ອົງຄະນະພັກ ກອງພັນໃຫຍ່ 941 ດໍາເນີນກອງປະຊຸມໃຫຍ່ ຄັ້ງທີ VI

    ກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ກອງພັນໃຫຍ່ 941 ໄດ້ຈັດຂຶ້ນໃນວັນທີ 6 ສິງຫາ 2024 ນີ້, ໂດຍການເປັນປະທານຂອງ
ສະຫາຍ ພົນຕີ ສອນທອງ ພົມລາວົງ ກໍາມະການຄະນະປະຈໍາພັກ ກະຊວງປ້ອງກັນປະເທດ, ຮອງຫົວໜ້າ ກົມໃຫຍ່ການເມືອງກອງທັບ, ມີຄະ
ນະພັກ-ຄະນະບັນຊາ ກອງພັນໃຫຍ່, ກົມທີ່ກ່ຽວຂ້ອງ, ແຂກຖືກເຊີນ ແລະ ສະມາຊິກພັກ ທົ່ວກອງພັນໃຫຍ່ 941 ເຂົ້າຮ່ວມ.

     ສະຫາຍ ພັນເອກ ພູໂຂງ ມະໂນລາ ເລຂາຄະນະພັກ, ຫົວໜ້າການເມືອງ ກອງພັນໃຫຍ່ 941 ໄດ້ ຜ່ານບົດລາຍງານການເມືອງທັງສອງພາກ,
ເຊິ່ງໄດ້ຍົກໃຫ້ເຫັນ ຜົນສໍາເລັດຜ່ານການຈັດຕັ້ງປະຕິບັດ ມະຕິກອງປະຊຸມໃຫຍ່ຂອງຄະນະພັກ ໃນຄັ້ງຜ່ານມາ, ຄະນະພັກ-ຄະນະບັນຊາ ໄດ້ມີ
ຄວາມເປັນເອກະພາບກັນສູງໃນການຊີ້ນຳ-ນຳພາ, ປະຕິບັດຢ່າງຖືກຕ້ອງຕາມຫຼັກການຂອງພັກ, ເຮັດໃຫ້ຖັນແຖວພະນັກງານ-ສະມາຊິກພັກ ມີ
ຄວາມຮັບຮູ້ເຂົ້າໃຈ ແລະ ກຳແໜ້ນແນວທາງນະໂຍບາຍຂອງພັກ, ກົດໝາຍຂອງລັດ, ມີສະຕິຕື່ນຕົວສູງ, ເປັນເຈົ້າການໃນການຈັດຕັ້ງປະຕິບັດ ໜ້າ
ທີ່ວຽກງານທີ່ການຈັດຕັ້ງຂັ້ນເທິງມອບໝາຍໃຫ້, ຄະນະພັກ ໄດ້ຖືເອົາວຽກງານສຶກສາອົບຮົມການເມືອງ-ນຳພາແນວຄິດເປັນກົກ ສອດຫ້ອຍເຂົ້າ
ໃນທຸກຂົງເຂດວຽກງານລວມຂອງກົມກອງ, ໄດ້ຈັດຕັ້ງເຜີຍແຜ່ເຊື່ອມຊຶມ ແນວທາງແຜນນະໂຍບາຍຂອງພັກ, ລະບຽບກົດໝາຍຂອງລັດ ກໍຄື ຂໍ້
ກໍານົດ, ກົດລະບຽບຂອງກອງທັບ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ ໄປຄຽງຄູ່ກັນນັ້ນ,
ຍັງໄດ້ເອົາໃຈໃສ່ ປັບປຸງກໍ່ສ້າງພັກໃຫ້ໜັກແໜ້ນ, ເຂັ້ມແຂງ ທັງ 4 ດ້ານ ໂດຍຖືເອົາຄຸນນະພາບເປັນກົກ ຕິດພັນກັບ ການກໍ່ສ້າງໜ່ວຍພັກປອດໃສ
ເຂັ້ມແຂງ ໜັກແໜ້ນ ບົນພື້ນຖານ ຍຶດໝັ້ນ 5 ຫຼັກການ 3 ທິດນໍາຂອງພັກ ພ້ອມນີ້, ຍັງໄດ້ຊຸກຍູ້ອົງການຈັດຕັ້ງມະຫານຊົນ ຊາວໜຸ່ມ-ແມ່ຍິງ ໃຫ້
ເຄື່ອນໄຫວຕາມພາລະບົດບາດຂອງຕົນ, ໄດ້ເພີ່ມທະວີຄວາມຮັບຜິດຊອບຕໍ່ໜ້າທີ່ການເມືອງຂອງກົມກອງ ພ້ອມທັງໄດ້ເອົາໃຈໃສ່ ປັບປຸງສະຖານທີ່
ຄ້າຍຄູ ແລະ ປັບປຸງຊີວິດການເປັນຢູ່ ຂອງພະນັກງານ-ນັກຮົບພາຍໃນກົມກອງ ໃຫ້ດີຂຶ້ນເປັນກ້າວໆ. ໃນກອງປະຊຸມ, ຍັງໄດ້ຮັບຟັງ ການຄົ້ນຄວ້າປະ
ກອບຄໍາເຫັນ ຂອງບັນດາສະມາຊິກພັກ ຕໍ່ໝາກຜົນແຫ່ງການນໍາພາ-ຊີ້ນຳຂອງຄະນະພັກ ໃນຊຸມປີຜ່ານມາ. ຈາກນັ້ນ, ຜູ້ແທນກອງປະຊຸມ ໄດ້ພ້ອມ
ກັນໃຊ້ສິດປະຊາທິປະໄຕ ປ່ອນບັດຄັດເລືອກເອົາ ຄະນະພັກຊຸດໃໝ່, ກອງປະຊຸມຄັ້ງປະຖົມມະລຶກ ໄດ້ເປັນເອກະສັນ ເລືອກເອົາ ສະຫາຍ ພັນເອກ
ພູໂຂງ ມະໂນລາ ເປັນເລຂາຄະນະພັກ, ສະຫາຍ ພັນເອກ ພັນສອນ ຄຳຜິວ ເປັນຮອງເລຂາຄະນະພັກ ແລະ ສະຫາຍ ພັນເອກ ສຸດທິກອນ ພິມພັນ
ເປັນປະທານກວດຄະນະພັກ.

