ເຜີຍແຜ່ ເຊື່ອມຊຶມ ມະຕິຂອງກົມການເມືອງສູນກາງພັກ ຢູ່ເຂດພາກກາງ

ສະຫາຍ ພົນໂທ ສຈ ປອ ວົງຄຳ ພົມມະກອນ ກຳມະການສູນກາງພັກ, ຮອງລັດຖະມົນຕີ ກະຊວງປ້ອງກັນປະເທດ ເປັນປະທານ

    ວັນທີ 9 ສິງຫາ 2024 ນີ້, ຢູ່ກອງພົນທີ 1 ໄດ້ເປີດກອງປະຊຸມເຜີຍແຜ່, ເຊື່ອມຊຶມ ມະຕິເລກທີ 04/ກມສພ ວ່າດ້ວຍການສ້າງເສດຖະ
ກິດ ເອກະລາດ ເປັນເຈົ້າຕົນເອງໃນໄລຍະໃໝ່ ແລະ ຜັນຂະຫຍາຍມະຕິ ກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 8 ສະໄໝທີ XI
ໃຫ້ກຳລັງຫຼວງ-ກຳລັງທ້ອງຖິ່ນ ເຂດພາກກາງ, ໂດຍການເປັນປະທານຂອງ ສະຫາຍ ພົນໂທ ສຈ ປອ ວົງຄຳ ພົມມະກອນ ກຳມະການສູນກາງ
ພັກ, ຮອງລັດຖະມົນຕີ ກະຊວງປ້ອງກັນປະເທດ, ມີ ສະຫາຍ ພົນຈັດຕະວາ ທະນູກອນ ສຸລິຍະແສງ ຮອງຫົວໜ້າຫ້ອງວ່າການກະຊວງ, ຜູ້ຕາງ
ໜ້າກົມໂຄສະນາ, ຄະນະພັກ-ຄະນະບັນຊາ 9 ກົມກອງເຂດພາກກາງ ຄື: ກອງພົນທີ 1, ກອງພົນທີ 2, ກອງບັນຊາການທະຫານແຂວງໄຊຍະບູ
ລີ, ແຂວງວຽງຈັນ, ວິທະຍາຄານນາຍທະຫານບົກກົມມະດຳ, ວິທະຍາຄານພະລາທິການກອງທັບ, ກອງພັນໃຫຍ່ 497, ກອງພັນໃຫຍ່ 605,
ກອງພັນໃຫຍ່ 941 ແລະ ພະນັກງານຫຼັກແຫຼ່ງທົ່ວກອງພົນ ເຂົ້າຮ່ວມ.

