ກາຕ່າ ກຽມສົ່ງນັກບິນໄປເຝິກອົບຮົມທີ່ປະເທດ ອີຕາລີ
ນັກບິນຂອງ ກະຊວງປ້ອງກັນປະເທດ ກາຕ່າ ຈະໄດ້ຮັບການເຝິກອົບຮົມໃນໄວໆນີ້ ທີ່ໂຮງຮຽນເຝິກ ອົບຮົມການບິນສາກົນ ( IFTS) ຂອງປະເທດ
ອີຕາລີ, ໂດຍປະຕິບັດຕາມຂໍ້ຕົກລົງລະຫວ່າງ ທ່ານ ດຣ ຄາລິດ ບີນ ໂມຮາໝັດ ອໍອັດທິຍາດ ລັດຖະມົນຕີ ກະຊວງປ້ອງກັນປະເທດກາຕ່າ ແລະ ທ່ານ ໂລ
ເດນໂຊ ລັດຖະມົນຕີກະຊວງປ້ອງກັນປະເທດ ອີຕາລີ.
ໃນການຖະແຫຼງຂ່າວຂອງ ກະຊວງປ້ອງກັນປະເທດ ອີຕາລີ ໃຫ້ຮູ້ວ່າ: ການຮ່ວມມືລະຫວ່າງ ອີຕາລີ ແລະ ກາຕ່າໃນຂົງເຂດປ້ອງກັນຊາດ ໄດ້ຮັບການ
ຢືນຢັນວ່າມີຄຸນຄ່າທາງຍຸດທະສາດສູງ. ດັ່ງນັ້ນອີຕາລີຢືນຢັນວ່າຈະໃຫ້ຄວາມຮ່ວມມືທຸກວຽກງານໃນຂົງເຂດປ້ອງກັນຊາດ ກັບກາຕາ ໃຫ້ລົງເລິກກວ່າເກົ່າ.
ສ່ວນໜຶ່ງຂອງຂໍ້ຕົກລົງການຮ່ວມມືລະຫວ່າງສອງປະເທດຈະປະກອບມີການເຝິກອົບຮົມນັກບິນ Qatar Emiri (QEAF) ທີ່ໂຮງຮຽນເຝິກອົບຮົມ
ການບິນສາກົນ, ເຊິ່ງດຳເນີນການ ຮ່ວມມືໂດຍ Leonardo ແລະ ກອງທັບອາກາດ ອີຕາລີ ທີ່ ແຂວງ ເລັກເຊ ແລະ ໃນອະນາຄົດທັງສອງຝ່າຍຈະໄດ້ເປີດ
ຖານທັບອາກາດ ດີຊີໂມແມນນູໃນແຂວງ ຊາດີເນຍ.
ປັດຈຸບັນ ກະຊວງປ້ອງກັນປະເທດ ກາຕ່າ ກະກຽມດຳເນີນການທົດລອງເຄື່ອງບິນ Pilatus PC-21 ແລະ PAC Super Mushshak ໃນບົດ
ບາດການເຝິກອົບຮົມ. ນອກຈາກນີ້ຍັງມີແຜນຈະສົ່ງຜູ້ຊ່ຽວຊານດ້ານການບິນ Jet B Advanced Advanced Trainers ຈຳນວນ 9 ຄົນ ໄປຮຽນ
ຕໍ່ທີ່ປະເທດ ອີຕາລີຕື່ມອີກ.