ວິທະຍາຄານພະລາທິການກອງທັບ ເປີດສົກຮຽນປະຈຳປີ 2024-2025

    ໃນວັນທີ 6 ກັນຍາ 2024 ນີ້, ວິທະຍາຄານພະລາທິການກອງທັບ ໄດ້ເປີດສົກຮຽນປະຈຳປີ 2024-2025, ໂດຍການເປັນປະທານຂອງ
ສະຫາຍ ພົນຕີ ປະສິດ ທ່ຽງທຳ ຮອງລັດຖະມົນຕີກະຊວງປ້ອງກັນປະເທດ, ມີຄະນະພັກ-ຄະນະອຳນວຍການ, ບັນດາກົມ, ວິທະຍາຄານ,ໂຮງ
ຮຽນ, ແຂກທີ່ຖືກເຊີນ, ພະນັກງານ, ຄູ-ອາຈານພ້ອມດ້ວຍນັກຮຽນ-ນັກສຶກສາເຂົ້າຮ່ວມ.

     ໃນສົກຮຽນປີນີ້ມີ ນັກຮຽນ-ນັກສຶກສາເຂົ້າຮຽນ ທັງໝົດຈຳນວນ 592 ສະຫາຍ, ນັກສຶກສາເກົ່າເລື່ອນປີຮຽນ 366 ສະຫາຍ, ນັກຮຽນ-ນັກ
ສຶກສາເຂົ້າໃໝ່ 218 ສະຫາຍ ພ້ອມນີ້ຍັງໄດ້ຮັບຟັງການຜ່ານຂໍ້ຕົກລົງວ່າດ້ວຍການອະນຸມັດໃຫ້ນາຍ ແລະ ພົນທະຫານເຂົ້າຮຽນຢູ່ວິທະຍາຄານພະ
ລາທິການກອງທັບທັງໝົດ 226 ສະຫາຍ, ປະກອບມີ 5 ລະບົບຄື: ກໍ່ສ້າງປະລິນຍາໂທ ລະບົບ 2 ປີ, ກໍ່ສ້າງປະລິນຍາຕີຂັ້ນກອງພັນໃຫຍ່, ກອງ
ພົນ ລະບົບ 2 ປີ, ກໍ່ສ້າງປະລິນຍາຕີຂັ້ນກອງພັນນ້ອຍ ລະບົບ 4 ປີ, ກໍ່ສ້າງຊັ້ນກາງ ລະບົບ 2 ປີ ແລະ ກໍ່ສ້າງຊັ້ນສູງເລັ່ງລັດ ລະບົບ 1 ປີ, ເຊິ່ງລວມ
ມີ 12 ສາຂາວິຊາຮຽນ ແລະ 27 ຫ້ອງຮຽນ, ນັກຮຽນ-ນັກສຶກສາເຫຼົ່ານີ້ແມ່ນມາຈາກກຳລັງຫຼວງ, ກຳລັງທ້ອງຖິ່ນ ແລະ ກຳລັງປ້ອງກັນຄວາມສະ
ຫງົບຈໍານວນໜຶ່ງ.

ແຫຼ່ງຂ່າວໂດຍ ໜູແດງ
ວັນທີ 09/09/2024