ປະກາດການຮັບຮອງຄະນະບໍລິຫານງານພັກ ກອງພັນໃຫຍ່ 279

    ພິທີປະກາດຮັບຮອງເອົາຄະນະບໍລິຫານງານພັກ ກອງພັນໃຫຍ່ 279 ສະໄໝທີ v, ໄດ້ຈັດຂຶ້ນໃນວັນທີ 4 ກັນຍານີ້, ໂດຍການເປັນປະ
ທານຂອງ ສະຫາຍ ພົນຕີ ຄໍາເພັດ ສີຊານົນ ຄະນະປະຈໍາພັກກະຊວງປ້ອງກັນປະເທດ, ຫົວໜ້າກົມໃຫຍ່ພະລາທິການກອງທັບ, ມີກົມຈັດຕັ້ງ
ພັກ, ຄະນະພັກ-ຄະນະບັນຊາ ກອງພັນໃຫຍ່ 279, ຄະນະພັກຮາກຖານ, ຄະນະໜວ່ຍພັກ, ພ້ອມດ້ວຍ ພະນັກງານ ຫຼັກແຫຼ່ງທົ່ວກົມກອງ
ເຂົ້າຮ່ວມ.

     ສະຫາຍ ພັນເອກ ໃຈເພັດ ວົງແສນສົມ ຮອງຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ ໄດ້ຜ່ານມະຕິຕົກລົົງ ວ່າດ້ວຍການຮັບ
ຮອງເອົາຄະນະບໍລິຫານງານພັກ ກອງພັນໃຫຍ່ 279 ສະໄໝທີ v, ອີງຕາມກົດລະບຽບຂອງພັກປະຊາຊົນປະຕິວັດລາວ ສະໄໝທີ xi, ໝວດທີ
v, ມາດຕາ 29, ອີງຕາມ ຜົນສໍາເລັດກອງປະຊຸມໃຫຍ່ຜູ້ແທນສະມາຊິກພັກ, ຄັ້ງວັນທີ 2 ສິງຫາ 2024 ເລືອກຕັ້ງເອົາຄະນະບໍລິຫານງານພັກ
ກອງພັນໃຫຍ່ 279 ສະໄໝທີ v, ອີງຕາມໜັງສືສະເໜີ ຂອງກົມໃຫຍ່ການເມືອງກອງທັບ, ຄະນະພັກ ກະຊວງປ້ອງກັນປະເທດ ຕົກລົງຮັບຮອງ
ເອົາຄະນະບໍລິຫານງານພັກ ກອງພັນໃຫຍ່ 279 ສະໄໝທີ v, ຈໍານວນ 9 ສະຫາຍ ຄື: ສະຫາຍ ພັນເອກ ບຸນຍັງ ແກ້ວດາມສີ, ສະຫາຍ ພັນເອກ
ເມກສະຫວັນ ແກ້ວດວງດີ, ສະຫາຍ ພັນໂທ ບຸນປໍ ໄຊວົງສາ, ສະຫາຍ ພັນໂທ ອ່ອນແກ້ວ ພົມມາສຸລິນ, ສະຫາຍ ພັນໂທ ສົມໄຊ ລະວິໄຊ, ສະ
ຫາຍ ພັນໂທ ບຸນຕ້ອມ ທອງສະຫວັດ, ສະຫາຍ ພັນໂທ ສີພອນ ມ້າວເມືອງໄຊ, ສະຫາຍ ພັນໂທ ແອທະວັດໄຊ ພວງມະໄລ, ສະຫາຍ ພັນໂທ ອໍາ
ໄພ ຄໍາວິສອນ; ຮັບຮອງເອົາຄະນະປະຈໍາພັກ 3 ສະຫາຍ ຄື: ສະຫາຍ ພັນເອກ ບຸນຍັງ ແກ້ວດາມສີ, ສະຫາຍ ພັນເອກ ເມກສະຫວັນ ແກ້ວດວງດີ,
ສະຫາຍ ພັນໂທ ບຸນປໍ ໄຊວົງສາ; ຮັບຮອງເອົາເລຂາ, ຮອງເລຂາຄະນະບໍລິຫານງານພັກ ກອງພັນໃຫຍ່ 279, 2 ສະຫາຍ ຄື: ສະຫາຍ ພັນເອກ ບຸນ
ຍັງ ແກ້ວດາມສີ ເປັນເລຂາຄະນະບໍລິຫານງານພັກ, ສະຫາຍ ພັນເອກ ເມກສະຫວັນ ແກ້ວດວງດີ ເປັນຮອງເລຂາຄະນະບໍລິຫານງານພັກ; ຮັບຮອງ
ເອົາປະທານຄະນະກວດກາພັກ ແລະ ຮອງປະທານຄະນະກວດກາພັກ 3 ສະຫາຍ ຄື: ສະຫາຍ ພັນໂທ ອ່ອນແກ້ວ ພົມມະສຸລິນ ເປັນປະທານຄະ
ນະກວດກາພັກ, ສະຫາຍ ພັນໂທ ຕຽມທອງ ໄຊວັນຄຳ ເປັນຮອງປະທານຄະນະກວດກາພັກ ແລະ ສະຫາຍ ພັນຕີ ວົງສາ ໄຊຍະສານ ເປັນຮອງປະ
ທານຄະນະກວດກາພັກ.

