ການນຳພັກ-ລັດ ວາງກະຕ່າດອກໄມ້ ທີ່ອະນຸສາວະລີບັນດາອະດີດຜູ້ນຳພັກ-ລັດ
ເນື່ອງໃນໂອກາດເປີດງານມະຫະກຳກິລາແຫ່ງຊາດ ຄັ້ງທີ XI
ໃນຕອນເຊົ້າຂອງວັນທີ 14 ທັນວາ 2022, ການນຳຂັ້ນສູງພັກ-ລັດ ແລະ ການນຳແຂວງຊຽງຂວາງ ນຳໂດຍ ສະຫາຍ ທອງລຸນ ສີສຸລິດ
ເລຂາທິການ
ໃຫຍ່ ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ, ສະຫາຍ ບຸນຈັນ ສີວົງພັນ ກຳມະການສູນກາງພັກ ເລຂາພັກແຂວງ ເຈົ້າແຂວງ
ແຂວງຊຽງຂວາງ ທັງເປັນປະທານຈັດງານມະຫະກຳກິລາແຫ່ງຊາດ ຄັ້ງທີ XI ພ້ອມດ້ວຍຄະນະໄດ້ເຂົ້າວາງກະຕ່າດອກໄມ້ຢູ່ອະນຸສາວະລີ ປະທານ ໄກສອນ
ພົມວິຫານ, ອະນຸສາວະລີ ພູມີ ວົງວິຈິດ ແລະ ອະນຸສາວະລີ ຕູ້ຢ່າ ໄຊຈູ ເນື່ອງໃນໂອກາດສະເຫຼີມສະຫຼອງຕ້ອນຮັບງານມະຫະກຳກິລາແຫ່ງຊາດ ຄັ້ງທີ XI
ທີ່ແຂວງຊຽງຂວາງເປັນເຈົ້າພາບ ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 102 ປີ. ເພື່ອເປັນການສະແດງຄວາມເຄົາລົບຮັກ,
ຄວາມ
ກະຕັນຍູຮູ້ບຸນຄຸນເຖິງຄຸນງາມຄວາມດີຂອງ ປະທານ ໄກສອນ ພົມວິຫານ ທີ່ໄດ້ອຸທິດຕະຫຼອດຊີວິດຂອງເພິ່ນ ເພື່ອຜົນປະໂຫຍດລວມຂອງຊາດ,
ເພື່ອອະ
ນາຄົດຂອງລູກຫຼານປະຊາຊົນບັນດາເຜົ່າ, ເພິ່ນໄດ້ສຸມສະຕິປັນຍາເຂົ້າໃນການນຳພາຂະບວນການຕໍ່ສູ້ຕ້ານການຮຸກຮານຂອງພວກຈັກກະພັດຕ່າງດ້າວ
ຈົນ
ສາມາດຍາດໄດ້ໄຊຊະນະ ແລະ ນຳເອົາຄວາມຢູ່ເຢັນເປັນສຸກມາສູ່ປະຊາຊົນລາວບັນດາເຜົ່າ, ຜົນງານ ແລະ
ຄຸນງາມຄວາມດີຂອງເພິ່ນແມ່ນໄດ້ຖືກຈາລຶກໄວ້
ໃນຄວາມຊົງຈຳຂອງປະຊາຊົນລາວບັນດາເຜົ່າຕະຫຼອດກາລະນານ. ທັງເປັນການສະແດງເຖິງຄວາມເຄົາລົບຮັກ, ລະນຶກເຖິງຄຸນງາມຄວາມດີ ແລະ
ຜົນງານ
ອັນໃຫຍ່ຫຼວງຂອງ ທ່ານ ພູມີ ວົງວິຈິດ ໃນພາລະກິດຕໍ່ສູ້ກູ້ຊາດ ເພິ່ນໄດ້ເປັນຜູ້ນຳທີ່ມີບົດບາດສຳຄັນໃນຂົງເຂດການສຶກສາຂອງລາວ ທັງເປັນນັກກະວີ,
ນັກອັກສອນສາດ, ນັກການເມືອງທີ່ດີເດັ່ນຂອງຊາດ ໃນພາລະກິດຕໍ່ສູ້ກູ້ຊາດ ແລະ ໄລຍະປະຕິບັດ 2 ໜ້າທີ່ຍຸດທະສາດ ຄື: ປົກປັກຮັກສາ ແລະ
ສ້າງສາປະ
ເທດຊາດ. ພ້ອມນັ້ນ, ຍັງເປັນການສະແດງຄວາມເຄົາລົບຮັກ, ກະຕັນຍູຮູ້ບຸນຄຸນ, ລະນຶກເຖິງຄຸນງາມຄວາມດີ ແລະ ຜົນງານອັນໃຫຍ່ຫຼວງຂອງ ທ່ານ ຕູ້ຢ່າ
ໄຊຈູ ໃນພາລະກິດຕໍ່ສູ້ກູ້ຊາດ, ທ່ານ ຕູ້ຢ່າ ໄຊຈູ ເປັນວິລະຊົນແຫ່ງຊາດລາວ, ເປັນນາຍທະຫານຜູ້ມີໄຫວພິກ, ສະຫຼາດສ່ອງໃສ ແລະ ວ່ອງໄວ,
ເພິ່ນໄດ້ທຸ່ມ
ເທສະຕິປັນຍາ ແລະ ເສຍສະຫຼະເລືອດເນື້ອເຫື່ອແຮງເພື່ອປະເທດຊາດ, ເພື່ອປະຊາຊົນ ແລະ ເພື່ອການປະຕິວັດລາວ.
ແຫຼ່ງທີ່ມາ: ໂຊເລ້
ວັນທີ 15/12/2022