     ໂອກາດນີ້, ສະຫາຍ ພົນຕີ ສອນທອງ ພົມລາວົງ ໄດ້ມີຄໍາເຫັນໂອ້ລົມ ພ້ອມທັງ ເນັ້ນໜັກໃຫ້ຄະນະພັກຊຸດໃໝ່ ເພີ່ມທະວີຄວາມຮູ້ຄວາມສາ
ມາດຂອງຕົນໃຫ້ສູງຂຶ້ນກວ່າເກົ່າ, ເຮັດວຽກເປັນໝູ່ຄະນະ, ແບ່ງວຽກໃຫ້ບຸກຄົນຮັບຜິດຊອບຢ່າງຈະແຈ້ງ, ມີຄວາມໜັກແໜ້ນທາງດ້ານການເມືອງ
-ແນວຄິດ, ຖືເອົາວຽກງານສຶກສາອົບຮົມການເມືອງ-ນຳພາແນວຄິດ ເປັນຫຼັກ, ໝູນໃຊ້ຄວາມຮູ້ຄວາມສາມາດ ແລະ ປະສົບການທີ່ມີ ເພື່ອພັດທະ
ນາກອງພັນໃຫຍ່ 941 ໃຫ້ມີຄວາມເຕີບໃຫຍ່ເຂັ້ມແຂງ.

ແຫຼ່ງຂ່າວໂດຍ ຂກທ
ວັນທີ 08/08/2024