     ສະຫາຍ ພົນຈັດຕະວາ ທະນູກອນ ສຸລິຍະແສງ ໄດ້ຜ່ານມະຕິ ເລກທີ 04/ກມສພ; ອີງຕາມແນວທາງປ່ຽນແປງໃໝ່ຂອງພັກ, ມະຕິກອງ
ປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ແລະ ບັນດາມະຕິ ຂອງຄະນະບໍລິຫານງານສູນກາງພັກ ໃນໄລຍະຜ່ານມາ, ເພື່ອຜັນຂະ
ຫຍາຍທິດທາງການສືບຕໍ່ສ້າງເສດຖະກິດຕະຫຼາດ ຕາມທິດສັງຄົມນິຍົມ. ການສ້າງເສດຖະກິດ ເອກະລາດເປັນເຈົ້າຕົນເອງ ເນື້ອແທ້ແມ່ນການ
ຍົກສູງສະຕິຊາດ, ເສີມຂະຫຍາຍສະຕິປັນຍາ, ກຳລັງແຮງ ແລະ ຄວາມສາມາດແຂ່ງຂັນຂອງຄົນໃນຊາດ ເພື່ອຂຸດຄົ້ນທ່າແຮງບົ່ມຊ້ອນດ້ານຊັບ
ພະຍາກອນມະນຸດ, ຊັບພະຍາກອນທຳມະຊາດ, ທີ່ຕັ້ງພູມສັນຖານ, ວັດທະນະທຳ-ສັງຄົມ ຢ່າງມີການວາງແຜນ, ມີຍຸດທະສາດ ແລະ ຄຳນຶງ
ເຖິງປະສິດທິພາບ, ປະສິດທິຜົນ ແລະ ຄວາມຄຸ້ມຄ່າຂອງຊັບພະຍາກອນ ເພື່ອຕອບສະໜອງໃຫ້ແກ່ການປົກປັກຮັກສາ ແລະ ການພັດທະນາ
ທີ່ຍືນຍົງ, ສ້າງຄວາມຢູ່ດີກິນດີໃຫ້ປະຊາຊົນພາຍໃນຊາດ; ການສ້າງເສດຖະກິດເອກະລາດ ເປັນເຈົ້າຕົນເອງ ຕ້ອງເລີ່ມຈາກຕ່ຳຫາສູງ, ນ້ອຍຫາ
ໃຫຍ່ ບົນພື້ນຖານການບຸກບືນສູ້ຊົນສູງສຸດ ແລະ ຕ້ອງໃຊ້ເວລາເໝາະສົມດ້ວຍຈິດໃຈເຄັ່ງຮ້ອນ, ມີບາດກ້າວເດີນຈະແຈ້ງ; ນອກນັ້ນ ຍັງຕ້ອງມີ
ພື້ນຖານການຜະລິດ, ການບໍລິການ, ສ້າງໃຫ້ມີຜະລິດຕະພັນທີ່ຫຼາກຫຼາຍ, ພັດທະນາລະບົບການເງິນ-ເງິນຕາໃຫ້ເຂັ້ມແຂງ ແລະ ເປັນເຈົ້າເຊື່ອມ
ໂຍງເຂົ້າກັບສາກົນ. ສະຫາຍ ຮອງລັດຖະມົນຕີ ກະຊວງປ້ອງກັນປະເທດ ໄດ້ເຜີຍແຜ່ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງ
ທີ 8 ສະໄໝທີ XI; ກອງປະຊຸມດັ່ງກ່າວໄດ້ດຳເນີນໃນລະຫວ່າງ ວັນທີ 13-17 ພຶດສະພາ 2024 ທີ່ຫ້ອງວ່າການສູນກາງພັກ, ໂດຍພາຍໃຕ້ການ
ເປັນປະທານ ຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນປະຕິວັດລາວ, ປະທານປະເທດ ແຫ່ງ
ສປປ ລາວ; ເນື້ອໃນກອງປະຊຸມປະກອບມີ: 1. ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານເງິນຕາ 6 ເດືອນ
ຕົ້ນປີ ແລະ ທິດທາງແຜນການ 6 ເດືອນທ້າຍປີ 2024 ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານ
ເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ; 2. ການປະຕິຮູບລັດວິສາຫະກິດ ( ໂດຍເລັ່ງໃສ່ 3 ລັດວິສາ
ຫະກິດ ຄື: ໄຟຟ້າລາວ, ການບິນລາວ, ນ້ຳມັນເຊື້ອໄຟລາວ ); 3. ຕີລາຄາກ່ຽວກັບການຍົກສູງຄຸນນະພາບດ້ານການດຳເນີນຄະດີ ຕາມຂະບວນ
ການຍຸຕິທຳ, ຕາມມະຕິເລກທີ 112/ກມສພ, ລົງວັນທີ 2 ມິຖຸນາ 2020 ຂອງກົມການເມືອງສູນກາງພັກ; 4. ການປັບປຸງຄຸນນະພາບການສຶກສາ
ແລະ ການແກ້ໄຂບັນຫາການປະລະການຮຽນ, ການຂາດແຄນຄູສອນ; 5. ການກະກຽມເອກະສານຕົ້ນຕໍ ຂອງກອງປະຊຸມໃຫຍ່ ຄັ້ງທີ XII ຂອງ
ພັກ; 6. ກອງປະຊຸມ ໄດ້ມອບໃຫ້ກົມກອງເມືອງສູນກາງພັກ ແລະ ຄະນະເລຂາທິການສູນກາງພັກ ຊີ້ນຳລັດຖະບານ, ອົງການພັກ ແລະ ລັດ, ຄະ
ນະພັກແຕ່ລະຂັ້ນ ຈັດຕັ້ງປະຕິບັດວຽກງານຈຸດສຸມແຕ່ນີ້ຮອດ ກອງປະຊຸມຄົບຄະນະບໍລິຫານງານພັກ ຄັ້ງທີ 9 ສະໄໝທີ XI ໃນທ້າຍປີ 2024.