     ໂອກາດນີ້, ສະຫາຍ ພົນຕີ ຄຳເພັດ ສີຊານົນ ຍັງໄດ້ຮຽກຮ້ອງເນັ້ນໜັກໃຫ້ຄະນະພັກຊຸດໃໝ່ ສືບຕໍ່ເພີ່ມທະວີວຽກງານສຶກສາອົບຮົມການເມືອງ-
ນຳພາແນວຄິດ ຕໍ່ຖັນແຖວພະນັກງານ, ສະມາຊິກພັກ-ນັກຮົບ ກໍາ ແໜ້ນເຊື່ອມຊຶມແນວທາງນະໂຍບາຍຂອງພັກ, ບັນດາມະຕິ, ຄໍາສັ່ງ, ຂໍ້ກໍານົດ,
ກົດລະບຽບຂອງພັກ, ກົດໝາຍຂອງລັດ, ຂອງກອງທັບ, ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ມີແບບແຜນວິທີເຮັດວຽກທີ່ຖືກຕ້ອງ,
ມີການແບ່ງວຽກງານເປັນລະອຽດ, ມີວິທະຍາສາດ, ຍົກສູງຄວາມສາມາດໃນການເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ,
ໂດຍສະເພາະການແກ້ໄຂຊີວິດການເປັນຢູ່ໃຫ້ມີການປຸກລະດົມ ແລະ ຊີ້ນຳຕົວຈິງໃນການເພີ່ມພູມຜະລິດຜົນ ປູກຝັງ-ລ້ຽງສັດ ໂດຍໃຊ້ທ່າແຮງບົ່ມ
ຊ້ອນຂອງກົມກອງ, ເພີ່ມທະວີຄວາມສາມັກຄີເປັນເອກະພາບພາຍໃນຄະນະ, ປັບປຸງແບບແຜນນຳພາ, ປະຕິບັດຫຼັກການລວມສູນປະຊາທິປະໄຕເຮັດ
ວຽກເປັນໝູ່ຄະນະ ແບ່ງວຽກໃຫ້ບຸກຄົນຮັບຜິດຊອບເພື່ອສືບຕໍ່ນຳພາ-ຊີ້ນຳກົມກອງ ກ້າວຂຶ້ນຢ່າງບໍ່ຢຸດຢັ້ງ.

ແຫຼ່ງຂ່າວໂດຍ ສາຄອນ ສຸລິເຍດ
ວັນທີ 05/09/2024