ບໍລິສັດ ອຸດົມຊັບ ພັດທະນາບໍ່ແຮ່ ຈຳກັດ ມອບເງິນພັນທະໃຫ້ກະຊວງປ້ອງກັນປະເທດ 2 ຕື້ກີບ
ວັນທີ 26 ທັນວາ 2022 ນີ້, ບໍລິສັດ ອຸດົມຊັບ ພັດທະນາບໍ່ແຮ່ ຈຳກັດ ມອບເງິນພັນທະ ປະຈຳປີ 2022 ໃຫ້ກະຊວງປ້ອງກັນປະເທດ ຈຳນວນ 2
ຕື້
ກີບ, ໂດຍການເຂົ້າຮ່ວມຂອງ ທ່ານ ພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ,
ກ່າວມອບໂດຍ ທ່ານ ວັນສະເຫຼີມ ທິບມາ
ລາ ປະທານບໍລິສັດ ອຸດົມຊັບ ພັດທະນາບໍ່ແຮ່ ຈຳກັດ ແລະ ກ່າວຮັບໂດຍ ທ່ານ ພົນຕີ ວົງຄຳ ພົມມະກອນ
ຮອງລັດຖະມົນຕີກະຊວງປ້ອງກັນປະເທດ, ມີ
ຄະນະທັງສອງພາກສ່ວນເຂົ້າຮ່ວມ.
ໂອກາດນີ້, ທ່ານ ວັນສະເຫຼີມ ທີບມາລາ ກໍໄດ້ກ່າວສະແດງຄວາມຂອບໃຈຕໍ່ຄະນະນຳກະຊວງປ້ອງກັນປະເທດ ທີ່ໄດ້ໃຫ້ການຊຸກຍູ້ຊ່ວຍເຫຼືອ ແລະ ອຳ ນວຍຄວາມສະດວກໃຫ້ທາງບໍລິສັດພວກເຮົາໃນຂຸດຄົ້ນ ແລະ ຂົນສົ່ງບໍແຮ່. ການມອບເງິນພັນທະໃຫ້ກະຊວງປ້ອງກັນປະເທດໃນຄັ້ງນີ້, ກໍເພື່ອປະຕິບັດ ຕາມສັນຍາ ແລະ ທັງເປັນການປະກອບສ່ວນຊຸກຍູ້ໃຫ້ກະຊວງປ້ອງກັນປະເທດນຳໃຊ້ເຂົ້າໃນວິຊາສະເພາະ ແລະ ບໍລິຫານຂອງກະຊວງປ້ອງກັນປະເທດ.
ໂອກາດດັ່ງກ່າວ ທ່ານ ພົນເອກ ຈັນສະໝອນ ຈັນຍາລາດ ກໍໄດ້ກ່າວສະແດງຄວາມຂອບໃຈຕໍ່ປະທານບໍລິສັດ ອຸດົມຊັບ ພັດທະນາບໍ່ແຮ່ ຈຳກັດ ທີ່ໄດ້ ນຳເອົາວັດຖຸປັດໄຈດັ່ງກ່າວມາປະກອບສ່ວນຊ່ວຍຊຸກຍູ້ໃຫ້ກອງທັບ ເພື່ອເປັນການປະກອບສ່ວນອັນສຳຄັນເຂົ້າໃນວຽກງານປ້ອງກັນຊາດ.
ແຫຼ່ງທີ່ມາ: ໜັງສືພິມກອງທັບ
ວັນທີ 27/12/2022