດຍສານມີຫຼາຍກວ່າ 14 ພັນຕາແມັດ, ກຳປັ່ນມີລູກເຮືອ 60 ຄົນ, ທີມແພດ 742 ຄົນ. ສາມາດບັນທຸກເຮລີກົບແຕໄດ້ເຖິງ 6 ລຳ.