     ເພື່ອຕອບສະໜອງກັບຄວາມຮຽກຮ້ອງຕ້ອງການໃນການປັບປຸງກໍ່ສ້າງກຳລັງປະກອບອາວຸດໃຫ້ມີຄວາມໜັກແໜ້ນເຂັ້ມແຂງຢ່າງຕັ້ງໜ້າໄປ
ຕາມບາດກ້າວເດີນຂອງພັກ; ສະຫາຍ ປະທານ ໄດ້ກ່າວຊີ້ນຳໃຫ້ ຄະນະພັກ - ຄະນະບັນຊາ ແຕ່ລະຂັ້ນ, ພະນັກງານ-ສະມາຊິກພັກແຕ່ລະສະຫາຍ
ຕ້ອງເຊື່ອມຊຶມ, ກຳແໜ້ນເນື້ອໃນບັນດາມະຕິຂອງສູນການພັກ ໃຫ້ກາຍເປັນຄວາມຮັບຜິດຊອບ ແລ້ວນຳໄປຈັດຕັ້ງເຜີຍແຜ່ໃຫ້ພະນັກງານ-ນັກຮົບ
ຢ່າງທົ່ວເຖິງ; ສືບຕໍ່ເກັບກຳສະພາບແນວຄິດຂອງພະນັກງານ-ນັກຮົບໄປພ້ອມກັບການສຶກສາອົບຮົມການເມືອງ-ນຳພາແນວຄິດ ໃຫ້ເຊື່ອມຊຶມ, ກຳ
ແໜ້ນຕໍ່ແນວທາງນະໂຍບາຍຂອງພັກ-ລັດ ຢ່າງຈະແຈ້ງ; ອອກແຮງນຳພາຈັດຕັ້ງປະຕິບັດໜ້າທີ່ການເມືອງຂອງກົມກອງ, ໜ້າທີ່ຄວາມຮັບຜິດຊອບ
ຂອງຕົນເອງ, ຕັ້ງໜ້າອົບຮົມ-ຫັດແອບປັບປຸງລະບຽບແບບແຜນໃຫ້ເຂັ້ມງວດ, ຍູ້ແຮງຂະບວນການຕ່າງໆຂອງກົມກອງໃຫ້ຟົດຟື້ນແຂງແຮງ; ເພີ່ມ
ທະວີ ແລະ ຮັກສາແໜ້ນຄວາມສາມັກຄີໃນກົມກອງໃຫ້ແໜ້ນແຟ້ນ; ອອກແຮງປັບປຸງສະຖານທີ່ຄ້າຍຄູໃຫ້ເປັນລະບຽບຈົບງາມ, ພ້ອມຍູ້ແຮງຂະ
ບວນການເພີ່ມພູນຜະລິດຜົນ ປູກຝັງ-ລ້ຽງສັດ ໂດຍໝູນໃຊ້ທ່າແຮງບົ່ມຊ້ອນທີ່ມີຂອງກົມກອງ ເພື່ອເປັນເຈົ້າຕົນເອງ ແລະ ສ້າງຄວາມເຂັ້ມແຂງ
ດ້ວຍຕົນເອງ.

ແຫຼ່ງຂ່າວໂດຍ ໂກຮັງ ພັນທະວົງ
ວັນທີ 13/08/2024