ສະຫຼຸບຖອດຖອນບົດຮຽນການຊ້ອມຮົບຮ່ວມກັນລະຫວ່າງ ລາວ-ຣັດເຊຍ
ແລະ ການແຂ່ງຂັນກິລາການທະຫານສາກົນ
ວັນທີ 1 ມີນາ 2023 ນີ້, ກົມໃຫຍ່ເສນາທິການກອງທັບ ໄດ້ສະຫຼຸບຖອດຖອນບົດຮຽນການຊ້ອມຮົບຮ່ວມກັນ ລາວ-ຣັດເຊຍ (LAROS -
2022)
ແລະ ການແຂ່ງຂັນກິລາການທະຫານສາ ກົນ (ARMY GAMES-2022) ໂດຍການເປັນປະທານຂອງ ສະຫາຍ ພົນໂທ ຄຳລຽງ ອຸທະໄກ ສອນ
ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການກອງທັບ, ມີຄະນະຊີ້ນຳລວມ, ອະນຸກຳມະການ, ຜູ້ຕາງໜ້າຄະນະພັກ-ຄະນະບັນຊາ,
ບັນດາອົງການ, ກົມກອງທີ່ກ່ຽວຂ້ອງ ພ້ອມດ້ວຍນັກກິລາແຕ່ລະປະເພດເຂົ້າຮ່ວມ.
ສະຫາຍ ພັນໂທ ຄຳຈັນ ແສນມະນີ ຫົວໜ້າພະແນກອົບຮົມກົມລົດຕັງ ໄດ້ຍົກໃຫ້ເຫັນຜົນ ງານລວມທີ່ກອງທັບປະຊາຊົນລາວຍາດມາໄດ້ໃນການເຂົ້າ
ຮ່ວມສອງຂະບວນການດັ່ງກ່າວ ເຊິ່ງຄະນະນຳກະຊວງປ້ອງກັນປະເທດໄດ້ໃຫ້ຄວາມສຳຄັນ ແລະ ເປີດກວ້າງວຽກງານການພົວພັນຮ່ວມມືທາງດ້ານການ
ທະຫານສາກົນ ເພື່ອຍົກສູງບົດບາດຂອງກອງທັບປະຊາຊົນລາວກ້າວສູ່ເວທີການທະຫານສາ ກົນກໍຄືພາກພື້ນ ໂດຍສະເພາະແມ່ນການອອກຂ່າວຜ່ານສື່ສັງ
ຄົມອອນລາຍຄຽງຄູ່ກັນນີ້ຄະນະນຳກະ ຊວງປ້ອງກັນປະເທດ, ບັນດາອົງການກົມໃຫຍ່, ກົມວິຊາສະເພາະອ້ອມຂ້າງກະຊວງໄດ້ຊີ້ນຳຢ່າງໃກ້ ຊິດຕິດແທດໃນ
ການເຝິກຊ້ອມຫັດແອບໄປແຂ່ງຂັນກໍຄືການຊ້ອມຮົບຮ່ວມ ລາວ-ຣັດເຊຍ ພ້ອມນີ້ບັນ ດາອະນຸກຳມະການຮັບຜິດຊອບຕະຫຼອດເຖິງພະນັກງານ-ນັກຮົບທີ່
ເຂົ້າຮ່ວມການແຂ່ງຂັນ ແລະ ຊ້ອມຮົບລ້ວນແຕ່ມີການເຝິກຝົນຫຼໍ່ຫຼອມຕົນເອງທາງດ້ານການເມືອງ-ແນວຄິດ ແລະ ອົບຮົມຫັດແອບທາງດ້ານວິຊາສະເພາະ
ໂດຍສະເພາະການນຳໃຊ້ພາຫະນະ, ອາວຸດຍຸດໂທປະກອນທີ່ກົມກອງປະກອບໃຫ້ຢ່າງເປັນປົກກະຕິຕໍ່ເນື່ອງ. ຜ່ານການຈັດຕັ້ງຊ້ອມຮົບ ແລະ ເຂົ້າຮ່ວມການ
