ກອງປະຊຸມສ່ອງແສງວຽກງານຮອບດ້ານ 4 ແຂວງພາກໃຕ້ ປະຈຳໄຕມາດ IV
ກອງປະຊຸມສ່ອງແສງວຽກງານຮອບດ້ານປະຈຳໄຕມາດ IV ປີ 2022 ແລະ ວາງທິດທາງແຜນ ການປະຈຳໄຕມາດ I ປີ 2023 ຂອງກຳລັງຫຼວງ ແລະ
ກຳ
ລັງທ້ອງຖິ່ນ 4 ແຂວງພາກໃຕ້ ໄດ້ຈັດຂຶ້ນໃນວັນທີ 19 ທັນວານີ້, ຢູ່ທີ່ກອງບັນຊາການທະຫານແຂວງຈຳປາສັກ, ໂດຍການເປັນປະທານຂອງ ສະຫາຍ
ພົນ
ໂທ ຄຳລຽງ ອຸທະໄກສອນ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບ, ມີ ສະຫາຍ ພົນຈັດຕະວາ ສຸໄກ
ພິມມະສານ
ຫົວໜ້າການທະຫານກອງບັນຊາການທະຫານແຂວງຈຳປາສັກ, ມີຕາງໜ້າຈາກ 12 ກົມກອງ ຢູ່ 4 ແຂວງພາກໃຕ້ເຂົ້າຮ່ວມ.
ໃນກອງປະຊຸມ, ບັນດາກົມກອງໄດ້ຜັດປ່ຽນກັນລາຍງານສະພາບການທີ່ພົ້ນເດັ່ນທີ່ເກີດຂຶ້ນໃນຂອບເຂດຄວາມຮັບຜິດຊອບຂອງຕົນ ລວມທັງຜົນງານ ການເຄື່ອນໄຫວຈັດຕັ້ງປະຕິບັດໜ້າທີ່ວຽກງານ ໂດຍພື້ນຖານແລ້ວຄະນະພັກ-ຄະນະບັນຊາແຕ່ລະກົມກອງໄດ້ເປັນເຈົ້າການຊີ້ນຳ-ນຳພາ, ເອົາໃຈໃສ່ສຶກສາ ອົບຮົມການເມືອງ-ນຳພາແນວຄິດໃຫ້ແກ່ພະນັກງານ-ນັກຮົບດ້ວຍການຈັດຕັ້ງເຊື່ອມຊຶມມູນເຊື້ອວັນປະຫວັດສາດສຳຄັນຕ່າງໆ ຂອງຊາດ, ຂອງພັກ ແລະ ຂອງກອງທັບ ໂດຍຕິດພັນກັບການດຳເນີນຊີວິດການເມືອງປົວແປງພາຍໃນພັກ, ອົງການຈັດຕັ້ງມະຫາຊົນຢ່າງເປັນປົກກະຕິຕໍ່ເນື່ອງ, ສາມາດສ້າງໄດ້ພະນັກ ງານ-ນັກຮົບດີເດັ່ນທີ່ມີຄວາມສາມາດນຳພາ-ບັນຊາ, ມີຄວາມຮັບຜິດຊອບສູງໃນານຈັດຕັ້ງປະຕິບັດໜ້າທີ່ວຽກງານທີ່ຂັ້ນເທິງມອບໝາຍໃຫ້, ໄດ້ປັບປຸງບູ ລະນະການຈັດຕັ້ງແຕ່ລະຂັ້ນໃຫ້ມີຄວາມໜັກແໜ້ນເຂັ້ມແຂງ, ປະຕິບັດນະໂຍບາຍຕໍ່ພະນັກງານ-ນັກຮົບທີ່ມີຜົນງານດີເດັ່ນ, ຍ້ອງຍໍເລື່ອນຊັ້ນ, ມອບໝາຍ ໜ້າທີ່ຕາມພາລະບົດບາດວິຊາສະເພາະຂອງແຕ່ລະສະຫາຍ, ໄດ້ຈັດຕັ້ງອົບຮົມ-ຫັດແອບການເມືອງ, ການທະຫານ, ພະລາທິການ-ເຕັກນິກ. ນອກນັ້ນ ຍັງໄດ້ ຈັດຕັ້ງເຄື່ອນໄຫວກວດກາສາລະເວຕາມຂອບເຂດຄວາມຮັບຜິດຊອບ, ປ້ອງກັນເວນຍາມທີ່ຕັ້ງ, ຈັດຕັ້ງກຳລັງປ້ອງກັນແຂກທີ່ມາຢ້ຽມຢາມກົມກອງຮັບປະ ກັນມີຄວາມສະຫງົບປອດໄພ 100%, ໄດ້ຄຸ້ມຄອງບົວລະບັດຜັດເຊັດວັດຖຸ, ກວດກາພາຫະນະເຕັກນິກບໍ່ໃຫ້ເປ້ເພ ແລະ ຕົກເຮ່ຍເສຍຫາຍ, ຮັບປະກັນ ໃຫ້ແກ່ວຽກງານກຽມພ້ອມສູ້ຮົບ ແລະ ຮັບໃຊ້ເຂົ້າໃນການເຝິກແອບຮ່ຳຮຽນແຕ່ລະໄລຍະ, ວຽກງານແກ້ໄຂຊີວິດການເປັນຢູ່ແມ່ນໄດ້ຊຸກຍູ້ພະນັກງານ-ນັກ ຮົບສຸມໃສ່ການປູກຝັງ-ລ້ຽງສັດຕາມລະດູການ ເພື່ອຮັບປະກັນຕອບສະໜອງອາຫານໃຫ້ແກ່ກົມກອງ ແລະ ຄຸ້ມຄອງການກິນ-ຢູ່ຕາມລະບອບອັດຕາທີ່ຂັ້ນ ເທິງກຳນົດໃຫ້, ເອົາໃຈໃສ່ປັບປຸງກໍ່ສ້າງກົມກອງ, ປະດັບປະດາຄ້າຍຄູໃຫ້ເປັນລະບຽບຮຽບຮ້ອຍສະອາດຈົບງາມຖືກຕາມທິດທາງການສ້າງກອງວັດທະນະ ທຳທີ່ຂັ້ນເທິງວາງອອກ.
ໂອກາດນີ້, ສະຫາຍ ພົນໂທ ຄຳລຽງ ອຸທະໄກສອນ ໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຜົນງານທີ່ບັນດາກົມກອງຍາດມາໄດ້ ພ້ອມທັງໄດ້ເນັ້ນ ໜັກໃຫ້ຄະນະພັກ-ຄະນະບັນຊາແຕ່ລະຫົວໜ່ວຍກົມກອງ ຈົ່ງສືບຕໍ່ນຳພາ-ຊີ້ນຳ ແລະ ຈັດຕັ້ງປະຕິບັດວຽກງານທີ່ຍັງຄົງຄ້າງ ໂດຍສະເພາະແມ່ນຕ້ອງສຸມໃສ່ ຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກໃຫ້ປະກົດຜົນເປັນຈິງ ແລະ ສືບຕໍ່ສ້າງຂະບວນການດ້ານຕ່າງໆ ເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີ ໃຫ້ມີບັນຍາກາດຟົດຟື້ນແຂງແຮງ.
ແຫຼ່ງທີ່ມາ: ວິໄລພອນ ວົງວິສອນ
ວັນທີ 20/12/2022