ຫົວໜ້າກົມໃຫຍ່ເຕັກນິກ ລົງກວດກາພາຫະນະເຕັກນິກ ຢູ່ກອງພັນ 565
ວັນທີ 20 ທັນວາ 2022 ນີ້, ສະຫາຍ ພົນຕີ ປະສິດ ທ່ຽງທຳ ຫົວໜ້າກົມໃຫຍ່ເຕັກນິກກອງ ທັບ, ມີສະຫາຍ ພັນໂທ ບຸນທຽມ ພີມພາສີງ
ຮອງຫ້ອງ
ເຕັກນິກກອງພົນທີ 5 ໄດ້ລົງກວດກາພາຫະນະເຕັກນິກ ຢູ່ກອງພັນ 565 ທີ່ຂຶ້ນກັບກອງພົນທີ 5, ເນື່ອງໃນໂອກາດຊົມເຊີຍວັນຊາດ ທີ 2 ທັນວາ ຄົບຮອບ
47 ປີ ທີ່ຜ່ານມາ, ໂດຍການຕ້ອນຮັບຂອງ ສະຫາຍ ພັນໂທ ສົມປອງ ວົງສີທອງ ຫົວໜ້າການທະຫານ ກອງພັນ 565 ພ້ອມຄະນະ.
ສະຫາຍ ພັນໂທ ສົມປອງ ວົງສີທອງ ໄດ້ລາຍງານຫຍໍ້ກ່ຽວກັບຜົນງານ, ສະພາບການລວມຂອງພາຫະນະໃນກົມກອງ ເຊິ່ງພະນັກງານ-ນັກຮົບໃນກົມ ກອງໄດ້ເອົາໃຈໃສ່ບົວລະບັດຜັດເຊັດພາຫະນະເຕັກນິກໃນໄລຍະຜ່ານມາແມ່ນສາມາດຮັບປະກັນ ແລະ ກຽມພ້ອມຮັບໃຊ້ສະໜາມໄດ້ຢ່າງມີປະສິດຕະພາບ.
ຈາກຜົນງານດັ່ງກ່າວ ສະຫາຍ ພົນຕີ ປະສິດ ທ່ຽງທຳ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານດັ່ງກ່າວ ທີ່ກົມກອງຍາດມາໄດ້ໃນໄລຍະຜ່ານມາ ທັງ ໄດ້ເນັ້ນໜັກໃຫ້ສືບຕໍ່ເອົາໃຈໃສ່ຮັກສາບົວລະບັດຜັດເຊັດພາຫະນະເຕັກນິກໃຫ້ໄດ້ດີໃນຕໍ່ໜ້າ ແລະ ໄດ້ເນັ້ນໜັກໃຫ້ຄະນະພັກ-ຄະນະບັນຊານຳເອົາເນື້ອໃນ ຈິດໃຈໃນການສ້າງກົມກອງ ກໍຄືກອງທັບໃຫ້ມີຄວາມເຂັ້ມແຂງ ໜັກແໜ້ນ, ນຳໃຊ້ຄວາມຮູ້ວິຊາສະເພາະໃຫ້ຖືກຕ້ອງສອດຄ່ອງ, ເຮັດສຳເລັດໜ້າທີ່ ທີ່ໄດ້ ຮັບມອບໝາຍ ສ້າງກົມກອງໃຫ້ກາຍເປັນກົມກອງທີ່ມີແບບແຜນທັນສະໄໝ.
ແຫຼ່ງທີ່ມາ: ມຸ້ຍ ຫຼວງຄຳ
ວັນທີ 22/12/2022