ແຂ່ງຂັນທີ່ຕິດພັນກັບການນຳໃຊ້ພາຫະນະເຕັກນິກ ແລະ ອາວຸດຍຸດໂທປະກອນຂອງທຸກພາກສ່ວນແມ່ນຮັບປະກັນຄວາມປອດໄພ 100%. ສຳລັບການ
ເຂົ້າຮ່ວມແຂ່ງຂັນກິລາການທະຫານນາໆຊາດ 2022 ທີ່ ສ ຣັດເຊຍ, ກອງ ທັບປະຊາຊົນລາວໄດ້ຖືກເຊີນເຂົ້າຮ່ວມເປັນຄັ້ງທີ 6 ຈັດຕັ້ງກຳລັງເຂົ້າຮ່ວມ 3
ປະເພດກິລາຄື: ທີມລົດຕັງຈັດໃນອັນດັບທີ 6 ຈາກ 11 ປະເທດ, ທີມຊ່າງແສງຈັດໃນອັນດັບທີ 3 ຈາກ 5 ປະເທດ ແລະ ທີມສື່ສານຈັດໃນອັນດັບທີ 3
ຈາກ 12 ປະ ເທດ. ຕໍ່ຜົນງານທີ່ຍາດມາໄດ້ນັ້ນ, ກະຊວງປ້ອງກັນປະ ເທດໄດ້ ຕົກລົງຍ້ອງຍໍໃຫ້ແກ່ກົມກອງລວມໝູ່, ບຸກຄົນທີ່ມີຜົນງານດີເດັ່ນໃນການ
ປະກອບສ່ວນອັນສຳຄັນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບ ໃນນີ້ກະຊວງປ້ອງກັນປະເທດ ຕົກລົງມອບຫຼຽນໄຊພິລະອາດຫານຊັ້ນ III
ໃຫ້ແກ່ກົມກອງລວມໝູ່ ຈຳນວນ 28 ກົມກອງ, ມອບໃບຍ້ອງຍໍຂອງກະຊວງປ້ອງກັນປະເທດໃຫ້ກົມກອງລວມໝູ່ 12 ກົມກອງ, ມອບໃບຍ້ອງຍໍຂອງກະ
ຊວງປ້ອງກັນປະເທດໃຫ້ແກ່ບຸກຄົນຈຳນວນ 800 ສະຫາຍ ແລະ ມອບໃບຍ້ອງຍໍກົມໃຫຍ່ການເມືອງກອງທັບ ຈຳນວນ 316 ສະຫາຍ.
ໂອກາດນີ້ ສະຫາຍ ພົນໂທ ຄຳລຽງ ອຸທະໄກສອນ ໄດ້ກ່າວສະແດງຄວາມຍ້ອງຍໍຊົມເຊີຍ ພ້ອມທັງຮຽກຮ້ອງໃຫ້ຄະນະພັກ-ຄະນະບັນຊາແຕ່ລະຂັ້ນ
ຕະຫຼອດຮອດພະນັກງານ-ນັກຮົບ, ເວົ້າສະເພາະແມ່ນບັນດາ ເຫຼົ່າຮົບຈົ່ງເປັນເຈົ້າການໃນການ ເຝິກແອບຮໍ່າຮຽນໃຫ້ມີຄວາມຊຳນານ ແລະ ປະສິດທິຜົນສູງ,
ເພີ່ມທະວີການຊີ້ນຳ-ນຳພາໃຫ້ແທດເໝາະກັບວຽກງານຕົວຈິງ, ຍົກລະດັບຄວາມຮູ້ຄວາມສາ ມາດໃນການນຳໃຊ້ພາຫະນະເຕັກນິກ-ອາວຸດຍຸດໂທປະກອນ
ທາງດ້ານສິລະປະຍຸດ-ຍຸດທະວິທີໃຫ້ສູງຂຶ້ນກວ່າເກົ່າ, ເຊີດຊູນໍ້າໃຈເສຍສະຫຼະອົດທົນຜ່ານຜ່າຄວາມຫຍຸ້ງຍາກ, ປັບປຸງທາງດ້ານກຳລັງໃຫ້ມີຄວາມໜັກ
ແໜ້ນເຂັ້ມແຂງ, ເພື່ອກຽມພ້ອມເຮັດສຳເລັດໜ້າທີ່ທີ່ຂັ້ນເທິງມອບໝາຍໃຫ້.
ແຫຼ່ງທີ່ມາ:ນາລີ
ວັນທີ 03/03/2023